BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

الماتىداعى بارلىق مونوپوليستەر ٴوز تاريفتەرىن تۇسىرەدى

استانا، baq.kz. قر ۇلتتىق ەكونوميكا ٴمينيسترى تيمۋر سۇلەيمەنوۆ الماتى قالاسىنداعى ٴىرى تابيعي مونوپوليا سۋبەكتىلەرىنىڭ ەسەبىن تىڭدادى، دەپ جازادى ۆەدوموستۆونىڭ ٴباسپاسوز قىزمەتى.

وتىرىس مەملەكەت باسشىسى نۇرسۇلتان نازاربايەۆتىڭ قر قاۋىپسىزدىك كەڭەسىنىڭ وتىرىسىندا بەرگەن تاپسىرمالارىن ورىنداۋ شەڭبەرىندە وتكىزىلدى. قر قاۋىپسىزدىك كەڭەسىنىڭ وتىرىسىندا پرەزيدەنت كوممۋنالدىق قىزمەتتەردىڭ تاريفىمەن جان-جاقتى تانىسۋدى جانە ونى زاڭسىز كوتەرگەن مونوپوليستەردى جازالاۋدى تاپسىرعان بولاتىن.

قوعامدىق قابىلداۋدا مونوپوليستەر تاريفتىك سمەتا مەن ينۆەستيسيالىق باعدارلامانى قالاي ورىنداپ جاتقانى تۋرالى ەسەپ بەردى. قىزمەت كورسەتۋ ساپاسىن قامتاماسىز ەتۋدە كوپشىلىكتىڭ تاراپىنان سىندى ٴبىرىنشى بولىپ ەستيتىن ۇەم اۋماقتىق دەپارتامەنتتەرى مەن اكىمدىكتەردە قانداي پروبلەمالار ورىن الۋدا؟ بۇدان باسقا، پروبلەمالاردى شەشۋدىڭ جۇيەلى شارالارى تالقىلاندى.

«بۇگىنگى اڭگىمە بىزگە بۇل ماسەلەگە وتە جاۋاپكەرشىلىكپەن، جان-جاقتى قاراۋعا، وسىنى ەسكەرە وتىرىپ، ماسەلەنى شەشۋ جولدارىن انىقتاۋعا جاردەمدەستى. ٴبىز بارلىق مونوپوليستەردىڭ ٴتاريفتى تۇسىرۋىنە قول جەتكىزدىك. دەگەنمەن، جۇيەلى سيپاتتاعى جايتتەر دە بار، سوندىقتان ولار ٴتاريفتى جىلما-جىل كوتەرمەي، ٴتيىمدى جۇمىس ىستەۋدى جالعاستىرۋى ٴۇشىن، بۇعان كەرىسىنشە، بۇل تاريفتەردى نە بەكىتۋگە تىرىسا وتىرىپ، نە جاڭا تەحنولوگيالار مەن تاسىلدەردى ەسكەرە وتىرىپ، تومەندەتۋگە ٴتيىسپىز. مۇنداي اڭگىمە كەرەك، وعان قول جەتكىزىلگەنى دۇرىس بولدى»، - دەدى مينيستر.

ٴمينيستردىڭ ايتۋىنشا، مونوپوليستەر ٴوز پروبلەمالارىن جاسىرماي ايتىپ بەرگەن. ماسەلەن، «قازترانسگاز ايماق» اق گازىنىڭ وزىندىك قۇنى ونىڭ جۇيەلىك وپەراتوردان ساتىپ الاتىن گاز باعاسى ارقىلى قالىپتاسادى. جىلۋ باعاسى 35-60%-كە ەلىمىزدىڭ سولتۇستىگىنەن جەتكىزىلەتىن كومىر باعاسى مەن تاسىمالداۋ قۇنىنا تاۋەلدى.

«وندا دا جەتە ٴتۇسىنۋدى قاجەت ەتەتىن بەلگىلى ٴبىر ماسەلەلەر بار»، - دەدى ول.

سول ارادا مينيستر قازىرگى ۋاقىتتا ەلىمىزدە تابيعي مونوپوليا سۋبەكتىلەرىن تەكسەرۋ باستالعاندىعىن ەسكە سالدى. «بۇل جۇمىس بارلىق باعىت بويىنشا جۇرگىزىلۋدە. تاريفتەر تومەندەۋى ٴتيىس، كوپشىلىگى بويىنشا ۋاقىتشا وتەماقىلىق تاريف ەنگىزىلەدى. قۇقىقبۇزۋشىلىق انىقتالعان جاعدايدا، ٴتيىستى اكىمشىلىك شارالار قولدانىلاتىن بولادى»، - دەدى ول.

بۇدان باسقا، تيمۋر سۇلەيمەنوۆ ورتالىق مەملەكەتتىك ورگان دەڭگەيىندە ٴبىرقاتار نورماتيۆتىك-زاڭنامالىق سيپاتتاعى شارالار قابىلدانىپ جاتقانىن ەسكە سالدى.

«اڭگىمە «تابيعي مونوپوليالار تۋرالى» زاڭ جوباسىن قابىلداۋ جونىندەگى جۇمىستار تۋرالى بولىپ وتىر. ول قازىردە پارلامەنت ماجىلىسىندە جاتىر. ٴبىرقاتار قوسىمشالار ەندىگى جاسالدى، ٴبىرقاتارىن تولىقتىرۋدى ۇسىنىپ وتىرمىز. بۇلار قوعامدىق كەڭەس قۇرۋ، ينۆەستيسيالىق باعدارلامالاردى ورىنداۋ بويىنشا سىرتقى تەحنيكالىق اۋديت ينستيتۋتىن ەنگىزۋ، سونداي-اق بىزدەگى قوعامدىق بىرلەستىكتەردى قارجىلاندىرۋعا قاتىستى»، - دەدى مينيستر.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي