BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

اۆتوكولىك نارىعىندا ٴوسۋ بايقالادى

اۆتوكولىك بيزنەسى قاۋىم­داس­تىعىنىڭ پرەزيدەنتى ارسەنيي سي­دوروۆتىڭ پىكىرىنشە، 2010 جىل وتاندىق اۆتوقۇراستىرۋشى وندى­رىس­تەردىڭ پايدا بولۋىمەن ەرەك­شەلەنەدى. ەگەر، اتاپ ايتار بول­ساق، قوستاناي قالاسىندا «اگرو­ماش­حولدينگ قازاقستان» اق نەگىزىندە وڭتۇستىككورەيالىق جول تالعامايتىن «sscangyong» كولىكتەرىنىڭ ٴوندى­رىسى ىسكە قوسىلسا، الماتىدا جاپون­دىق «isusu» جانە «itochu» كوم­پا­نيا­لارى، سونىمەن قاتار، «سۆس» قازاق­ستاندىق توپپەن ۇيىم­داس­تى­رىلعان جۇك كولىكتەرىن قۇراس­تى­راتىن اۆتومەكەمە قۇرىلدى.
اۆتوكولىكتەردى قازاقستاندا جاساپ شىعارۋ ولار­دىڭ باعاسىنىڭ تومەندەۋىنە جانە قوسىمشا جۇمىس ورىندارىن قام­تا­ماسىز ەتۋگە مۇمكىندىك بەرەتىنى انىق. سونداي-اق، مۇنداي جوعارى تەح­نولوگيالىق وندىرىستەر وتاندىق ەكونوميكانىڭ يندۋستريالدى الە­ۋە­تىن ارتتىرۋ باعدارلاماسىنا دا ەلەۋلى ۇلەس قوسپاق. شەتەلدە 30 مىڭ اقش دوللارى تۇراتىن كولىك بىزدە 22 مىڭ دوللار شاماسىندا باعالانباق. ال، وتكەن جىلعى اۆتوكولىكتەردىڭ ساتىلىم تىزىمىنە كوز جۇگىرتسەك، العاشقى ورىندا قازاقستان مەن رەسەيدە قۇراستىرىلعان lada اۆتوكولىكتەرى بۇرىنعىسىنشا كوشتى باستاپ تۇرعانىن بايقار ەدىك. 2010 جىلى 5 125 كولىك ساتقان ladaنىڭ 2009 جىلمەن سالىستىرعانداعى ٴوسىمى 28 پايىزدى قۇراعان. ال، ەكىنشى ورىندا toyota اۆتوكولىك برەندى، ودان كەيىنگى ورىننان uz-daewoo برەندى كورىنگەن. جالپى، ەلىمىزدىڭ رەسمي اۆتوديل­لەرلەرى وتكەن جىلى 22 409 اۆتو­كولىك ساتقان كورىنەدى. بۇل 2009 جىلمەن سالىستىرعاندا 14،5 پا­يىز­عا جوعارى ەكەندىگىن العا تار­تادى قازاقستاندىق اۆتوكولىك قا­ۋىم­داس­تىعىنىڭ وكىلدەرى. اتالعان قاۋىمداستىق پرەزيدەنتى وسى ورايدا ەلىمىزدە اۆتوكولىك نارىعىنىڭ سوڭ­عى جىلدارى تۇراقتى ٴوسىپ كەلە جات­قانىن ايتادى. سونىڭ ٴبىر دا­لە­لى رەتىندە جاڭا اۆتوكولىكتەر ساتىلىمىنىڭ جوعارىلاپ، ونىڭ باسىم بولىگى قازاقستاندا قۇراس­تى­رىلعان ماشينالارعا تيەسىلى ەكەندىگىن العا تارتادى ولار. بۇل كەلتىرىلگەن دەرەكتەر – وتكەن جىلعى كورسەتكىشتەر. ال، بيىلعى جىلدىڭ جاعىمدى جارشىسىنداي بولىپ، الماتى وبلىسى، تالعار اۋدانى، كولحوزشى اۋىلىندا «حۋنداي» كومپانياسىنىڭ اۆتوبۋستارى مەن جۇك كولىكتەرىن قۇراستىراتىن جاڭا زاۋىت اشىلدى. بۇل 2011 جىلى يندۋستريالدىق دامۋ باعدارلاماسى اياسىندا ەلىمىزدە ىسكە قوسىلعان العاشقى ٴوندىرىس ورنى بولىپ تۇر. بيىلعى جىلى مۇندا 500، ال، كەلەسى جىلى 1 مىڭ اۆتوبۋس پەن جۇك كولىكتەرى جاسالماق. وبلىس اكىمى سەرىك ۇمبەتوۆتىڭ ايتۋىنشا، ەندى جەرگىلىكتى اتقارۋ ورگاندارى ٴوندىرىس اۋقىمىن كەڭەيتۋ جانە كاسىپورىندى قاجەتتى ينفراقۇرىلىمدارمەن قام­تاماسىز ەتۋگە ەرەكشە كوڭىل بولمەك. قازىرگى تاڭدا 50-دەن استام ادامدى جۇمىسپەن قامتىپ وتىرعان بۇل ٴوندىرىس ورنىندا 2015 جىلى قوسىمشا تاعى 200 ادامعا جاڭا جۇمىس ورنىن اشۋ جوسپارلانىپ وتىر. ايمان سەيىلبەكقىزى، «زاڭ گازەتى» http://zan.zanmedia.kz/index.php؟option=com_content&view=article&id=2698:2011-02-09-04-17-30&catid=143:1&itemid=20

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي