ب.بايبەك: قوعامدىق كولىكتىڭ 60 پايىزى كولەڭكەلى بيزنەسپەن جۇمىس ىستەيدى - قازاقستان ەكونوميكاسى|26 قاڭتار 2016، 11:48
كۋرسى ۆاليۋت وبنوۆليايۋتسيا
استانا:

ب.بايبەك: قوعامدىق كولىكتىڭ 60 پايىزى كولەڭكەلى بيزنەسپەن جۇمىس ىستەيدى

استانا. 26 قاڭتار. baq.kz - ورتالىق كوممۋنيكاسيالار قىزمەتىندە وتكەن بريفينگتە الماتى قالاسىنىڭ اكىمى قالاداعى قوعامدىق كولىكتىڭ بۇگىنگى جاي-كۇيىن باياندادى. 

- ٴبىز باستاپقى كەزدە قالاداعى قوعامدىق كولىكتىڭ 30 پايىزى كولەڭكەلى بيزنەس اياسىندا جۇمىس ىستەيدى دەپ بولجاعان بولاتىنبىز. الايدا، بۇل دەرەك ٴبىزدىڭ بولجامنان ەكى ەسەگە اسىپ ٴتۇستى. ياعني، ول الپىس پايىزدى قۇرايدى دەگەن ٴسوز. ينۆەستور تارتىپ، جاعدايدى جاقسارتۋ ٴۇشىن مۇنداعى ەسەپ-قيساپتى ادال ٴارى زاڭدى تۇردە ارەكەتتەر جۇرگىزۋىمىز كەرەك. سوندىقتان دا قالا اكىمدىگى "كولىك دوتاسيالارىن" قولعا الىپ وتىرمىز، -دەدى باۋىرجان قىدىرعالي ۇلى.

اكىمنىڭ ايتۋىنشا، اعىمداعى جىلدىڭ ٴبىرىنشى ناۋرىزىنان جەكە تاسىمالداۋشىلاردىڭ كولىك قىزمەتىنە وتەماقى رەتىندە 2 ملرد تەڭگە بولىنبەك. بۇل قاراجات مۇگەدەك بالالار مەن 1 جانە 2 توپتاعى مۇگەدەكتەر، دۇرىس كورمەيتىن قالالىقتار، ۇوس ارداگەرلەرىنە تەڭەستىرىلگەندەر ٴۇشىن تەگىن جولدا ٴجۇرۋ ٴۇشىن; جەڭىلدىگى بارلاردىڭ ٴتىزىمى كەڭەيتىلىپ، كوپبالالى انالاردى قوسا وتىرىپ، وقۋشىلارعا ارنالعان جولدا ٴجۇرۋ بيلەتتەرى (1 000 تەڭگە)، زەينەتكەرلەرگە جانە كوپبالالى انالارعا (2 000 تەڭگە) جانە ستۋدەنتتەرگە 3 000 تەڭگەلىك جەڭىلدىكتى قامتاماسىز ەتىلۋى ٴۇشىن قاراستىرىلعان. 


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي