بەس ٴمجا جوباسىن ىسكە اسىرۋدىڭ ينديكاتورى قوسىلدى – م.قۇسايىنوۆ - قازاقستان ەكونوميكاسى|28 قاڭتار 2016، 14:30
كۋرسى ۆاليۋت وبنوۆليايۋتسيا
استانا:

بەس ٴمجا جوباسىن ىسكە اسىرۋدىڭ ينديكاتورى قوسىلدى – م.قۇسايىنوۆ

استانا. 28 قاڭتار. baq.kz – ۇلتتىق ەكونوميكا مينيسترلىگى «قازاقستاندىق مەملەكەتتىك-جەكەشەلىك ارىپتەستىك ورتالىعى» اق-مەن بىرلەسىپ، ۇلتتىق ەكونوميكا ٴبىرىنشى ۆيسە-مينيسترى م.قۇسايىنوۆتىڭ توراعالىعىمەن شىعىس قازاقستان وبلىسىنىڭ اكىمدىگىندە «مەملەكەتتىك –جەكەشەلىك ارىپتەستىك تۋرالى» قر زاڭىن ٴتۇسىندىرۋ بويىنشا وڭىرلىك سەمينار وتكىزدى. سەميناردا مەملەكتتىك-جەكەشەلىك ارىپتەستىك (ٴمجا) جۇمىستارىن ودان ٴارى ۇيىمداستىرۋ، ٴمجا-نى دامىتۋدىڭ جول كارتاسىن ەنگىزۋ ماسەلەلەرى، سونداي-اق «مەملەكەتتىك –جەكەشەلىك ارىپتەستىك تۋرالى» قر زاڭىن ٴتۇسىندىرۋ، ەكونوميكانىڭ بارلىق سالالارىندا ٴمجا-نىڭ جوبالارىن جوسپارلاۋ جانە ىسكە اسىرۋ راسىمدەرى تالقىلاندى.

مارات قۇسايىنوۆ ٴمجا بۇگىنگى تاڭدا ۇكىمەت پەن وڭىرلەر جانە بيزنەس اراسىندا ٴوزارا ٴتيىمدى، ۇزاق مەرزىمدى ىنتىماقتاستىقتى قۇرۋ ارقىلى الەۋمەتتىك ماڭىزدى جوبالاردى ىسكە اسىرۋدىڭ شىنايى بالاماسى ەكەندىگىن اتاپ ٴوتتى.

«ٴمجا-نىڭ دامۋىن ودان ٴارى جىلدامداتۋ ٴۇشىن قر ۇكىمەتىنىڭ داعدارىسقا قارسى جوسپارىنىڭ اياسىندا وڭىرلەردى دامىتۋ باعدارلامالارىنا جىلىنا كەمىندە 5 ٴمجا جوباسىن ىسكە اسىرۋ ينديكاتورى قوسىلدى» - دەدى ٴبىرىنشى ۆيسە-مينيستر ٴوز سوزىندە.

«مەملەكەتتىك –جەكەشەلىك ارىپتەستىك تۋرالى» قر زاڭىنىڭ ماقساتى قوعامدىق يگىلىكتەر مەن كورسەتىلەتىن قىزمەتتەردىڭ ساپاسىنىڭ جانە قولجەتىمدىلىك دەڭگەيىن ارتتىرۋ ٴۇشىن رەسۋرستاردى بىرىكتىرۋ ارقىلى قازاقستان رەسپۋبليكاسى مەن جەكە سەكتور اراسىندا ۇزاق مەرزىمدى ىنتىماقتاستىقتى قالىپتاستىرۋ جانە كۇشەيتۋ بولىپ تابىلادى.

جەكە قارجىلىق باستاما

ٴمجا تۋرالى زاڭ جەكە مەنشىك وبەكتىلەرى بار كاسىپكەرلەرگە (بالاباقشالار، مەديسينالىق مەكەمەلەرى جانە ت.ب.) ٴمجا جوبالارىنا باستاما جاساۋعا جانە بالامالى ۇسىنىستار بولماعان جاعدايدا، كونكۋرس وتكىزبەي تىكەلەي كەلىسسوزدەر جۇرگىزۋ نەگىزىندە شارت جاساۋ مۇمكىندىكتەرىن بەرەدى.

ٴمجا شاعىن نىساندارى

ۇلگىلىك قۇجاتتاما نەگىزىندە ىسكە اسىرىلاتىن قۇنى 4 ملن-گە دەيىن ايلىق ەسەپتىك كورسەتكىشتى قۇرايتىن (8،4 ملرد.تەڭگە) جوبالار بويىنشا، الدىن-الا بىلىكتىلىكسىز جانە ساراپتاماسىز (ۇكپ ٴتىزىلىمى نەگىزىندە) كونكۋرس وتكىزىلەدى. رەسپۋبليكالىق دەڭگەيدە ۇلتتىق كاسىپكەرلەر پالاتاسى سايكەسىنشە وڭىرلىك پالاتالارمەن بىرگە تاسىلدەردى ايقىندايدى جانە الدىن-الا بىلىكتىلىكتەن وتپەي جەرگىلىكتى ٴمجا جوبالارىنا قاتىسۋى ٴۇشىن كاسىپكەرلەر ٴتىزىلىمىن قالىپتاستىرادى.

سەرۆيستىك كەلىسىم-شارتتار

ٴمجا تۋرالى زاڭ عيماراتتارعا، قۇرىلىستارعا اقپاراتتىق جۇيەلەرگە تاۋارلاردى جانە كورسەتىلەتىن قىزمەتتەر مەن جۇمىستاردى ٴداستۇرلى ساتىپ الۋدان جەكە سەكتورعا سەرۆيستىك فۋنكسيالاردى بەرۋ ارقىلى سەرۆيستىك مودەلگە وتۋگە مۇمكىندىك بەرەدى. مەملەكتتىك قولداۋ كورسەتۋدىڭ نەگىزگى شاراسى رەتىندە تاۋارلاردى، جۇمىستار مەن كورسەتىلەتىن قىزمەتتەردى ساپتىپ الۋ ۇزاق مەرزىمدى كەپىلدەمەلەر بولادى.

سەرۆيستىك كەلىسىم-شارتتار مەملەكەتتىك دەنساۋلىق ساقتاۋ وبەكتىلەرىن زەرتحانالىق اناليز، تاماق ونىمدەرىن جەتكىزۋ جانە ت.ب. سياقتى قىزمەتتەر تۇرلەرىمەن قامتاماسىز ەتۋ ٴۇشىن قولدانىلا الادى.

ولار جەكە ارىپتەستىڭ (تاجىريبەسىن، وزىق تەحنولوگيالارىن) سالىستىرمالى ارتىقشىلىقتارىن پايدالانۋعا باعىتتالعان. ٴبىلىم بەرۋ سالاسىندا سەرۆيستىك بايلانىستار اقپاراتتىق جۇيەلەرمەن جۇمىس ٴۇشىن،بايلانىس، كوممۋتاسيا تەحنيكالىق قۇرالدارىنا قىزمەت كورسەتۋ، دىبىس بەرىلۋى، كونفەرەنسيا-زالدارىن، وقۋ اۋديتوريالارىن جارىقتاندىرۋدا جانە ت.ب جۇمىستاردا پايدالانىلادى.

مەملەكەتتىك قولداۋ شارالارى

ٴمجا تۋرالى زاڭدا جاڭا جوبالاردى ينۆەستيسيالىق جانە وپەراسيالىق شىعىندار وتەماقىسىن، قولجەتىمدىلىك جانە مەملەكتتىك كەپىل ٴۇشىن تولەمدى قوسا العاندا مەملەكەتتىك قولداۋدىڭ بارلىق ارسەنالى ساقتالعان.

ٴمجا تۋرالى زاڭ قازاقستاندىق ٴمجا ورتالىعى تاراپىنان ٴمجا-نىڭ بارلىق قاتىسۋشىلارىن تولىق قىزمەتتىك قولداۋدى، ونىڭ ىشىندە زەرتتەۋلەر جۇرگىزۋ جانە ۇسىنىمدار ازىرلەۋ; جوبالارعا ساراپتاما جۇرگىزۋ; جوبالاردىڭ ىسكە اسىرىلۋىن باعالاۋ; مامانداردى وقىتۋ; ىسكە اسىرىلۋى جوسپارلاناتىن ٴمجا جوبالارىنىڭ تىزبەسىن جۇرگىزۋ. ورتالىق ٴمجا جوبالارىن كونسۋلتاسيالىق سۇيەمەلدەۋ بويىنشا قىزمەتتەر كورسەتەدى.

جەكە سەكتوردىڭ جوسپارلاۋ راسىمدەرىنە قاتىسۋى

ٴمجا تۋرالى زاڭ قابىلدانعاننان باستاپ ەلىمىزدە باسەكەلەستىك ديالوگ تەتىگى ەنگىزىلە باستادى، وندا مەملەكەت جوسپارلاناتىن ٴمجا جوباسى تۋرالى جاريالايدى، ال بارلىق قىزىعۋشىلىق تانىتقان تۇلعالار جوبانىڭ تۇجىرىمداماسىن، كونكۋرستىق قۇجاتتامانى تالقىلاۋعا جانە ازىرلەۋگە قاتىسا الادى.
جالپى جاڭا زاڭ ٴمجا-نى قولدانۋ سالاسى بويىنشا شەكتەۋلەردى الىپ تاستاۋدى كوزدەيدى، مجا-گە قاتىسۋشىلاردىڭ سۋبەكتىلىك قۇرامىن كەڭەيتەدى، ٴمجا جوبالارىنا باستاما جاساۋ جانە ديىنداۋ جەكە سەكتوردىڭ ٴرولىن ارتتىرادى.

«مەملەكەتتىك-جەكەشەلىك ارىپتەستىك تۋرالى» زاڭ مەملەكەت پەن بيزنەس اراسىنداعى قاتىناستاردا جاڭا بەلەستەردى اشادى، ۇلتتىق ەكونوميكانىڭ بارلىق سالالارى مەن ايالارىندا ٴمجا-نى قولدانۋ الەۋەتىن كەڭەيتەدى جانە قازاقستاننىڭ جاڭا ٴوسۋ مودەلىنىڭ نەگىزگى ەلەمەنتتەرىنىڭ ٴبىرى بولىپ تابىلا الادى-دەپ قر ۇلتتىق ەكوكنوميكا ٴبىرىنشى ۆيسە-مينيسترى مارات قۇسايىنوۆ ٴوز ٴسوزىن اياقتادى.

سەمينارعا مەملەكەتتىك، جەرگىلىكتى اتقارۋشى ورگاندار، بيزنەس قاۋىمداستقتار، «قازاقستاندىق مەملەكتتىك-جەكەمەنشىك ارىپتەستىك ورتالىعى» اق، «مەملەكەتتىك-جەكەشەلىك ارىپتەستىك جوبالارىن سۇيەمەلدەۋ ورتالىعى» جشس جانە ت.ب. وكىلدەرى قاتىستى.

مەملەكەت باسشىسىنىڭ تاپسىرماسىن ورىنداۋ ٴۇشىن ۇلتتىق ەكونوميكا مينيسترلىگى وتكەن جىلدىڭ جەلتوقسان ايىنان باستاپ «مەملەكەتتىك-جەكەشەلىك ارىپتەستىك تۋرالى» زاڭىنىڭ نورمالارى مەن ەرەجەلەرىن مەملەكەتتىك ورگاندارعا، اكىمدىكتەر مەن بيزنەس قاۋىمداستىقتارعا كەڭ كولەمدە ٴتۇسىندىرۋ بويىنشا جۇمىستاردى باستادى.
 


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي