BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

اۋعانستاننان قازاقستانعا ەكسپورتتالاتىن تاۋارلار ٴتۇرى ارتادى

اۋعانستاندا قازاقستانعا اپتا سايىن 10 توننادان استام تاۋار جەتكىزۋ جوسپارلانىپ وتىر، دەپ حابارلايدى baq.kz اقپارات اگەنتتىگى ls سايتىنا سىلتەمە جاساپ.

اۋعانستان ۇكىمەتىنىڭ حابارلاۋىنشا، جاڭا پىسكەن جانە كەپتىرىلگەن جەمىستەر، كوكونىستەر، كىلەمدەر، شافران، سونداي-اق قولونەر ونىمدەرى ەكسپورتتالاتىن بولادى.

سونىمەن قاتار، اۋعانستاننىڭ ساۋدا-ونەركاسىپ پالاتاسىندا ايتىلعانداي، جازدا قازاقستانعا جاڭا پىسكەن جەمىستەردى جەتكىزۋ ەكى ەسە ارتادى.

ەكسپورت ەكى ەلدىڭ اراسىندا اۋە كەمەسى ارقىلى تاسىمالدانادى. وعان قوسا، جاقىن ارادا اۋعانستان سينگاپۋر جانە يندونەزيامەن بايلانىس ورناتۋعا نيەتتى.

بۇعان دەيىن، قازاقستاننان اۋعانستانعا جەتكىزىلەتىن ۇن كولەمى ارتاتىنى تۋرالى حابارلانعان. سونداي-اق، فەرمەرلەر دە بۇل ەلگە كۇرىش ەكسپورتىن ۇلعايتۋدى كوزدەپ وتىر.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي