استانادا قىمىز بەن باۋىرساق فەستيۆالى وتۋدە

استانا. قازاننىڭ ٴ11-ى. bnews.kz – استانادا قاراعاندى وبلىسى اۋىل شارۋاشىلىعى جارمەڭكەسىندە باۋىرساق پەن قىمىز فەستيۆالى ۇيىمداستىرىلدى. بۇل جونىندە جۋرناليستەرگە بەرگەن سۇحباتىندا قاراعاندى وبلىسىنىڭ اكىمى سەرىك احمەتوۆ مالىمدەدى.

«بىزدەر، قاراعاندىلىقتار، ٴۇشىن – بۇل ۇلكەن قۋانىشتى جايت. ٴتىپتى اۋا رايى دا جىلى شىراي تانىتۋدا. جارمەڭكەگە ٴبىزدىڭ وبلىسىمىزدىڭ بارلىق قالالارى مەن اۋداندارى قاتىسۋدا. ٴبىز ەلورداعا 1 توننادان استام ازىق-تۇلىك الىپ كەلدىك، سونىڭ ىشىندە: ەتتىڭ ٴتۇر-تۇرى، كوكونىس، بالىق، شۇجىق بۇيىمدارى، ٴسۇت تاعامدارى بار. سونىمەن قاتار شەبەرلەر قالاسى جانە قىمىز بەن باۋىرساق فەستيۆالدەرىن ۇيىمداستىرىپ وتىرمىز»، - دەدى س. احمەتوۆ.

ونىڭ ايتۋىنشا، جارمەڭكەدە 99 ساۋدا شاتىرى تىگىلگەن، ونىڭ ىشىندە 2 شاتىر قىمىز بەن باۋىرساق فەستيۆالىنە ارنالىپتى. 9 شاتىردا «شەبەرلەر قالاسى» كورمە-جارمەڭكەسى ٴوتىپ جاتىر. وندا زەرگەرلەرلەردىڭ، كيىز بەن قىش تاقتا شەبەرلەرىنىڭ، قىزىل اعاشتان جيھاز جاساۋشىلاردىڭ قولونەر بۇيىمدارى حالىق نازارىنا ۇسىنىلعان. سونىمەن قاتار جارمەڭكەدە 500-گە تارتا ٴارتىس ونەر كورسەتۋدە.

سونىمەن قاتار قاراعاندىلىق دەلەگاسيا بالىق ونىمدەرىنىڭ فەستيۆالىن ۇيىمداستىرىپتى.

جارمەڭكە قازاقستان تاۋەلسىزدىگىنىڭ 20-جىلدىعىنا ورايلاستىرىلعان. مادەنيەت كۇندەرى اياسىندا قالالىق اكىمشىلىك عيماراتى الاڭىندا ٴوتىپ جاتىر.

http://www.bnews.kz/kk/news/post/60234/

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!