BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

اۋىل شارۋاشىلىعىنا ٴبولىنىپ كەلگەن سۋبسيديانىڭ 20 ٴتۇرى قىسقارادى

استانا، baq.kz. ۇكىمەت باسشىسىنىڭ ورىنباسارى، اۋىل شارۋاشىلىعى ٴمينيسترى ٴومىرزاق شوكەەۆ بۇگىن تۇركىستان وبلىسىنداعى ٴبىرقاتار شارۋا قوجالىقتارىنىڭ جۇمىسىمەن تانىسىپ، ەلدەگى وزگەرىستەر جايىن شارۋالارعا ٴتۇسىندىردى. بۇل تۋرالى "حابار 24" جازدى.

قازاقستاندا اۋىل شارۋاشىلىعىن قولداۋ ماقساتىندا ٴبولىنىپ كەلگەن مەملەكەتتىك سۋبسيديانىڭ ەندى 20 ٴتۇرى قىسقارادى. ودان ۇنەمدەلگەن قارجى نەسيە مەن ليزينگتىڭ ۇستەماقىسىن ازايتۋعا، فەرمەرلەردىڭ تەحنيكا مەن تەحنولوگياعا وڭتايلى قول جەتكىزۋى ٴۇشىن جۇمسالماق.

مۇنداي جاڭاشىلدىق ەلباسى جولداۋىنداعى وڭدەلگەن اۋىل شارۋاشىلىعى ٴونىمىنىڭ ەكسپورتىن 2،5 ەسەگە ۇلعايتۋ مىندەتىنەن تۋىنداپ وتىر دەيدى ۆيسە-پرەمەر. مينيسترىلىك تاراپىنان ىشكى نارىقتى قورعاۋ جانە سىرتقى ساۋدانى ۇلعايتۋى بويىنشا بۇگىندە ٴبىرقاتار ناقتى جۇمىستار اتقارىلعان. ماسەلەن شەت مەملەكەتتەرمەن اراداعى ۆەتەريناريالىق جانە فيتوسانيتارلىق تالاپتار جولعا قويىلعان.

ساۋد ارابياسى، يران، بىرىككەن اراب امىرلىكتەرىندەگى ەت ونىمدەرىنە قويىلعان شەكتەۋلەر الىنىپ تاستالعان. پرەمەر-مينيستردىڭ ورىنباسارى ساپار بارىسىندا شىمكەنت قالاسىندا دا اكتيۆپەن كەزدەسۋ وتكىزىپ، جولداۋدان تۋىنداعان مىندەتتەردى جۇزەگە اسىرۋ جايىن ايتتى. بۇل ماقساتتا مەگاپوليس شاھاردا كەلەشەكتە اگرو-يندۋستريالدى ايماق قۇرىلماق. وعان تارتىلعان 20 ميلليارد تەڭگە ينۆەستيسياعا 40 كاسىپورىن ىسكە قوسىلادى. وسىدان سوڭ وندىرىلەتىن اۋىل شارۋاشىلىعى ٴونىمىنىڭ كولەمى ٴۇش جىلدان سوڭ 67،5 ميلليارد تەڭگەگە جەتەدى دەپ جوسپارلانۋدا.

«مەملەكەت باسشىسىنىڭ تاپسىرماسى بويىنشا مەملەكەتتىك باعدارلامانىڭ ماقساتىنا قول جەتكىزۋ ٴۇشىن جىل سايىن 100 ملرد تەڭگە، سونداي-اق اگروونەركاسىپ كەشەنىنىڭ باسىم جوبالارىنا قولجەتىمدى كرەديت بەرۋ ٴۇشىن 200 ملرد بولىنەتىن بولادى. سوندا تاعى 300 ملرد، ياعني ەكى ەسە ٴوسىپ وتىر»، - دەدى قر پرەمەر-مينيسترىنىڭ ورىنباسارى، اۋىل شارۋاشىلىعى ٴمينيسترى، ٴومىرزاق شوكەەۆ.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي