اۋىلدى وركەندەتۋگە ٴالى دە اۋقىمدى جۇمىستار جاساۋ قاجەت

نۇرسۇلتان نازاربايەۆتىڭ جۇمىس ساپا­رى اۋىل ورتالىعىنداعى «يجەۆسكيي» ٴون­دىرىس كو­وپەراتيۆىنىڭ جەم دايىندايتىن زا­ۋى­­تىمەن تانىسۋدان باستالدى. وتكەن جى­لى جەلتوقسان ايىندا ىسكە قوسىلعان سا­پالى ٴونىم شىعاراتىن زاۋىت ەلىمىزدە ازىر­شە جال­عىز عانا. وندا جوعارى ساپالى جەم دايىن­دالادى. زاۋىت ونىمدەرى رەسەي، قىرعىزستان، بەلگيا سەكىلدى مەملەكەتتەر­گە جونەلتىلەدى. دايىندالعان ساپالى جەم كووپەراتيۆ قا­را­ماعىنداعى قۇس پەن مال­دى بورداقى­لاۋ­عا پايدالانىلادى. زاۋىت­قا قاجەتتى شي­كى­زاتتىڭ بارلىعىن اۋىل حال­­قى وزدەرى ٴون­دى­رىپ، وزدەرى دايىندايدى ەكەن. «جاڭا زا­ما­ناۋي ۇلگىدەگى جابدىقتار­دىڭ كەلۋى باسى ارتىق شىعىندار­دان ارى­لۋعا كومەكتەسىپ وتىر. ٴونىمىمىزدىڭ نەگىزگى قۇرا­مى – ارپا مەن بيداي. قۇراما جەم زاۋىتى كۇنىنە 480 تون­نا ٴونىم شىعارا الا­دى. ياعني ساعاتىنا 20 توننا ٴونىم دا­يىن­داي الامىز. مۇنى اۋىل­دىڭ جەتىستىگى دەپ سانايمىز»، – دەيدى زاۋىت مەڭگەرۋشىسى ەلەنا باتىروۆا. وسىدان سوڭ مەملەكەت باسشىسى اتال­مىش ٴوندىرىس كووپەراتيۆىنىڭ جۇمىرتقا سۇ­رىپتاۋ سەحىنا تابان تىرەدى. ساعاتىنا 32 مىڭ دانا جۇمىرتقا سۇرىپتايتىن سەحتا 15 ادام جۇمىس ىستەيدى. «بۇل سەحتا بۇگىنگى تاڭدا 15 سۇرىپتاۋشى قىز جۇمىس ىستەيدى. سال­ما­عىنا بايلانىستى جۇمىرتقالار بەس بولەك بو­لىپ ىرىكتەلەدى. ونىمدەرىمىز سە­مەي، اس­تانا، قاراعاندى، ستەپنوگور قالا­لا­رىنا جو­­ن­ەلتىلەدى. سەح تولىقتاي اۆتو­مات­تان­­دى­رىلعان. ياعني جۇمىسشىلارعا بارلىق جاع­داي جاسالعان دەۋگە بولادى. ماشينامىز ساعاتىنا 32 مىڭ جۇمىرتقا سۇرىپتاي الا­دى. مۇنداي قالىپپەن جۇمىس جاساي وتى­رىپ، سەحقا كۇنىنە كەلىپ تۇسەتىن 350-400 مىڭعا جۋىق جۇمىرت­قانىڭ بارلىعىن سۇرىپتاپ شىعامىز»، – دەپ اتاپ ٴوتتى سەح باستىعى يرينا يارۋلينا. راسىندا، يجەۆسكيي اۋىلى كوشباسشى ەل­دى مەكەندەردىڭ ٴبىرى بولىپ وتىر. بۇگىندە اۋىل شارۋاشىلىعى ونىمدەرىنىڭ 80-گە جۋىق ٴتۇرىن وندىرەتىن «يجەۆسكيي» وندىرىس­تىك كوو­پە­راتيۆى ەلىمىزدەگى ەڭ ٴىرى شارۋا­شى­لىق­تاردىڭ بىرىنە اينالىپ ۇلگەرگەن. بۇ­تىن­دەي ٴبىر اۋىلدى جۇمىسپەن قامتىپ، بە­رە­كەسىن كەلتىرىپ وتىرعان اۋىل جى­­لىنا 2 ملرد تەڭگەنىڭ ٴونىمىن شىعارادى. بۇل، ارينە، ۇلكەن جەتىستىك. «ەلىمىزدە سوڭعى جىل­­دارى شاعىن جانە ورتا بيزنەسكە اي­رىقشا كوڭىل ٴبولىنىپ وتىر. دەر كەزىندە كومەك بەرىلىپ جاتىر. بىزگە ەڭ ماڭىزدىسى – سۋب­سيديا مەن ارزانداتىلعان جانار-جا­عارماي ەكەنى بە­ل­گىلى. بىرنەشە جىلدان بەرى وسى كومەك ٴتۇرىن تۇراقتى الىپ وتىر­مىز. بۇل ٴوز كەزە­گىندە اۋىلدى كوركەيتىپ وتىر»، – دەيدى «يجەۆ­سكيي» ٴوندىرىس كووپە­را­­تي­ۆىنىڭ باس ديرەكتورى يبراگيم جان­گۋ­را­زوۆ. سونداي-اق ساپار بارىسىندا پرەزي­دەنت اۋىل تۇرعىندارىمەن اشىق اڭگىمە وت­كىز­دى. وندا نازاربايەۆ اۋىل شارۋا­شى­لىعى سالا­سىن دامىتۋ ٴۇشىن مەملەكەت تا­را­پىنان كوپ­تە­گەن جۇمىستار جاسالعانىن اتاپ ٴوتتى. «كە­ڭەس وداعى ىدىراعاننان كە­يىن اۋىلدار تو­لىق­تاي قۇلدىراپ كەتتى. زا­مان دۇرىستالعان سوڭ، اۋىل شارۋا­شى­لىعىنا كومەكتەسە باس­تا­­دىق. بۇگىندە اۋىل شارۋاشىلىعىنا بە­رىل­­گەن دوتاسيا اۋقىم­دى مولشەرگە جەتىپ وتىر»، – دەدى نۇرسۇلتان ٴابىش ۇلى. ٴيا، سوڭعى جىلدارى اۋىلدى كوركەيتۋ ٴۇشىن شالعايداعى ەلدى مەكەندەرگە مەملە­كەت تاراپىنان ميللياردتاعان قار­­­جىلاي قول­­داۋ كورسەتىلدى. «يجەۆ­سكيي» ٴوندىرىس كو­و­پە­­­را­تيۆىنىڭ باس دي­رەكتورى يبراگيم جان­­گۋ­را­زوۆتىڭ اي­تۋىنشا، اتالمىش اۋىلدىڭ وزىنە سوڭعى ٴۇش ج­ىلدا اۋىل شا­رۋا­­شىلىعىن دامىتۋ ٴۇشىن 1،6 ملرد تەڭ­گەدەن استام ين­ۆەس­تيسيا قۇيىلىپتى. «قا­زاقتىڭ كوپ­شىلىگى اۋىلدا تۇرادى. اۋىل­دى كوتەرمەي، حالىق­تىڭ جاعدايىن كو­تەرۋ مۇمكىن ەمەس. وسى ماقساتتا 2000 جىل­دان بەرى اۋىلعا ەرەك­شە كوڭىل ٴبولىنىپ كە­لە جاتىر. كەڭەس وداعى قۇلاعان سوڭ، اۋىل­دىق جەرلەردىڭ بارلىعى قاتتى قۇل­دىراۋعا ۇشىراعانى بەل­گىلى. ٴقازىر اۋىلدىڭ جاعدايى جاقسى. مەملە­كەتتىڭ كومەگىن دەر كەزىندە سەزىنىپ وتىر. ٴبىز قازىرگى تاڭدا ال­دى­مىزعا اۋىل شارۋاشىلىعى ونىم­دەرىن قالاي ساپالى وڭدەۋ قاجەت، ٴبىزدىڭ ەلى­مىزدىڭ ەكونومي­كاسىنداعى اۋىل شارۋا­شى­لىعى­نىڭ ۇلەسىن قالاي ۇلعاي­تۋى­مىز قاجەت دەگەن مىندەتتى قويۋىمىز كەرەك. سون­دىقتان بۇل سالانى وركەندەتۋدە ٴالى دە اۋ­قىم­دى جۇ­مىستار جاساۋ قاجەت»، – دەدى مەم­لەكەت باس­شىسى اۋىل تۇرعىن­دارىمەن بول­عان اڭگىمە با­رىسىندا. بۇگىنگى تاڭدا اۋىلدا 240 مايدانگەر­دەن قۇرالعان ارداگەرلەر ۇيى­مى، مەكتەپ، 140 ورىندىق اۋرۋحانا، دياگ­نوس­تيكالىق ورتالىق سەكىلدى بيۋد­جەت­تىك مەكە­مەلەر تابىستى جۇمىس ىستەپ تۇر. اۋرۋحانانىڭ باس دارىگەرى ۆلا­ديمير بيدجيەۆتىڭ سوزىنە قا­را­عاندا، سوڭعى بەس جىلدىڭ ىشىندە اۋرۋحاناعا 200 ملن تەڭ­گەنىڭ مەديسينالىق قۇ­رال-جابدىقتارى اكە­لىنگەن. «اۋدانى­مىز­دا بارلىعى 28 اۋىل بار. سونىڭ 10-ىن­دا سانيتارلىق اۆتوكولىك بار. وسىنىڭ ارقاسىندا تۋبەركۋلەز، بالا مەن انا ٴولىمى سەكىلدى جاعىمسىز فاكتور­لاردىڭ سانى جىل­دان-جىلعا ازايۋدا. سوناۋ داعدارىس جىلدارىندا تۋۋدان ٴولىم سانى كوپ بو­لاتىن. بۇگىنگى تاڭدا ٴبارى كەرىسىنشە. جاعداي وڭا­لىپ وتىر»، – دەپ اتاپ ٴوتتى ول. اۆتور: بۇركىت نۇراسىل http://www.alashainasy.kz/politics/18848/

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!