بيىل «بەينەۋ – بوزوي» گاز قۇبىرى جەلىسىنىڭ قۇرىلىسى اياقتالادى

استانا. 19 ناۋرىز. baq.kz – بۇگىن ورتالىق كوممۋنيكاسيالار قىزمەتىنىڭ الاڭىندا وتكەن ٴباسپاسوز ٴماسليحاتىندا ەنەرگەتيكا ۆيسە-مينيسترى ماعزۇم مىرزاعاليەۆ مەملەكەت باسشىسىنىڭ تاپسىرمالارىن، «نۇرلى جول – بولاشاققا باستار جول» جولداۋىن جانە يندۋستريالاندىرۋ باعدارلامالارىن ىسكە اسىرۋدا ٴوز مينيسترلىكتەرىندە اتقارىلىپ جاتقان قىزمەتتەرى جونىندە باياندادى.

- سوڭعى جىلدارى قازاقستاندا ٴبىرقاتار ٴىرى گازكولىكتىك جوبالار ىسكە قوسىلدى. مىسالى، قازاقستان – قىتاي گاز قۇبىرىنىڭ ٴ3-شى جەلىلىك بولىگىنىڭ قۇرىلىسى اياقتالۋدا. ول ارقىلى جىلىنا 55 ملرد. م3 دەيىن گازدى تاسمالداۋعا بولادى. الايدا، وتكەن جىلدىڭ وزىندە قۇبىر ارقىلى كولەمى 30 ملرد. م3 بولاتىن گاز تاسىمالداندى. بۇدان باسقا، «بەينەۋ – بوزوي – شىمكەنت» ماگيسترالدى گاز قۇبىرىنىڭ قۇرىلىسى جۇرگىزىلىپ جاتىر، - دەدى ماعزۇم مارات ۇلى.

ايتا كەتەيىك، 2013 جىلى «بوزوي – شىمكەنت» قۇرلىسىنىڭ جەلىلىك بولىگى اياقتالعان بولسا، اعىمداعى جىلدا «بەينەۋ – بوزوي» جەلىلىك بولىگىنىڭ قۇرىلىسى اياقتالادى دەپ جوسپارلانعان. وسى گاز قۇبىرى ارقىلى ەلىمىزدىڭ وڭتۇستىك وڭىرىندەگى ەلدى مەكەندەرگە قاجەتتى گازدىڭ تاسىمالدانۋى بويىنشا مىندەتتەر شەشىلىپ، ودان ارتىلعانى شىعىستاعى كورشى ەلگە ەكسپورتقا شىعارۋ مۇمكىندىگى تۋىندايدى.
 

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!