بالالارىمىز ٴوزىمىزدىڭ «بەلەسەپەتىمىزدى» مىنەتىن بولدى

ازىرگە 30 ادامدى جۇمىسپەن قامتىپ وتىرعان سەح بولاشاقتا ٴوندىرىس الاڭىن كەڭەيتۋ نەگىزىندە قوسىمشا تاعى 100 ادامدى ەڭبەككە تارتپاق. ٴقازىر مۇندا كۇنىنە – 200، ال ايىنا 20 مىڭعا دەيىن ۆەلوتەحنيكا قۇراستىرىلادى. «نوماد» ۆەلوزاۋىتىنىڭ ديرەكتورى زاۋىربەك ميزامبەكوۆتىڭ ايتۋىنشا، ەلى­مىزدىڭ بەلارۋس جانە رەسەيمەن كەدەندىك وداق كەلىسىمىنىڭ ناتيجەسىندە «نوماد» ساۋدا بەلگىسىمەن شىعارىلعان ۆەلوكولىك­تى ٴوز ىشىمىزدە عانا ەمەس، شەتەلدەرگە دە شىعارۋعا مۇمكىندىك تۋعان. وزگەلەردىڭ ونىم­دەرىمەن باسەكەگە تۇسۋگە قابىلەتتى ەكى اياقتى تەمىر تۇلپارلاردىڭ باعاسى دا قول­جەتىمدى، ياعني 12 مىڭ تەڭگەدەن جوعارى. ۆەلوسيپەد ەكونوميكالىق-ەكولوگ­يا­لىق تيىمدىلىگى جاعىنان بولاشاقتىڭ كو­لىگى سانالاتىنىن ەسكەرسەك، ۆەلوتەحنيكا ٴوندىرىسى ەلىمىزدە ەلەۋسىز سەكتور بولىپ قالماي، تابىستى بيزنەسكە اينالاتىن كۇن الىس ەمەس سياقتى. اۆتور: ساعىنىش نامازشاموۆا، الماتى وبلىسى http://www.alashainasy.kz/economica/19258/

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!