باسەكەلەستىكتەن قورىقپاۋ كەرەك، كەرىسىنشە وعان بەيىمدەلگەن ٴجون

استانا. 13 قاراشا. baq.kz – بۇگىن قر پرەزيدەنتى جانىنداعى ورتالىق كوممۋنيكاسيالار قىزمەتىندە وتكەن بريفينگتە ۇلتتىق كاسىپكەرلەر پالاتاسىنىڭ باسقارما ٴتوراعاسى ابىلاي مىرزاحمەتوۆ ەلباسى «نۇرلى جول» جولداۋىنىڭ تەتىكتەرىن اقپاراتتىق ٴتۇسىندىرۋ بارىسىندا وسىلاي مالىمدەدى، - دەپ حابارلايدى baq.kz ٴتىلشىسى.

قازاقستاننىڭ بۇگىنگى نارىعىندا قىرعىز ەلىنىڭ ساپاسى جوعارى بولماسا دا، باعاسى قولجەتىمدى جەڭىل ونەركاسىپ ونىمدەرىنىڭ كوپتىگىنە قاتىستى باق وكىلىنىڭ ساۋالىنا جاۋاپ بەرە كەلە، بىلاي دەپ جاۋاپ قاتتى:

- ٴبىز جاقىندا عانا جەڭىل ونەركاسىپتى قولداۋدىڭ كەشەندى باعدارلاماسىن جاريالاعان بولاتىنبىز. ال بۇل باعدارامانى ازىرلەنۋ بارىسىندا ەلدەگى جەڭىل ونەركاسىپ سالاسىن جان-جاقتى ٴارى تەرەڭ زەرتتەپ، زەردەلەدىك. وندا ەلىمىز دۇنيەجۇزىلىك ساۋدا ۇيىمىنا كىرگەننەن كەيىنگى جاعدايدى دا ەسەپكە الدىق. قالاي دەسەك تە، قىرعىزدىڭ توقىما ٴوندىرىسى ٴبىزدىڭ ەلدى جاۋلاپ الاتىنداي اسا اۋقىمدى ەمەس، - دەدى ول ٴوز جاۋابىندا.

ەلباسى كەشەگى جولداۋىندا ەل كاسىپكەرلىگىنىڭ جاندانا ٴتۇسۋى ٴۇشىن ۇلتتىق قوردان 100 ملرد تەڭگە شاماسىندا قارجى ٴبولۋدى تاپسىردى. مۇنىڭ ىشىندە ارينە، وتاندىق جەڭىل ونەركاسىپ سالاسىن دامتۋ ٴتيىستى دەڭگەيدە قارجىلاندىرىلاتىن بولادى.

- سوندىقتان دا، ٴبىز قالاي بولعاندا دا، باسەكەلەستىكتەن قورقا بەرمەي، كەرىسىنشە وعان مۇمكىندىگىنشە بەيىمدەلۋدىڭ قىر-سىرىن ۇيرەنۋىمىز، - كەرەك دەپ تولىقتىردى ٴسوزىن ابىلاي يسابەك ۇلى.
 

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!