الماتىدا «نان ونىمدەرى-2016» حالىقارالىق فورۋمى وتەدى - قازاقستان ەكونوميكاسى|26 قاڭتار 2016، 18:54
كۋرسى ۆاليۋت وبنوۆليايۋتسيا
استانا:

الماتىدا «نان ونىمدەرى-2016» حالىقارالىق فورۋمى وتەدى

استانا. 26 قاڭتار. baq.kz - الماتىدا الداعى 27-28 قاڭتار ارالىعىندا ٴ2-شى ورتالىق ازيالىق «نان ونىمدەرى-2016» حالىقارالىق فورۋمى وتەدى. مۇنىڭ ورتالىق ازيا اۋماعىندا تەڭدەسى جوق جوبا ەكەندىگىن ايتا كەتكەن ٴجون. «نان ونىمدەرى-2016» فورۋمى ازىق-تۇلىك ونىمدەرىن، تاماق جانە قايتا وڭدەۋشى وندىرىستەرگە ارنالعان تەحنولوگيالاردى كاسىبي تۇرعىدا تانىستىرۋ الاڭى بولىپ تابىلادى. فورۋم وسىمەن ەكىنشى رەت ۇيىمداستىرىلىپ وتىر. وعان الماتى قالاسىنىڭ اكىمدىگى قولداۋ كورسەتتى. بيىلعى فورۋمنىڭ باستى تاقىرىبى - داعدارىس جاعدايىندا ورتالىق ازيادا نان-توقاش جانە كونديتەرلىك تاعامدار نارىعىن دامىتۋ.

 

ۇيىمداستىرۋشىلاردىڭ ايتۋىنشا، فورۋمدى وتكىزۋدەگى باستى ماقسات - نان-توقاش جانە كونديتەرلىك تاعامدار شىعاراتىن كومپانيالاردىڭ وندىرىستىك قۋاتىن ارتتىرۋ جانە جاڭارتۋ ٴۇشىن شەت ەلدىك ينۆەستيسيالاردى تارتۋ، شاعىن جانە ورتا بيزنەس سۋبەكتىلەرىن دامىتۋ، وندىرىلەتىن ونىمدەردىڭ ساپاسىن ارتتىرۋ جانە ٴوزارا تاجىريبە الماسۋ.

فورۋمعا نان پىسىرەتىن، كونديتەرلىك تاعامدار جاسايتىن جانە ۇن تارتۋشى كاسىپورىنداردىڭ، قوعامدىق تاماقتاندىرۋ مەكەمەلەرىنىڭ باسشىلارى، باقىلاۋشى-قاداعالاۋشى ورگانداردىڭ وكىلدەرى جانە باسقا دا مۇددەلى تۇلعالار قاتىسادى.

جالپى، ەكى كۇنگە سوزىلاتىن فورۋمنىڭ جۇمىسىنا قاتىسۋعا قازاقستانان باسقا، قىرعىزستان، وزبەكستان، تاجىكستان، رەسەي، بەلارۋسيا جانە ەۋرووداق ەلدەرىنەن 200-دەن استام شاعىن جانە ورتا بيزنەس سۋبەكتىلەرىنىڭ وكىلدەرى كەلەدى دەپ كۇتىلۋدە.

ولار نەگىزىنەن نان پىسىرۋشىلەر، شيكىزات وندىرۋشىلەر جانە نان-توقاش جانە كونديتەر تاعامدارىن وندىرۋگە قاجەتتى جابدىقتار شىعارۋشىلار ەكەندىگىن ايتا كەتكەەن ٴجون.

ايتا كەتەلىك، وتكەن جىلعى فورۋم بارىسىندا تەحنولوگيالار جەتكىزۋ، قىزمەت كورسەتۋ جانە باسقا دا ماقساتتار بويىنشا جالپى سوماسى 1،5 ملن. ەۋرودان اساتىن قارجىعا كەلىسىمشارتتار جاسالعان بولاتىن.

فوتو: damu.kz  


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي