ايماقتىق ينۆەستيسيالىق ورتالىق 12 مىڭنان استام جوباعا قارجى سالعان - قازاقستان ەكونوميكاسى|22 قاڭتار 2016، 11:07
كۋرسى ۆاليۋت وبنوۆليايۋتسيا
استانا:

ايماقتىق ينۆەستيسيالىق ورتالىق 12 مىڭنان استام جوباعا قارجى سالعان

استانا. 22 قاڭتار. baq.kz – وڭتۇستىك قازاقستاندا وتكەن جىلى قۇنى 8،9 ملرد. تەڭگەنى قۇرايتىن 2245 جوبا «ماكسيمۋم» ايماقتىق ينۆەستيسيالىق ورتالىعى» (ايو) ارقىلى قارجىلاندىرىلىپ، جۇزەگە اسقان.

تاراتىپ ايتساق، يندۋستريالاندىرۋ كارتاسىنا ەنگەن 6 جوبانى قارجىلاندىرۋعا 1،5 ملرد. تەڭگە قارالسا، مال شارۋاشىلىعىن دامىتۋعا كەتكەن اقشا كولەمى 4،7 ملرد. تەڭگەنى قۇراعان. قارقىندى باۋ شارۋاشىلىعى مەن بالىق شارۋاشىلىعى، كوكتەمگى ەگىس جانە ەگىن جيناۋ جۇمىستارى مەن اۋىل شارۋاشىلىعى ونىمدەرىن قايتا وڭدەۋ جانە ساقتاۋدى ۇيىمداستىرۋعا، سونداي-اق، وزگە دە قارجىلاندىرۋ جوبالارىنا 2،7 ملرد. ٴبولىنىپتى.

ايتا كەتەيىك، وقو اكىمدىگىنىڭ تاراپىنان قۇرىلعان «ماكسيمۋم» ايماقتىق ينۆەستيسيالىق ورتالىعى» (ايو) جۇمىسىن باستاعان 7 جىلدا وڭتۇستىكتە 12 مىڭنان استام جوبا ماقۇلدانىپ، وعان 36،4 ملرد. تەڭگە بولىنگەن. ناتيجەسىندە، 32 مىڭنان استام وڭتۇستىكقازاقستاندىق ازامات جاڭا جۇمىس ورىندارىمەن قامتىلىپ وتىر. ايتا كەتەيىك، «ماكسيمۋم» ايو-دان قارجىلاندىرىلىپ، جۇزەگە اسىرىلىپ جاتقان جوبالاردىڭ 76،7 پايىزى اۋىل شارۋاشىلىعىنا قاتىستى.
 


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي