استانادا الەمدىك برەند «kare» دۇكەن-شوۋرۋمى اشىلدى (فوتو)

استانا. 20 ناۋرىز. baq.kz – ناۋرىز مەرەكەسىنىڭ قارساڭىندا استانا قالاسى تاعى ٴبىر الەمدىك دەڭگەيدەگى ساۋدا جەلىسىنىڭ بىرىمەن تولىقتى. ول 30 جىلدىق تاريحى بار جاھاندىق نەمىس برەندى بولىپ كەلەتىن دۇكەن-شوۋرۋم ستيلىندەگى «kare» ساۋدا ٴۇيى، - دەپ حابارلايدى baq.kz ٴتىلشىسى.

كۇندەلىكتى تۇرمىستا قولدانىلاتىن شارۋاشىلىق زاتتارى مەن ساپالى ٴارى ەرەكشە ٴسان ۇلگىسىندە جاسالعان جيھازداردى الەمدىك نارىقتا ساۋدالايتىن نەمىستىڭ «kare» كومپانياسى اسىرەسە، ەۋروپا ەلدەرى مەن امەريكادا وتە كەڭ تانىمال جانە وزگە قۇرلىقتا ورنالاسقان مەملەكەتتەرگە ول تاڭسىق ەمەس. ال وسىنداي كومپانيا ٴۇشىن ٴبىزدىڭ ەل جاڭا نارىق الاڭى دەسەك تە بولادى. كومپانيانىڭ استاناداعى ساۋدا نۇكتەسىنىڭ جەتەكشىسى مارينا زامارونىڭ ايتۋىنشا، «kare» نارىقتاعى جايلىلىق پەن بيزنەستى وركەندەتۋگە جاسالعان وڭتايلى جاعدايلار جاسالعاندىقتان استانا قالاسىندا اشىلۋ كوزدەلىپتى.

- ٴبىز الەمگە ايگىلى نەمىس برەندىنىڭ وسىنداي ساۋدا ورنىن اشىلۋى ٴۇشىن 2 ايدان استام ۋاقىتىمىزدى سارپ ەتتىك. نەگىزگى ماقساتىمىز – قازاقستان ازاماتتارى دا ەرەكشە ۇلگىدە جاسالعان زاماناۋي اعىمعا ساي وتە ساپالى ٴارى اسەم بەزەندىرىلگەن جيھازداردى تاڭداپ، قالاۋىنشا تۇتىنسا دەيمىز. الەمدى شارپىعان داعدارىستان ەكونوميكاسىنىڭ شاشاۋىن شىعارماي وتىرعان قازاقستان نارىعىنداعى تۇراقتىلىق «kare» كومپانياسى ماماندارىنىڭ زور قىزىعۋشىلىعىن تۋدىردى. كەلەشەتە ٴوز الەۋەتىمىزدى ودان سايىن كەڭەيتە تۇسسەك دەگەن نيەتىمىز دە جوق ەمەس، - دەيدى ول.

«kare» كومپانياسى ونىمدەرىنىڭ جيىنتىق سانى 5 مىڭنان اسىپ جىعىلادى. تاڭعاجايىپ يدەيالاردى اسقان شەبەرلىكپەن ومىردەگى ايقىن كورىنىسكە اينالدىرا بىلەتىن ىسكەر ماماندارىنىڭ بەلسەندى ارەكەتى ناتيجەسىندە ونىمدەرىنىڭ قاتارى جىل سايىن 2-3 مىڭعا كوبەيىپ وتىرادى ەكەن.

- بۇگىندە استانا قالاسىندا اشىلعان «kare» دۇكەن-شوۋرۋمىندا 500-دەن استام جيھازداردىڭ ٴتۇرلى ستيلدەگى ۇلگىلەرى ساۋداعا شىعارىلعان. ٴبىزدىڭ وزگە ساۋدا ورىندارىنان ەرەكشەلىگىمىز سول – بولمە پىشىندەس كولەمدە ورنالاسقان تاۋارلارىمىزدىڭ ٴاربىرى ٴوزارا ۇيلەسىمدىلىكپەن قولايلى ٴارى كوز تارتارلىقتاي ەتىپ جاسالىپ، قۇرىلۋىندا بولسا كەرەك. ياعني، ٴوز ونىمدەرىمىزدى تۇتىنۋشىلارىمىزدىڭ كوڭىلىندەگىدەي عانا ەمەس، مۇمكىندىگىنشە ونىڭ قيالىنداعىداي ەتىپ جاساپ، جەتكىزۋگە تىرىسىپ-باعامىز، - دەيدى دۇكەن-شوۋرۋمنىڭ ساۋدا مەنەدجەرى ەراسىل.

ايتا كەتەيىك، ەلىمىزدە العاش رەت اشىلىپ وتىرعان دۇكەن-شوۋرۋم ساۋدا جەلىسى وسى سالا بويىنشا قيالداعى دۇنيەنى ايقىن كورىنىسكە اينالدىرىپ ۇلگەرگەندەي ەكەن. ويتكەنى، مۇندا ساۋدالاناتىن تاۋارلار ٴوزىنىڭ باعاسىمەن ەمەس، سىرت كورىنىسىنىڭ كەلىستى، پايدالانۋعا قولايلىعىمەن جانە ساپاسىنىڭ جوعارىلىعىمەن ەرەكشەلەنەدى.

نۇرلىبەك دوسىباي،
سۋرەتتەردى تۇسىرگەن – عابيت ماداليەۆ
 

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!