استانا: 
406 
0
استانا. 21 قاڭتار. baq.kz – جامبىل وبلىسىندا 23 وبەكت جەكەشەلەندىرۋگە جاتاتىن وبەكتىلەر تىزىمىنەن شىعارىلدى، - دەپ حابارلايدى baq.kz ٴتىلشىسى قر باس پروكۋراتۋراسىنىڭ ٴباسپاسوز قىزمەتىنە سىلتەمە جاساي وتىرىپ.
2014 جىلى قاداعالاۋ تەكسەرىستەرى بارىسىندا ەكونوميكالىق ماقساتقا سايكەستىلىكتى، باسەكەلەستىك نارىقتى، سونداي-اق ماڭىزدى الەۋمەتتىك وبەكتىلەردى ەسەپكە الماي، وبەكتىلەردى جەكەشەلەندىرۋگە جاتاتىن تىزىمگە نەگىزسىز ەنگىزۋ فاكتىلەرى انىقتالعان.
پروكۋرورلىق ىقپال ەتۋ اكتىلەرىنە سايكەس وبلىس اكىمدىگى جەكەشەلەندىرۋ تارتىبىندە انىقتالعان كەمشىلىكتەردى جويۋ بويىنشا شارالار قابىلدادى، 23 وبەكت جەكەشەلەندىرۋگە جاتاتىن وبەكتىلەر تىزىمىنەن شىعارىلدى.
مەملەكەت قورىنا تاراز قالاسىنداعى باعاسى 130 ملن تەڭگەدەن اساتىن 2 اكىمشىلىك عيمارات قايتارىلىپ، كوممۋنالدىق مەنشىكتى جالداۋ تۋرالى 20-دان اسا كەلىسىم-شارت بۇزىلدى.
جەردى پايدالانۋ زاڭناماسى سالاسىندا پروكۋروردىڭ شاعىمدارىمەن جەر تەلىمدەرىنىڭ باعالاۋ قۇنىن جوعارىلاتۋ فاكتىلەرى بويىنشا 120 ملن استام تەڭگە مەملەكەتكە قايتارىلدى.
مەملەكەت قورىنا پايدالانىلماعان جانە زاڭدىلىقتى بۇزۋمەن پايدالانىلعان جالپى قۇنى 208 ملن تەڭگە بولاتىن جەر تەلىمدەرى قايتارىلدى.
ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!
5010
0