استانا: 
445 
0
استانا. 18 جەلتوقسان. baq.kz – «بايتەرەك» ۇلتتىق باسقارۋشى حولدينگى ەكونوميكانى دامىتۋعا جانە ٴارتاراپتاندىرۋعا جاردەمدەسۋ، ينۆەستيسيالار تارتى ماقساتىندا مەملەكەتتىك ٴۇش بىردەي باعدارلامانى جۇزەگە اسىرۋعا قاتىسادى. سونىڭ نەگىزىندە بۇگىنگە دەيىن 9،9 مىڭ پاتەردى پايدالانۋعا بەردى، - دەپ مالىمدەدى حولدينگتىڭ باسقارما ٴتوراعاسى قۋاندىق بيشىمبايەۆ.
- ٴبىز ىسكە اسىراتىن جوبالار قاتارىندا ۇدەمەلى يندۋستريالدى-يننوۆاسيالىق دامۋ مەملەكەتتىك باعدارلاماسى مەن «بيزنەستىڭ جول كارتاسى – 2020» جانە «قولجەتىمدى باسپانا – 2020» باعدارلاماسى بار. قازىرگى كەزدە مەملەكەت باسشىسىنىڭ تاپسىرماسىنا وراي، 2012 جىلدان بەرى «قولجەتىمدى باسپانا – 2020» باعدارلاماسىن ىسكە اسىرۋعا بەلسەندى قاتىسۋدامىز. وسى كەزگە دەيىن جالپى اۋدانى 610 مىڭ شارشى مەتردى قۇرايتىن 9،9 مىڭ پاتەرلى 132 تۇرعىن ٴۇي پايدالانۋعا بەرىلدى. اعىمداعى جىل سوڭىنا دەيىن 281 مىڭ شارشى مەتر بولاتىن 4 458 پاتەردىڭ قۇرىلىسى اياقتالادى دەپ كۇتىلۋدە. ال 2020 جىلعا قاراي جالپى اۋماعى 1،4 ملن شارشى مەتردى قۇرايتىن 29 مىڭ پاتەردى پايدالانۋعا بەرۋدى جوسپارلاپ وتىرمىز، - دەدى قۋاندىق ۋاليحان ۇلى ٴوز بايانداماسىندا.
ايتا كەتەيىك، بۇگىن ٴماجىلىستىڭ «نۇر وتان» پارتياسى فراكسياسىنىڭ وتىرىسىندا تۇرعىن ٴۇي قۇرىلىسى باعدارلامالارىن ىسكە اسىرۋداعى «بايتەرەك» ۇلتتىق باسقارۋشى حولدينگىنىڭ ٴرولى دەپۋتاتتار تالقىلاۋىنا ۇسىنىلعان بولاتىن.
ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!
5014
0