اۋىل شارۋاشىلىعىن قارجىلاندىراتىن تاعى ٴبىر قور قۇرىلماق - قازاقستان ەكونوميكاسى|13 ٴساۋىر 2015، 15:03
كۋرسى ۆاليۋت وبنوۆليايۋتسيا
استانا:

اۋىل شارۋاشىلىعىن قارجىلاندىراتىن تاعى ٴبىر قور قۇرىلماق

استانا. 13 ٴساۋىر. baq.kz – مۇنداي مالىمەت بۇگىن پارلامەنت ٴماجىلىسىنىڭ قابىرعاسىندا وتكەن «نۇر وتان» پارتياسى فراكسياسى جانىنداعى ەكونوميكالىق ساياسات جونىندەگى كەڭەستىڭ وتىرىسىندا ايتىلدى. جيىندا نەگىزگى بايانداما جاساعان ۇلتتىق ەكونوميكا ۆيسە-مينيسترى قايىربەك وسكەنبايەۆ ۇكىمەتتىڭ تاپسىرماسىنا وراي، شاعىن نەسيە ۇيىمدارىن كەپىلسىز نەگىزدە قارجىلاندىرۋعا باعىتتالعان ارنايى قور قۇرۋ ماسەلەسى قاراستىرىلىپ جاتقاندىعىن مالىمدەدى، - دەپ حابارلايدى baq.kz ٴتىلشىسى.

- تاپ وسى كۇندەرى، ٴبىزدىڭ مينيسترلىك شاعىن نەسيە ۇيىمدارىن كەپىلسىز نەگىزدە قارجىلاندىراتىن «اپەكس-قورىن» قۇرۋ ماسەلەسىن پىسىقتالىپ جاتىر. وسى ماقساتتا ازيا دامۋ بانكىمەن جانە وزگە دە مۇددەلى مەملەكەتتىك ورگاندار وكىلدەرى اراسىندا الدىن الا كەڭەستەر جۇرگىزىلدى. ونىڭ ناتيجەلەرى بويىنشا ازيا دامۋ بانكى «اپەكس-قورىن» اۋىل شارۋاشىلىعىن قارجىلاي قولداۋ قورى نەگىزىندە قۇرۋعا، ونى ترانسفورماسيالاۋ بويىنشا ٴتيىستى تەحنيكالىق قولداۋدى كورسەتەتىن دونورلىق ۇيىم رەتىندە قاتىسۋعا دايىن ەكەندىگىن ٴبىلدىردى، - دەيدى قايىربەك ايتباي ۇلى.

ونىڭ ايتۋىنا قاراعاندا، «اۋىل شارۋاشىلىعىن قارجىلاي قولداۋ قورىن» شاعىن نەسيەمەن قارجىلاندىراتىن ارنايى «اپەكس-قورىنا» ترانسفورماسيالاۋدىڭ ٴبىرقاتار ارتىقشىلىقتارى ٴورىس الاتىن كورىنەدى.

- اتاپ ايتقاندا، وسى ارقىلى نەگىزگى قارىز الۋشىلار ٴۇشىن پايىزدىق مولشەرلەمەنى تومەندەتۋگە، كاسىپكەرلىك سۋبەكتىلەردىڭ ميكروكرەديتتەرگە دەگەن سۇرانىسىن قاناعاتتاندىرۋعا، وندىرىلەتىن ٴونىم كولەمىنىڭ ۇلەسىن ارتتىرۋعا، ميكروقارجىلىق ۇيىمداردىڭ اۋىلدى جەرلەردەگى قىزمەتىن كەڭەيتۋگە مۇمكىندىك بەرەتىن بولادى، - دەدى ۆيسە-مينيستر.
 


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي