استانا: 
713 
0
استانا. 18 اقپان. baq.kz – بيىل «قولجەتىمدى باسپانا – 2020» مەملەكەتتىك باعدارلاماسى اياسىندا استانادا 1428 پاتەر پايدالانۋعا بەرىلەدى. بۇل جايىندا بۇگىن حالىق الدىندا ەسەپ بەرگەن استانا قالاسىنىڭ اكىمى ادىلبەك جاقسىبەكوۆ مالىمدەدى.
«2015 جىلى «قولجەتىمدى باسپانا – 2020» باعدارلاماسى اياسىندا جالپى كولەمى 82،2 مىڭ شارشى مەتردى قۇرايتىن 1 428 پاتەر پايدالانۋعا بەرىلەدى. اتالعان باعدارلاما اياسىندا 65،4 مىڭ شارشى مەتردى قۇرايتىن 1 181 ٴپاتىردىڭ قۇرىلىسى جالعاسۋدا. ولاردى 2016 جىلى قولدانىسقا بەرۋ بەلگىلەنگەن» دەدى اكىم ٴوز بايانداماسىندا.
جالپى العاندا 2015 جىلدىڭ ٴبىرىنشى جارتى جىلدىعىندا جالپى اۋماعى 158،8 مىڭ شارشى مەتردى قۇرايتىن 2 507 پاتەر پايدالانۋعا بەرىلىپ، 2008-2010 جىلدارعا ارنالعان تۇرعىن ٴۇي باعدارلاماسى تولىعىمەن اياقتالادى.
اكىمنىڭ ايتۋىنشا، بۇدان بىلاي ەلوردادا سالىناتىن بىردە-بىر تۇرعىن ٴۇي نىسانى كولىك پاركينگى بولماسا قابىلدانبايدى. قالادا مەملەكەتتىك-جەكەمەنشىك ارىپتەستىك نەگىزىندە ون پاركينگ سالۋ تۋرالى شەشىم قابىلدانعان.
بۇگىنگى تاڭدا استانادا جۇمىس ىستەپ جاتقان قۇرىلىس كومپانيالارىنىڭ سانى وتكەن جىلدارمەن سالىستىرعاندا 20% ارتقان.
- قالادا بىرنەشە سەنىمسىز مەردىگەر-كومپانيالار بار. كەيبىرىندە رۇقسات قۇجاتتارى جوق. ولارعا قاتىستى قىلمىستىق ىستەر قوزعالدى. سوندىقتان پاتەر قۇرىلىسىنا قارجى قۇيۋ ىسىندە مۇقيات بولىڭىزدار دەگىم كەلەدى. سەنىمسىز كومپانيالار تاراپىنان ادامداردى الداۋ وقيعالارى تىركەلگەن. بۇل رەتتە كۇمان تۋدىراتىن جاعدايدا اكىمدىككە حابارلاسىپ، كەز-كەلگەن مەردىگەر بويىنشا ٴتيىستى اقپارت الۋعا كەڭەس بەرەمىن، - دەدى ٴا. جاقسىبەكوۆ.
ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!
5007
0