استانا: 
697 
0
استانا. 14 قاراشا. baq.kz – استانادا قازىرگى كەزدە «بيزنەستىڭ جول كارتاسى - 2020» باعدارلاماسىن جۇزەگە اسىرۋ اياسىندا جالپى سوماسى 70 337، 95 ملن تەڭگەنى قۇرايتىن 395 جوبا ماقۇلداندى. بۇل تۋرالى astana.kz سايتىنا استانا قالاسىنىڭ كاسىپكەرلىك جانە ونەركاسىپ باسقارماسىنان حابارلادى.
2010 جىلدان باستاپ ۇستىمىزدەگى جىلدىڭ قازان ايىنا دەيىن نەسيە جەلىسىنىڭ جالپى سوماسى 67 744،2 ملن. تەڭگەنى قۇرايتىن 344 جوبانىڭ پايىزدىق مولشەرلەمەسىن سۋبسيديالاۋ ماقۇلداندى. سونىمەن قاتار، نەسيەلەردى كەپىلدەندىرۋ بويىنشا باعدارلاماعا جالپى سوماسى 2 414،8 ملن. تەڭگەنى قۇرايتىن 51 جوبا قاتىسادى.
«بيزنەستىڭ جول كارتاسى - 2020» باعدارلاماسى بويىنشا وندىرىستىك ينفراقۇرىلىمعا جالپى قۇنى 2533،85 ملن. تەڭگەلىك 31 جوبا ۇسىنىلدى. بۇل قارجى رەسپۋبليكالىق بيۋدجەت ەسەبىنەن ٴبولىندى. ينفراقۇرىلىمدىق جوبالار ەلەكتر قۋاتىمەن قامتۋ، جول جوندەۋ، سۋمەن قامتۋ، جسق ازىرلەۋ جانە مەملەكەتتىك ساراپتاما، ت.ب. سالالارىن قامتيدى.
گرانتتىق قارجىلاندىرۋ اياسىندا جالپى قۇنى 59،9 ملن تەڭگەلىك 20 جوبا ماقۇلداندى. سونداي-اق، باعدارلامادا «كاسىپكەرلىك الەۋەتتى كۇشەيتۋ» قاراستىرىلعان، سونىڭ اياسىندا 2600 ادام وقىتىلىپ، 10 مىڭنان استامىنا سەرۆيستىك قىزمەت كورسەتىلدى.
جالپى، استانادا جىل سايىن شاعىن جانە ورتا بيزنەس نىساندارىنىڭ سانى ۇلعايادى. استانا قالاسىنىڭ ستاتيستيكا دەپارتامەنتىنىڭ مالىمەتىنشە، وتكەن ايدا استانادا 633 كاسىپورىن مەن ۇيىم ٴوز جۇمىسىن باستادى. تىركەلگەن بيزنەس سۋبەكتىلەرىنىڭ باسىم بولىگى الماتى اۋدانىندا - 56،4%، 25،4% سارىارقا اۋدانىندا، 18،2% ەسىل اۋدانىندا شوعىرلانعان.
ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!
5015
0