استانا: 
625 
0
استانا. 18 اقپان. baq.kz – بۇگىنگى تاڭدا ستاتيستيكا دەپارتامەنتىنىڭ مالىمەتىنشە قالادا 23 600 جۇمىسسىز ادام تىركەلىپ وتىر. پايىزدىق مولشەرلەمەدە بۇل شامامەن 5، 2%-دى قۇرايدى. بۇل تۋرالى بۇگىن كونگرەسس-حوللدا استانا قالاسى اكىمىنىڭ حالىق الدىندا ەسەپ بەرۋ كەزدەسۋى بارىسىندا ايتىلدى.
كەزدەسۋ بارىسىندا قالا باسشىسى ٴا. جاقسىبەكوۆ 2014 جىلى اكىمدىكپەن اتقارىلعان جۇمىستارعا توقتالىپ، 2015 جىلعا بەلگىلەنگەن جوسپارلارمەن ٴبولىستى.
سونداي-اق، ادىلبەك جاقسىبەكوۆ الەۋمەتتىك سالاعا ەرەكشە كوڭىل ٴبولىپ، اسىرەسە ەلورداداعى جۇمىسسىزدىقپەن كۇرەس ماسەلەسىنە نازار اۋدارىپ وتىرعاندىقتارىن اتاپ ٴوتتى.
قالا باسشىسى ايتىپ وتكەندەي، 2015 جىلى استانا قالاسىندا 18 700 جاڭا جۇمىس ورىنى اشىلادى.
- ٴبىزدىڭ ماقساتىمىز بوس جۇمىس ورىندارىنىڭ ٴتىزىمىن جانە اقپاراتتار بازاسىن كەڭەيتۋ، جۇمىسسىزداردى ناقتى كاسىپورىندارعا مامانداقىتارى بويىنشا جۇمىسقا ورنالاستىرۋ. ياعني، جۇمىسسىزدىق دەڭگەيىن مەيلىنشە تومەندەتۋ، تىپتەن نولگە دەيىن جەتكىزۋ، - دەدى ٴا. جاقسىبەكوۆ.
استانادا بۇل كورسەتكىش رەسپۋبليكا بويىنشا ەڭ تومەن دەڭگەيدە. اكىم بارلىق قالالىق قىزمەتتەرگە قىسقا مەرزىم ىشىندە ەلورداداعى جۇمىسسىزدىقتى جويۋ بويىنشا ناقتى شارالار قابىلداۋدى تاپسىردى.
قازىرگى ۋاقىتتا ادىلبەك جاقسىبەكوۆتىڭ حالىق الدىندا ەسەپ بەرۋ كەزدەسۋى جالعاسۋدا.
ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!
5007
0