BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

اقشا نارىعىن قالىپقا كەلتىرمەي تەڭگەنىڭ ٴرولىن ارتتىرۋ مۇمكىن بولمادى – دانيار اقىشەۆ

الماتى، baq.kz. اقشا نارىعىنىڭ جۇمىسىن قالىپقا كەلتىرمەي تەڭگەنىڭ ٴرولىن ارتتىرۋ جانە ينفلياسيالىق پروسەستەردى تۇراقتاندىرۋ مۇمكىن بولمادى. بۇل تۋرالى دانيار اقىشەۆ قازاقستان قارجىگەرلەرى viii كونگرەسىندە ايتتى.

ونىڭ ايتۋىنشا، 3 جىل بۇرىن نارىقتاعى tonia مولشەرلەمەسى 56% مولشەردە بولۋى، ال 5-6 جىل بۇرىن سالىق تولەمدەرى كەزەڭىندە مولشەرلەمە 40%-عا دەيىن كۇرت ٴوسۋى قالىپتى جاعداي.

«ٴقازىر نارىقتىق مولشەرلەمەلەر قازاقستان ۇلتتىق بانكى بەلگىلەيتىن دالىزدەردىڭ شەگىندە جانە ناقتى جۇمىس ىستەپ تۇرعان اقشا نارىعىندا قالىپتاسادى. ۇلتتىق بانك تۇراقتى كولجەتىمدى تەرەزە جانە اشىق نارىق وپەراسيالارىن قوسا العاندا، وتىمدىلىكتى ۇسىنا جانە قامتي وتىرىپ، ٴوز قۇرالدارىن تولىق كولەمدە ىسكە اسىرادى. بازالىق مولشەرلەمە ناقتى ينديكاتور جانە اقشا-كرەديت ساياساتىنىڭ تۇراقتى قولدانىلاتىن نەگىزى بولدى. ٴبىز ونى ايقىنداۋدا بولجامدى، جۇيەلى جانە ايقىنبىز»، - دەپ ٴتۇسىندىردى دانيار اقىشەۆ.

ونىڭ ايتۋىنشا، ناقتى كورسەتكىش بويىنشا بازالىق مولشەرلەمە ەكونوميكالىق ٴوسىمنىڭ ۇزاق مەرزىمدى قارقىنىنان اسپايتىن دەڭگەيدە ساقتالۋدا. بۇل اقشا-كرەديت ساياساتىنىڭ بەيتاراپتىلىعىن قامتاماسىز ەتەدى جانە ينفلياسيانىڭ نىسانالى دەڭگەيىن قامتاماسىز ەتۋ مەن ەكونوميكانىڭ ٴوسىمىن ىنتالاندىرۋدى قولداۋ اراسىنداعى تەڭگەرىمدى ساقتايدى.

سوڭعى كەزدە اقشا جانە ۆاليۋتا نارىقتارىن ودان ٴارى دامىتۋعا جانە بەيرەزيدەنتتەردىڭ كولجەتىمدىلىگىن كەڭەيتۋگە باسىمدىق بەردىك.

اتاپ ايتقاندا دانيار اقىشەۆ بۇل clearstream حالىقارالىق كليرينگ جۇيەسىندە بەيرەزيدەنتتەردىڭ مەملەكەتتىك باعالى قاعازدارمەن وپەراسيالارعا تىكەلەي قولجەتىمدىلىگىن قامتاماسىز ەتۋ جونىندەگى جوبا دەپ اتادى.

«قازاقستان ۇلتتىق بانكىنىڭ نوتتارىن ورنالاستىرۋ دا ت+2 جۇيەسىنە كوشتى. ٴبىز وسىنداي كوشۋ قارجى مينيسترلىگىنىڭ مەملەكەتتىك باعالى قاعازدارى بويىنشا دا جۇرگىزىلەدى دەپ ۇمىتتەنەمىز»، - دەدى قازاقستان ۇلتتىق بانكىنىڭ باسشىسى.

بۇدان باسقا، قىركۇيەكتە قازاقستان قور بيرجاسىنداعى ۆاليۋتالىق وپەراسيالار ت+1 ەسەپتەلەتىن سەكتورعا اۋىستىرىلدى. جاڭادان ەسەپتەۋ بانكتەردەگى وتىمدىلىكتى بارىنشا ٴدال باسقارۋعا جانە اقشا نارىعىنداعى قۇبىلمالىلىقتى تومەندەتۋگە مۇمكىندىك بەرەدى.

«قازاننان باستاپ قازاقستان قور بيرجاسى ۆاليۋتا نارىعىندا ورتالىق كونتراگەنت رەتىندە جۇمىس ىستەي باستادى. قازاقستاندا بۇل تەتىك قىسقا مەرزىمدە ازىرلەندى، ول كوبىنەسە رەسەيدىڭ ورتالىق بانكىنىڭ جانە ماسكەۋ بيرجاسىنىڭ تاجىريبەسىن پايدالانۋ ارقاسىندا مۇمكىن بولدى. قازاقستان قور بيرجاسىمەن بىرلەسە وتىرىپ بروكەرلەردى ۆاليۋتا نارىعىنا كىرگىزۋ بويىنشا جۇمىس جۇرگىزىلدى»، - دەدى دانيار اقىشەۆ.

ول جىلدىڭ سوڭىنا دەيىن ۆاليۋتا نارىعىندا قۇبىلمالىلىقتى تومەندەتۋ ماقساتىندا قازاقستان ۇلتتىق بانكى تۋىندى قارجى قۇرالدارىن ەنگىزۋدى جانداندىرۋدى جوسپارلاپ وتىر دەپ تولىقتىردى. بۇل كولەمدەردىڭ سپوت الاڭىنان مەرزىمدى نارىققا ارتىق اكەتىلۋىن قامتاماسىز ەتەدى جانە قارجى نارىعىن ۆاليۋتا تاۋەكەلدەرىن حەدجيرلەۋ قۇرالىمەن قامتاماسىز ەتەدى.

1 جىلعا دەيىنگى مەرزىمى بار ۆاليۋتالىق سۆوپ نارىعىن جاساۋ، دانيار اقىشەۆتىڭ ايتۋىنشا، حەدجيرلەۋ قۇرالدارى ۇسىنىلاتىن تۇراقتى جۇمىس ىستەپ تۇراتىن الاڭدى قالىپتاستىرۋ بويىنشا ٴبىرىنشى جۇيەلى قادام بولىپ تابىلادى.

«وسىلايشا، اعىمداعى جىلى الەمدىك قارجى نارىقتارىمەن ىقپالداسۋدى نىعايتۋ جاعىنا ۇلكەن قادام جاسالدى، ول ۆاليۋتا جانە اقشا نارىقتارىنىڭ وتىمدىلىگىن ۇلعايتۋعا جانە بارىنشا ٴتيىمدى باعا بەلگىلەۋگە ىقپال ەتەدى»، - دەدى قازاقستان ۇلتتىق بانكىنىڭ ٴتوراعاسى ٴوز ٴسوزىن قورىتىندىلاي كەلە.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي