استانا: 
568 
0
استانا. 30 ٴساۋىر. baq.kz – «جەكەشەلەندىرۋدىڭ ەكىنشى تولقىنىنىڭ» جوسپارى بويىنشا 2014-2015 جىلدارعا 492 وبەكت كوزدەلىپ، 160-ى ساتىلىپ ۇلگەرىلگەن. تاعى 210 وبەكتى 2015 جىلدىڭ سوڭىنا دەيىن ساتۋعا شىعارىلماق. بۇل تۋرالى بۇگىن قر پرەزيدەنتى جانىنداعى ورتالىق كوممۋنيكاسيا قىزمەتىندە وتكەن بريفينگ بارىسىندا قر قارجى ۆيسە-مينيسترى رۋسلان دالەنوۆ حابارلادى.
«وتكىزىلگەن 160 وبەكتىنىڭ ٴ88-ى قازىرگى بىرلەسىپ يەلىك ەتۋشىلەرىنە 22،4 ملرد تەڭگەگە ساتىلدى. 39 ازامات – جەكە تۇلعالارعا 1،2 ملرد تەڭگەگە ساتىلدى. 32 وبەكتىنى ينۆەستور كومپانيالار 6،2 ملرد تەڭگەگە ساتىپ الدى. جانە ٴبىر وبەكتىنى «kegok» اق-نىڭ حالىقتىق ipo بويىنشا 13،1 ملرد تەڭگەگە باعالانعان بولاتىن. جالپى ساتۋ سوماسى 42،9 ملرد تەڭگەنى قۇراپ وتىر» دەيدى ۆيسە-مينيستر.
جالپى سومانىڭ 730 ملن تەڭگەسى رەسپۋبليكالىق بيۋدجەتكە تۇسكەن. جەرگىلىكتى بيۋدجەت 745 ملن تەڭگەگە تولىعىپ، 2،9 ملرد تەڭگە الەۋمەتتى-كاسىپكەرلىك كورپوراسياعا، ال 38،6 ملرد تەڭگەسى حولدينگتەرگە تۇسكەن.
«2015 جىلدىڭ سوڭىنا دەيىن ساتىلادى دەپ وتىرعان وبەكتىلەر ٴالى باعالانىپ ۇلگەرگەن جوق. ولاردىڭ تەڭگەرىمدىك قۇنى جوعارى. مىسالى «الاتاۋ جارىق كوماپنياسى» اق تەڭگەرىمدىك قۇنى 66 ملرد تەڭگە. سونداي-اق، اقپاراتقا قول جەتىمدىلىك ماسەلەلەرىنە دە كوپ كوڭىل بولىنەدى» دەپ اتاپ ٴوتتى ۆيسە-مينيستر ر. دالەنوۆ.
ونىڭ ايتۋىنشا بارلىق ساۋدا-ساتتىق تولىعىمەن ەلەكتروندى فورماتتا وتەتىن بولادى.
ايا ٴومىرتاي
ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!
5013
0