اقش ەنەرگەتيكا مينيسترلىگىنىڭ ەسەبىنەن كەيىن مۇناي باعاسى اسپانداپ كەتتى

استانا.  23 ماۋسىم.  قازاقپارات  -  22 ماۋسىم كۇنگى ساۋدانىڭ  قورىتىندىسى  بويىنشا  مۇنايدىڭ الەمدىك نارىقتارداعى باعاسى  كۇرت كوتەرىلدى.

ساراپشىلاردىڭ ايتۋىنشا،  وعان    اقش ەنەرگەتيكا مينيسترلىگىنىڭ  ەلدەگى مۇنايدىڭ  كوممەرسيالىق قورىنىڭ  ازايعانى  تۋرالى ەسەبى    سەبەپ  بولىپ وتىر،  دەپ   حابارلايدى ربك انەنتتىگى.

 اتاپ ايتقاندا، لوندون  ساۋدا بيرجاسىندا    brent مۇنايىنىڭ  رەسمي باعاسى   3،26 دوللارعا  قىمباتتاپ،  114،21 دوللار/باررەلدى  قۇراسا،    نيۋ-يورك  بيرجاسىندا   light sweet مۇنايىنىڭ  رەسمي باعاسى  1،24 دوللارعا  كوتەرىلىپ،   95،41  دوللار/باررەلگە جەتتى. 

 سارسەنبى، 22 ماۋسىم كۇنى   اقش  ەنەرگەتيكا مينيسترلىگى،    11-17 ماۋسىم ارالىعىندا ەلدەگى   شيكى مۇنايدىڭ  كوممەرسيالىق قورى  1،71  ميلليون  باررەلگە  تومەندەپ،   363،84 ميلليون باررەلدى   قۇراعانىن  حابارلاعان ەدى.

http://www.inform.kz/kaz/article/2389192

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!