استانادا العاشقى اشىق ۇلگىدەگى كەدەندىك قويمالار اشىلدى

استانا. 2 ٴساۋىر. baq.kz - قر پرەزيدەنتى ىستەرى باسقارماسىنىڭ «قازقۇرىلىسجۇيەسى» اق استانا قالاسىندا العاشقى بولىپ اشىق ۇلگىدەگى كەدەندىك قويمالاردى پايدالانۋعا بەردى، دەپ حابارلايدى قر ٴپىب ٴباسپاسوز قىزمەتىنەن. 

اتالعان قويمالار 3 جىلعا دەيىنگى مەرزىمدە كەدەندىك باجدار مەن سالىقتاردى تولەۋسىز جانە تاريفتىك ەمەس رەتتەۋ شارالارىن قولدانۋسىز كومپانيالار مەن جەكە تۇلعالاردىڭ شەتەلدەن اكەلىنگەن كەز كەلگەن تاۋارىنىڭ كەدەندىك باقىلاۋدا ساقتالۋىنا مۇمكىندىك بەرەدى.

كەدەندىك قويمانىڭ كەدەندىك راسىمىنە ورنالاستىرۋدىڭ تومەندەگى ەرەكشەلىكتەرىنە بايلانىستى شەتەلدەن اكەلىنگەن جۇكتى كەدەندىك رەسىمدەۋ جانە ساقتاۋ شىعىندارىن وڭتايلاندىرۋدى قاجەت ەتەتىن تۇلعالارعا قولايلى بولىپ تابىلادى: بۇكىل تاۋارعا نەمەسە ونىڭ ٴبىر بولىگىنە قاتىستى ونى يەلەنۋ، پايدالانۋ جانە (نەمەسە) بيلىك ەتۋ قۇقىقتارىن بەرۋ كوزدەلەتىن مامىلەلەر جاساۋعا بولادى; تاۋارلاردى تولىقتاي نەمەسە ٴىشىنارا باسقا دا راسىمگە ورنالاستىرۋعا بولادى; بۇدان بۇرىن باسقا كەدەندىك راسىمگە ورنالاستىرىلعان تاۋارلاردى ورنالاستىرۋعا بولادى; قازاقستان رەسپۋبليكاسىنىڭ جانە كەدەن وداعىنىڭ قولدانىستاعى كەدەن زاڭناماسىندا قاراستىرىلعان جاعدايدا كەدەن اۋماعىندا ۋاقىتشا اكەلۋ نەمەسە قايتا وڭدەۋ كەدەندىك راسىمدەرىنىڭ قولدانىلۋىن توقتاتا تۇرۋ ماقساتىندا شەتەلدىك تاۋارلاردى ورنالاستىرۋعا بولادى; كەدەن ورگانىنىڭ جازباشا رۇقساتى بار بولعان جاعدايدا كولەمى ٴىرى بولۋىنان كەدەندىك قويمادا ورنالاستىرۋعا كەلمەيتىن تاۋارلاردى ناقتى تۇردە ورنالاستىرۋسىز كەدەندىك قويمانىڭ كەدەندىك راسىمىنە ورنالاستىرۋعا جول بەرىلەدى; ەكسپورت كەدەندىك راسىمىنە ورنالاستىرىلعان كەدەن وداعىنىڭ تاۋارلارىن التى اي ىشىندە كەدەندىك قويمادا ساقتاۋعا جول بەرىلەدى.

سونىمەن بىرگە تەرمينالدىڭ ورنالاسۋ ورنىنىڭ ۇلكەن ارتىقشىلىعى بار، اۋدانى 8 گا تولىقتاي اسفالت توسەلگەن اۋماق استانا تەمىرجول ستانساسىنىڭ سۇرىپتاۋ پاركىنە جاناسىپ، الماتى-ەكاتەرينبۋرگ اۆتوجولىنا شىعۋ ٴۇشىن ەڭ قىسقا اسفالت توسەلگەن جولى بار.

سونىمەن قاتار تەرمينال اۋماعىندا ۋاقىتشا ساقتاۋ قويمالارى جانە ٴتۇرلى ۇلگىدەگى قويمالىق ورىنجايلار - جىلى قويمالار، توڭازىتقىشتار بار جانە «ٴبىر تەرەزە» قاعيداتى بويىنشا لوگيستيكالىق قىزمەتتەردىڭ تولىق كەشەنى كورسەتىلەدى.

«قازقۇرىلىسجۇيەسى» اق-تىڭ قويمالارى كليەنتتەردىڭ تاۋارلارى مەن كولىك قۇرالدارىنىڭ تولىققاندى ساقتالۋىنا كەپىلدىك بەرەتىن جانە 24/7 رەجىمىندە جۇمىس ىستەيتىن ەڭ جاڭا ip-بەينەباقىلاۋ جۇيەسىمەن جابدىقتالعانىن اتاپ ٴوتۋ قاجەت. 

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!