استانا: 
616 
0
استانا. 30 ناۋرىز. baq.kz - 2022 جىلعا دەيىن ەلىمىزدە 7 مىڭ شاقىرىمنان استام جول اقىلى بولادى. بۇل تۋرالى بۇگىن قر پرەزيدەنتى جانىنداعى ورتالىق كوممۋنيكاسيالار قىزمەتىندەگى بريفينگتە قر پارلامەنتى ٴماجىلىسىنىڭ دەپۋتاتى ساميعوللا ورازوۆ ٴمالىم ەتتى.
«مەنىڭشە، 2022 جىلعا دەيىن 7 مىڭنان استام اۆتوموبيل جولى اقىلى بولادى. بۇل رەسپۋبليكالىق ماڭىزداعى بارلىق جولدىڭ شامامەن 30 پايىزىن قۇرايدى»، - دەدى ول.
ونىڭ اتاپ وتۋىنشە، اتالعان اقىلى جولداردىڭ بارلىعى ەسكى جولداردى جاعىرتۋ نە بولماسا جاڭا جولدار سالۋ ەسەبىنەن جۇزەگە اسىرىلادى. ولاردىڭ بارلىعى دا 1-2 ساناتتاعى 4 جانە 6 جولاقتى جولدار بولادى. «بۇل رەتتە، ەڭ باستىسى اسىرا سىلتەۋشىلىككە جول بەرمەۋ قاجەت. ياعني، اتالعان جولداردىڭ بويىندا تۇراتىن حالىقتىڭ زيان شەكپەگەنى وتە ماڭىزدى»، - دەدى دەپۋتات.
سونىمەن قاتار س.ورازوۆ جول ٴجۇرۋ قۇنىنىڭ دا قولجەتىمدى بولۋى ماڭىزدى ەكەندىگىن باسا ايتتى. «شەكتەن تىس جول ٴجۇرۋ قۇنىن ارتتىرماۋ كەرەك. ول جوعارى بولسا، ترانزيتتىك جۇك قازاقستاندى تىس اينالىپ وتەتىن بولادى. جالپى، ەلىمىزدە سالىنىپ جاتقان جولداردىڭ بارلىعى دا ترانزيتكە ارنالۋدا»، - دەدى ول.
ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!
5013
0