باسپانا باعاسى ارزاندامايدى

كەشە بۇقارالىق اقپارات قۇرالدارى ٴۇشىن ٴباسپاسوز ٴماسليحاتىن وتكىزگەن قر ستاتيستيكا اگەنتتىگىنىڭ ٴتوراعاسى ٴاليحان سمايلوۆ ەلىمىزدىڭ سوڭعى ەكونوميكالىق كورسەتكىشتەرى تۋرالى بايانداپ، ٴتۇرعىن-ۇي نارىعىندا قالىپتاسقان جاعدايعا توقتالدى. اگەنتتىك ٴتوراعاسى بولجاپ وتىرعانداي، الداعى ۋاقىتتا باسپانانىڭ باعاسى ارزاندامايدى.

2011 جىلدىڭ قاڭتار-تامىز ايلارىن­دا قازاقستاننىڭ سىرتقى ساۋدا اينالى­مى 79668،4 ملن اقش دوللارىن قۇراپ، 2010 جىلدىڭ اتالعان كەزەڭىمەن سالىستىرعان­دا، 38 پايىزعا ٴوستى، ونىڭ ىشىندە ەكسپورت – 56707،5 ملن (ٴوسىم — 45،6% )، ال يم­پورت 22960،8 ملن دوللارعا (ٴوسىم — 22،3%) دە­ٴيىن جەتتى. جالپى، وتاندىق ساۋ­دا سالاسىندا 14،8 پايىزدىق ٴوسىم باي­قالادى. ونى­مەن بىرگە ازىق-تۇلىك باعا­سىنىڭ ٴوسۋى دە قاتتى سەزىلەدى. بيىل ازىق-تۇلىك تاۋار­لا­رىنىڭ باعاسى 7،9 پا­يىزعا وسسە، اقى­لى قىزمەتتەردىڭ قۇنى 6،4 پايىز­عا قىم­بات­تادى. جۇمىسسىز ازامات­تاردىڭ سانى 472،5 مىڭ ادامدى قۇراپ، جۇمىس­سىزدىقتىڭ جالپى دەڭگەيى 5،3 پايىزعا تەڭ بولدى.

وسىدان كەيىن ەلىمىزدىڭ تۇرعىن ٴۇي نارىعىنا توقتالعان ستاتيستيكا اگەنتتىگى­ٴنىڭ ٴتوراعاسى ٴا.سمايلوۆ وسى سالاداعى كەلىسىمشارتتاردىڭ 144 مىڭعا جەتكەندىگىن جەتكىزىپ، 12،7 پايىزدىق ٴوسىمنىڭ بار ەكەندىگىن اتاپ ٴوتتى. «ونداي كەلىسىمدەردىڭ ازايۋى تەك الماتى وبلىسى مەن استانا قالاسىندا بايقالىپ وتىر. تۇرعىن ٴۇيدىڭ ورتاشا باعاسى ٴبىر شارشى مەترى ٴۇشىن 150 595 تەڭگەنى قۇرادى. سوڭعى جىلدارى وسى سالاداعى باعانىڭ ٴوسۋ ٴۇردىسىن ەسكەرەتىن بولساق، بولاشاقتا باسپانا باعاسى ارزاندامايدى»، — دەپ اتاپ كورسەتتى ٴا.سمايلوۆ.

اۆتور: ارمان بەيسەنباي ۇلى

http://alashainasy.kz/economica/28320/

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!