BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

استانادا كەيبىر ازىق-تۇلىكتىڭ باعاسى ارزاندادى

استانادا الەۋمەتكە قاجەتتى دەگەن قانت، قاراقۇمىق پەن كەيبىر كوكونىستەردىڭ باعاسى ايتارلىقتاي تومەندەدى، دەپ حابارلايدى ۆaq.kz اقپارات اگەنتتىگى ەلوردا اكىمدىگىنىڭ رەسمي سايتىنا سىلتەمە جاساپ.

باس قالاداعى كوكونىستەر باعاسىنىڭ قالاي اۋىسقاندىعى جونىندە اۋىلشارۋاشىلىعى باسقارماسى مالىمدەدى.

ۆەدومستۆونىڭ مالىمەتىنشە، بۇگىندە «شاپاعات» كوممۋنالدىق بازارىندا كارتوپتىڭ باعاسى 115 تەڭگە، جۋا – 100 تەڭگە، ٴسابىز – 105، قىرىققابات – 90 تەڭگەدەن ساتىلىپ جاتىر.

«بيىل كارتوپتىڭ باعاسى 25 تەڭگەگە ارزاندادى، جۋا 5 تەڭگەگە، قىرىققاباتتىڭ باعاسى سول قالپىندا قالدى»، – دەلىنگەن ۆەدومستۆونىڭ حابارلاماسىندا.

سونداي-اق جارمانىڭ دا باعاسى تومەندەدى. 2017 جىلى كۇرىشتىڭ باعاسى 210 تەڭگە، قاراقۇمىق جارماسى – 253 تەڭگە، قانتتىڭ باعاسى – 230 تەڭگە بولعان.

«بيىل كۇرىش پەن قانتتىڭ باعاسى 40 تەڭگەگە ارزانداسا، قاراقۇمىق ەكى ەسە ارزاندادى»، – دەلىنگەن حابارلامادا.

تەك ەتتىڭ باعاسى عانا وزگەرىسسىز قالىپ وتىر.

«سيىر ەتىنىڭ باعاسى 2017-2018 جىلدارى وزگەرىسسىز قالدى. ٴبىر كەلىسى - 1 350 تەڭگە»، – دەپ جازىلعان ۆەدومستۆونىڭ پرەسس-رەليزىندە.

ماماندار وزگە الەۋمەتتىك ەمەس ازىق-تۇلىكتەردىڭ باعاسى وسكەنىن ايتۋدا. ٴبىراق، بۇل ۋاقىتشا قۇبىلىس. جاز ماۋسىمى كەزىندە بۇل باعالار تۇراقتانادى دەپ بولجانىپ وتىر.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي