استانا: 
827 
0
استانا. 30 ناۋرىز. baq.kz – 2015 جىلعى ناۋرىزدا ونەركاسىپ ونىمدەرىن ٴوندىرۋشى كاسىپورىندار باعاسى 3،6 پايىزعا جوعارىلادى. بۇل تۋرالى قر ۇلتتىق ەكونوميكا مينيسترلىگى ستاتيستيكا كوميتەتىنىڭ ٴباسپاسوز قىزمەتىنەن حابارلاندى.
اتاپ ايتقاندا، اعىمداعى جىلعى ناۋرىزدا اقپانمەن سالىستىرعاندا باعا كەن ٴوندىرۋ ونەركاسىبىندە - 7،2 پايىزعا جوعارىلاپ، باعا وڭدەۋ ونەركاسىبىندە 0،5 پايىزعا تومەندەگەن. وندىرىلگەن ونىمگە باعا - 4 پايىزعا قىمباتتادى، ال وندىرىستىك سيپاتتاعى قىزمەتتەرگە باعا وزگەرىسسىز قالدى.
سونىمەن قاتار، وتكەن ايدا باعانىڭ مۇنايعا 5،7 پايىزعا جوعارىلاۋى، ولاردىڭ مازۋتقا 4 پايىز، ديزەلدىك وتىنعا - 2،6 پايىز، مەتالل كەندەرىنە - 2،5 پايىز، كومىرگە - 1،6 پايىز، بەنزينگە - 0،5 پايىزعا تومەندەۋى تىركەلگەن.
«بۇدان بولەك، باعا قورعاسىنعا - 15،2 پايىز، مىرىشقا - 8،5 پايىز، قارا مەتالدار يلەگىنە - 3 پايىز، مىسقا - 2،5 پايىز، فەرروقورىتپالارعا - 0،3 پايىزعا جوعارىلاپ، اسىل مەتالدارعا - 2،8 پايىز، اليۋمينييگە - 1،4 پايىزعا تومەندەگەن. سونىمەن قاتار، باعانىڭ قاراقۇمىق جارماسىنا - 5،6 پايىز، قارا بيداي ۇنىنا - 4،9 پايىز، مال ەتىنە - 2،5 پايىز، قۇس ەتىنە - 2،4 پايىز، وسىمدىك مايىنا - 2 پايىزعا، ٴسۇت ونىمدەرىنە جانە قانتقا - 0،7 پايىزدان، بالىققا - 0،6 پايىزعا تومەندەۋى تىركەلدى»، - دەلىنگەن ٴباسپاسوز بايانىندا.
ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!
5014
0