استانا: 
625 
0
استانا. 13 ناۋرىز. baq.kz – 2015 جىلدىڭ 13 ناۋرىزدا قر دەنساۋلىق ساقتاۋ جانە الەۋمەتتىك دامۋ مينيسترلىگى قر كاسىپوداقتار فەدەراسياسىمەن جانە قر ۇلتتىق كاسىپكەرلەر پالاتاسىمەن بىرلەسىپ جۇمىس بەرۋشىلەر مەن ەڭبەك ۇجىمدارىنىڭ الەۋمەتتىك شيەلەنىستىڭ الدىن الۋ جانە الەۋمەتتىك-ەڭبەك قاقتىعىستارىن شەشۋدەگى ٴوزارا ارەكەتتەستىگى ماسەلەلەرى بويىنشا سەمينار وتكىزدى.
وسى سەمينارعا الەۋمەتتىك ارىپتەستەر، ەڭبەك جانە جۇمىسپەن قامتۋ سالاسىنداعى جەرگىلىكتى ورگاندار باسشىلارى، وڭىرلىك كاسىپكەرلەر پالاتاسى جانە كاسىپوداق ۇيىمدارىنىڭ وكىلدەرى قاتىستى.
جينالىس بارىسىندا « ەڭبەك قاتىناستارى سالاسىنداعى مەملەكەتتىك ورگاندار مەن الەۋمەتتىك ارىپتەستەردىڭ جۇيەلى ٴوزارا بايلانىس نىساندارى مەن ادىستەرى» تاقىرىبىندا قر ٴدسادم ەڭبەك، الەۋمەتتىك قورعاۋ جانە كوشى-قون كوميتەتىنىڭ ٴتوراعاسى اقمادي سارباسوۆ ٴسوز سويلەدى.
سەمينار سپيكەرلەرىنىڭ باياندامالارى الەۋمەتتىك ارىپتەستىك تاراپتارىنىڭ ٴوزارا ٴاس-قيمىلدارىنىڭ ٴتيىمدى نىساندارى مەن ادىستەرى، سونىڭ ىشىندە مەملەكەتتىك ورگاندار مەن الەۋمەتتىك ارىپتەستىك تاراپتارىنىڭ ەڭبەك جانجالدارىنىڭ تۋىنداۋى كەزىندە ٴبىرىڭعاي ارەكەتتەرى تۋرالى، الەۋمەتتىك-ەڭبەك جانجالدارىن شەشۋدىڭ پارمەندى جولدارى جانە بيزنەستىڭ الەۋمەتتىك جاۋاپكەرشىلىگىن ارتتىرۋ، ەڭبەك جانجالدارىن شەشۋ كەزىندە كەلىسسوزدەر جۇرگىزۋدىڭ پسيحولوگيالىق اسپەكتىلەرى، ەڭبەك زاڭناماسى سالاسىنداعى مەملەكەتتىك باقىلاۋ جانە ەڭبەك قاۋىپسىزدىگى مەن ەڭبەك گيگيەناسى ماسەلەلەرىن باسقارۋ تاقىرىپتارىن قامتىدى.
ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!
5010
0