استانا: 
506 
0
استانا. 5 مامىر. baq.kz - بۇگىن ۇكىمەتتىڭ كەڭەيتىلگەن القا ماجىلىسىندە مەملەكەت باسشىسى نۇرسۇلتان نازاربايەۆ الماتىنىڭ جانىنان جاڭا حالىقارالىق اۋەجايدى سالۋ ماسەلەسىن كوتەردى، - دەپ حابارلايدى «الاش ايناسى» پورتالى.
پرەزيدەنتتىڭ ايتۋىنشا، قازاقستاننىڭ كولىكتىك الەۋەتىن اۋەقاتىناسى سالاسىندا دا جان-جاقتى دامىتۋ قاجەت. "ونىڭ كولەمىن بەس ەسەگە ارتتىرۋعا بولادى. سوندىقتان الماتىنىڭ جانىنان جاڭا حالىقارالىق اۋەجايدى سالۋ ماسەلەسىن قاراستىرعان ٴجون. بىزگە جاڭا اۋە باعىتتارىن اشۋ قاجەت. اسىرەسە، نيۋ-يورك، توكيو، سينگاپۋر سياقتى الەمنىڭ ٴىرى قارجى ورتالىقتارىنا تىكەلەي اۋە قاتىناسىن اشۋ كەرەك"، - دەدى بۇگىن
سونداي-اق پرەزيدەنت "ەير استانا" كومپانياسى ۇلگىسىندە جاڭا كاسىپورىنداردى اشۋ قاجەتتىگىن جەتكىزدى. "بۇرىن قازاقستاننىڭ اۆياسياسى مۇلدەم بولماعان. ونى تولىعىمەن جويىپ تاستادى. سول كەزدە كوپتەگەن اۋەجايلاردا قازاقستاننىڭ ۇشاقتارىنا ارەست سالىنعان ەدى. ول ۇشاقتار ٴالى تۇر، ٴشىرىپ جاتىر. سونىڭ سالدارىنان ەلىمىزدىڭ ازاماتتىق اۆياسياسى تۇرالاپ قالدى. ارتىنان ٴبىز ەكى جاقتان اقشا قۇيىپ، "ەير استانانى" قۇردىق. ٴقازىر ول تمد اۋماعىندا ۇزدىك اۋە كومپانياسى بولىپ سانالادى. مىنە، وسىلاي جۇمىس ىستەۋگە بولادى عوي"، - دەيدى ن.نازاربايەۆ.
ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!
5010
0