BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

4 وڭىردە حالىقتىڭ تابىسى ازايدى – مينيستر

استانا، baq.kz ٴتىلشىسى. ۇكىمەت وتىرىسىندا قر ۇلتتىق ەكونوميكا ٴمينيسترى تيمۋر سۇلەيمەنوۆ 10 ايدا ٴتورت وڭىردەگى حالىقتىڭ تابىسى ازايعانىن ٴمالىم ەتتى.

بۇگىنگى وتىرىستا تيمۋر سۇلەيمەنوۆ ۇكىمەت باسشىسى باقىتجان ساعىنتايەۆقا 10 ايداعى الەۋمەتتىك-ەكونوميكالىق دامۋ قورىتىندىلارى بويىنشا ەسەپ بەردى.

«ەڭبەك نارىعىنداعى جاعداي بۇرىنعىداي جاعىمدى. وسى جىلدىڭ باسىنان 414،5 مىڭ ادام جۇمىسقا ورنالاستى. قازاندا جۇمىسسىزدىق دەڭگەيى 4،8% دەيىن تومەندەدى. جالاقى ٴبىر قالىپتى قارقىنمەن وسۋدە. بيىلعى جىلدىڭ قاڭتار-قىركۇيەكتە ورتاشا ايلىق جالاقى 158،2 مىڭ تەڭگەگە دەيىن ۇلعايدى. جالاقىنىڭ ٴوسۋى جانە ينفلياسيالىق پروسەسستەردىڭ باسەڭدەۋىنىڭ اياسىندا ناقتى اقشالاي تابىس وسى جىلعى قاڭتار-تامىزدا 3،5% ٴوستى»، - دەدى مينيستر.

ونىڭ ايتۋىنشا حالىق تابىسىنىڭ ٴوسۋ كورسەتكىشى ٴار وڭىردە ٴارتۇرلى ەكەن.

«وسى جىلدىڭ قاڭتار-ماۋسىم ايىندا 17 ٴوڭىردىڭ 13-دە ناقتى تابىستاردىڭ ٴوسۋى بايقالدى. سونداي-اق 4 وڭىردە قىسقارۋ بايقالدى. بۇل – ماڭعىستاۋ (-4،5%)، قىزىلوردا (-2،6%)، الماتى (-0،4%) وبلىستارى جانە الماتى قالاسى (-0،6%)»، - دەپ تۇيىندەدى ٴسوزىن تيمۋر سۇلەيمەنوۆ.

وسىعان دەيىن ۇكىمەت وتىرىسىندا قر پرەمەر-مينيسترى باقىتجان ساعىنتايەۆ ەنەرگەتيكا جانە ۇلتتىق ەكونوميكا مينيسترلىكتەرىنە تاريفتەرتەردى تومەندەتۋگە باعىتتالعان جۇيەلى ٴىس-شارالار جوسپارىن ازىرلەۋدى تاپسىرعانىن، ۇلتتىق ەكونوميكا ۆيسە-مينيسترىنە سوگىس جاريالاعانىن، باعانى نەگىزسىز وسىرۋگە جول بەرگەن مونوپوليستەردى جازالاۋدى تاپسىرعانىن، ۇلتتىق ەكونوميكا مينيسترىنە ارنايى تاپسىرما بەرگەنىن، كومىر مەن تاۋارلاردىڭ باعاسىن ەرەكشە باقىلاۋدا ۇستاۋدى تاپسىرعانىن، ٴارى حالىقتى تولعاندىرعان ماسەلەلەرگە نازار اۋدارۋعا شاقىرعانىن جازعانبىز.

ايتا كەتەيىك، وتكەن اپتادا اقوردادا مەملەكەت باسشىسى نۇرسۇلتان نازاربايەۆ قاۋىپسىزدىك كەڭەسىنىڭ كەزەكتى وتىرىسىن وتكىزدى. جيىندا ەلەكتر جانە جىلۋ ەنەرگيالارىنىڭ قولدانىستاعى ٴتاريفى مەن ەنەرگەتيكالىق قىزمەت نارىعىنداعى باعانىڭ بەلگىلەنۋىنە باقىلاۋ جاسايتىن مەملەكەتتىك ورگانداردىڭ جۇمىسى سىنعا الىندى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي