ارالدا اۋلانعان بالىق ەۋروپا نارىعىندا ساتىلىپ جاتىر – ق. كوشەربايەۆ

 استانا. 19 اقپان. baq.kz – ارالدا اۋلانعان بالىق ەۋروپا نارىعىندا ساتىلىپ جاتىر. سوڭعى ٴبىر جىلدىڭ ىشىندە ەكسپورت كولەمى 14 پايىزعا ارتقان. بۇل تۋرالى كەشە قىزىلوردا وبلىسىنىڭ اكىمى قىرىمبەك كوشەربايەۆ حالىق الدىندا بەرگەن ەسەبى بارىسىندا ٴمالىم ەتتى.

 «بىلتىر 6،7 مىڭ توننا بالىق اۋلاندى. بۇل 2012 جىلمەن سالىستىرعاندا ٴۇش ەسەگە ارتىق. بالىق وڭدەيتىن 8 زاۋىت جۇمىس ىستەيدى. ولار جىلىنا 11 مىڭ توننا بالىق وڭدەي الادى. بارلىعى دا سوڭعى تەحنولوگيالارمەن جابدىقتالىپ، حالىقارالىق تالاپتارعا جاۋاپ بەرەدى. ونىمدەرى جاقىن جانە الىس شەت ەلدەرگە ەكسپورتتالادى» دەيدى اكىم.

بالىق ٴونىمىنىڭ كولەمىن ارتتىرۋدىڭ بىردەن-بىر جولى تاۋارلى بالىق شارۋاشىلىلىقتارىن ۇيىمداستىرۋ. تاۋارلى بالىق شارۋاشىلىقتارىن دامىتۋ وبلىستا وتكەن جىلدان باستاپ قولعا الىنا باستادى. سوڭعى 2 جىلدا 9 شارۋاشىلىققا تاۋارلى بالىق شارۋاشىلىعى ستاتۋسى بەرىلدى. الداعى 2-3 جىلدا ولاردىڭ سانىن 20-عا جەتكىزۋ شارالارى جۇرگىزىلەتىن بولادى.

وسىعان بايلانىستى، ارال ٴوڭىرىنىڭ بالىقشىلىق كاسىبىن ودان ٴارى جەتىلدىرۋ ماقساتىندا، وبلىس اكىمدىگىمەن قىزىلوردا وبلىسىندا بالىق شارۋاشىلىعىن دامىتۋدىڭ 2015-2017 جىلدارعا ارنالعان جول كارتاسى بەكىتىلدى.
كاسىپورىن بالىق ونىمدەرى نەگىزىنەن رەسپۋبليكادا الماتى، اقتوبە، اتىراۋ وبلىستارى مەن رەسەي، گرۋزيا مەملەكەتتەرىنە جىبەرىلۋدە. سونىمەن قاتار، اۆستريا، گەرمانيا، پولشا مەملەكەتتەرىمەن كەلىسىمدەر جاسالۋدا.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!