استانا. 31 جەلتوقسان. baq.kz - قاراعاندى وبلىسىنىڭ اقتوعاي اۋدانىندا «التىنالماس» كاسىپورنى بوي كوتەردى.
5007
0 
استانا: 
637 
0
استانا. 31 جەلتوقسان. baq.kz - قاراعاندى وبلىسىنىڭ اقتوعاي اۋدانىندا «التىنالماس» كاسىپورنى بوي كوتەردى.
بۇل يندۋستريالاندىرۋ باعدارلاماسى اياسىندا جۇزەگە اسقان عالامات جوبا. ايتا كەتۋ كەرەك، وبلىس ورتالىعىنان جىراقتا جاتقان اقتوعاي اۋدانىندا بۇرىن-سوڭدى مۇنداي الىپ ٴوندىرىس بولعان ەمەس. ەندى تىڭ جوبا جەرگىلىكتى تۇرعىنداردىڭ ەڭبەككە تارتىلۋىنا جول اشارى ٴسوزسىز. اقتوعايدا اۋدانىندا ىسكە قوسىلعان «التىنالماس» كاسىپورنى ٴوڭىردىڭ الەۋمەتتىك احۋالىن ارتتىرۋعا باعىتتالعان ٴىرى جوبا. قۇنى 21 ملرد تەڭگە تۇرادى. كاسىپورىن تولىق وندىرىستىك قۋاتىنا شىققان كەزدە جىلىنا 3 تونناعا دەيىن ساف التىن وندىرە الادى. بارلىق قوندىرعىلارىمىز جانە تەحنولوگيامىز وڭتۇستىك افريكا تاجىريبەسىنەن الىنعان. تاۋدان كەندى قوپارىپ، تاستى بورشا ۇگىتۋ، ٴارى ودان التىندى اجىراتۋ وڭاي ەمەس. سول سەبەپتى كاسىپورىن تولىقتاي زاماناۋي ۇلگىدە جاراقتاندىرىلعان. فابريكا 500-دەن استام ادامدى جۇمىسپەن قامتىپ وتىر. بۇگىندە «التىنالماس» فابريكاسى مەن استانانىڭ اففيناج زاۋىتى اراسىندا كەلىسىم-شارت جاسالعان. ولار كەندى قۇيماعا اينالدىرادى. كوپ ۇزاماي اقتوعايدىڭ العاشقى التىنى استاناعا قاراي جونەلتىلمەك.
ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!
