استانا: 
738 
0
استانا. 18 ناۋرىز. baq.kz – 2015 جىلى قارجىلىق ساۋىقتىرۋدى جالعاستىرۋ ٴۇشىن قر اشم «اگروبيزنەس-2020» باعدارلاماسىنا ٴتيىستى وزگەرىستەر ەنگىزىلدى. اوك سۋبەكتىلەرىنىڭ كرەديتتىك جانە ليزينگكتىك مىندەتتەمەلەرىن ساۋىقتىرۋ سوماسىن 500 ملرد تەڭگەگە دەيىن ۇلعايتۋ بويىنشا جۇمىستار جۇرگىزىلۋدە. بۇل تۋرالى بۇگىن قر پرەزيدەنتى جانىنداعى وكق-دە وتكەن بريفينگ بارىسىندا قر اۋىل شارۋاشىلىعى ۆيسە-مينيسترi ەرمەك كوشەربايەۆ ٴمالiم ەتتi.
«باعدارلامانىڭ نەگىزگى كورسەتكىشى جالپى بەرەشەك سوماسى 300 ملرد تەڭگەگە قايتارۋ مەرزىمىن ۇزارتۋ جانە اوك سۋبەكتىلەرىنىڭ كرەديتتىك جانە ليزينگكتىك مىندەتتەمەلەرىنىڭ پروسەنتتىك ستاۆكاسىن ازايتۋ بولىپ تابىلادى. بۇگىندە بۇل كورسەتكىش تولىق ورىندالعان. ساۋىقتىرۋعا جاتاتىن بەرەشەكتەردىڭ نەگىزگى ۇلەسى وسىمدىك شارۋاشىلىعى سالاسىنا 86،4 پايىز، مال شارۋاشىلىعى سالاسىنا – 2،8 پايىز، اۋىل شارۋاشىلىعى ونىمدەرىن قايتا وڭدەۋشىلەرگە – 5 پايىز، باسقا قىزمەت تۇرلەرىنە – 5،6 پايىز كورسەتكىشكە يە» دەدى ۆيسە-مينيستر.
اوك سالاسىنداعى ماسەلەلى نەسيەلەردىڭ كولەمىن ازايتۋ، ولاردىڭ نەسيەلىك سالماعىن تومەندەتۋ مەن بانكروتتىققا ۇشىراۋ ٴقاۋىپىن بارىنشا تومەندەتۋ ماقساتىندا 2013 جىلدان باستاپ قر اشم اوك سۋبەكتىلەرىن قارجىلىق ساۋىقتىرۋدى جۇرگىزىپ كەلەدى.
باعدارلاماعا ٴىرى اگروقۇرىلىمدارمەن قاتار شاعىن جانە ورتا اگروبيزنەس وكىلدەرى دە قاتىسادى.
ايا ٴومىرتاي
ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!
5013
0