BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

قازاقستاندا بلوكچەين تەحنولوگياسى ەنگىزىلە باستايدى

فوتو: Бауыржан Жуасбаев

2019 جىلى بلوكچەين تەحنولوگياسىن تاجىريبە جۇزىندە قولدانا باستايمىز. بۇل تۋرالى پرەمەر-مينيستردىڭ ورىنباسارى ەربولات دوسايەۆ مالىمدەدى، دەپ حابارلايدى baq.kz ٴتىلشىسى.

«قوسىلعان قۇن سالىعىن اكىمشىلەندىرۋدىڭ جاڭا ادىستەرىن ەنگىزۋگە، بلوكچەين تەحنولوگياسىن پايدالانۋعا قاتىستى ماسەلە بار. باقىت تۇرلىحان ۇلى، (قارجى ٴمينيسترى - اۆتور) مەملەكەت باسشىسىمەن كەزدەسۋ كەزىندە وسى باعىتتا العاشقى قادامدار 2018 جىلدىڭ تامىزىندا ىسكە اسىرىلاتىنىن ايتقان. ەگەر دە باستاما دۇرىس جۇرگىزىلسە، وندا 2019 جىلى ٴبىز بلوكچەين تەحنولوگياسىن تاجىريبە جۇزىندە قولدانىپ، ەنگىزۋگە قاجەتتى شارالاردى قابىلدايمىز»، - دەدى ول قر قارجى مينيسترلىگىنىڭ كەڭەيتىلگەن القا وتىرىسىندا.

وسى ورايدا ەربولات دوسايەۆ قارجى مينيسترلىگى اتالعان تەحنولوگيالاردى ەلىمىزدە ٴبىرىنشى بولىپ ىسكە قوساتىنىن جەتكىزدى.

«جيناقتالىپ قالعان پروبلەمالاردى شەشىپ العاننان كەيىن، تامىز ايىنا قاراي جاقسى تاجىريبەمىز بولادى دەگەن ۇمىتتەمىن. بۇل كەزەڭدە سالىقتىق جانە كەدەندىك اكىمشەلەندىرۋ بويىنشا لايىقتى ناتيجەنى ۇسىنا الامىز»، - دەدى ەربولات دوسايەۆ.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي