استانا: 
487 
0
استانا. 14 قاراشا. baq.kz – بۇگىن ورتالىق كوممۋنيكاسيالار قىزمەتىندە ٴباسپاسوز ٴماسليحاتىن وتكىزگەن ماڭىعستاۋ وبلىسىنىڭ اكىمى اليك ايداربايەۆ "اقتاۋ تەڭىز پورتى" ارنايى ەكونوميكالىق ايماعىن دامىتۋ ٴۇشىن 29 ملرد تەڭگە تارتىلعاندىعىن مالىمدەدى.
- بۇگىندە "اقتاۋ تەڭىز پورتى" اەا اۋماعىن جوعارى تەحنولوگيالىق ەكسپورتقا باعدارلانعان وندىرىستەرمەن تولىقتىرۋ بويىنشا جۇمىس جۇرگىزىلۋدە. قازىرگى كەزدە اەا اۋماعىندا بەس كاسىپورىن جۇمىس ىستەيدى جانە مۇندا شامامەن 29 ملرد تەڭگە تارتىلدى. سونىڭ ناتيجەسىندە 233 ملرد تەڭگەنىڭ ٴونىمى ٴوندىرىلدى. ال، بيۋدجەتكە 9،5 ملرد تەڭگە مولشەرىندە سالىقتار تولەندى، - دەدى ٴوڭىر باسشىسى.
ونىڭ ايتۋىنشا، بۇگىندە مىڭنان استام جۇمىس ورنى اشىلعان اەا جىل سوڭىنا قاراي، تاعى ٴتورت كاسىپورىن ٴوز جۇمىسىن باستايتىن كورىنەدى.
- سونداي-اق، جالپى قۇنى 5 ملرد تەڭگە بولاتىن 365 جۇمىس ورنى اشىلاتىن 5 جوبانى پايدالانۋعا بەرۋ جوسپارلانعان بولاتىن. ەندە 2015-2017 جىلدارى جالپى قۇنى 375 ملرد قۇرايتىن 7000-نان استام جۇمىس ورنى اشىلاتىن 14 جوبانى پايدالانۋعا بەرۋ جوسپارلانعان، - دەدى ا.ايداربايەۆ.
ولاردى جانداندىرۋ ٴۇشىن اەا اۋماعىن ينجەنەرلىك جانە كولىكتىك ينفراقۇرىلىممەن قامتاماسىز ەتۋ بويىنشا جۇمىستار جۇرگىزىلۋدە. بۇگىندە اەا-تىڭ ٴ3-شى ايماعى ينفراقۇرىلىممەن قامتاماسىز ەتىلىپ، ٴ1-شى كىشى ايماق بويىنشا جۇمىستار قولعا الىنعان.
ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!
5014
0