استانا: 
615 
0
استانا. 30 جەلتوقسان. baq.kz – قر ۇلتتىق ەكونوميكا ٴمينيسترى كاسىپكەرلىك قىزمەت ٴۇشىن جاعدايدى جاقسارتۋ ماقساتىندا 2015 جىلى حالىقتىڭ سانيتاريالىق-ەپيدەميولوگيالىق سالاۋاتتىلىعى سالاسىندا تەكسەرىس جۇرگىزۋ ٴتارتىبىن ايقىندايتىن بۇيرىققا قول قويىلدى، - دەپ حابارلايدى قازاقستان رەسپۋبليكاسى ۇلتتىق ەكونوميكا مينيسترلىگىنىڭ باسپاسوز-قىزمەتى.
بۇيرىقتا 2015 جىلعى ٴبىرىنشى جارتىجىلدىقتا كاسىپكەرلىك سۋبەكتىلەردى جوسپارلى تۇردە تەكسەرۋدەن بوساتۋ كوزدەلگەن.
تۇتىنۋشىلار سۋبەكتىلەرىنە جاتپايتىن وبەكتىلەردى تەكسەرۋ جوسپارلى تۇردە جۇرگىزىلەتىن بولادى. نەگىزىنەن بۇل – مەملەكەتتىك ٴبىلىم بەرۋ جانە دەنساۋلىق ساقتاۋ سالاسىنداعى مەملەكەتتىك وبەكتىلەر.
جوسپارلى تەكسەرىستەردەن باسقا:
- وتىنىشتەر (ارىزدار) بويىنشا;
- ينفەكسيالىق اۋرۋلار بويىنشا ەپيدەميولوگيالىق احۋالدىڭ اسقىنۋى كەزىندە;
- بۇرىن بەرىلگەن ۇيعارىمداردى تەكسەرۋ بويىنشا جوسپاردان تىس تەكسەرۋلەر جۇرگىزىلەتىن بولادى.
مۇنداي جاعدايدا جوسپاردان تىس تەكسەرۋلەر سونداي-اق كاسىپكەرلىك سۋبەكتىلەرگە دە قاتىستى بولادى.
بۇدان باسقا، تۇتىنۋشىلاردىڭ قۇقىقتارىن قورعاۋ ورگاندارى رۇقسات بەرۋ قۇجاتتارىن (وبەكتىلەرگە، جوبالارعا، ونىمدەرگە، كورسەتىلەتىن قىزمەتتەرگە بەرىلەتىن سانيتاريالىق-ەپيدەميولوگيالىق قورىتىندىلار) بەرۋ كەزىندە جانە ٴۇي وشاقتارىندا (باقىلاۋ وبەكتىلەرىنىڭ قىزمەتتەرىمەن بايلانىستى ەمەس) ينفەكسيالىق اۋرۋلاردى تىركەۋ كەزىندە جەكە جانە زاڭدى تۇلعالاردىڭ وتىنىشتەرى بويىنشا جۇرگىزىلەتىن باقىلاۋدىڭ وزگە دە نىساندارىن جۇزەگە اسىراتىن بولادى.
كاسىپكەرلىك قىزمەت ٴۇشىن جاعدايلاردى تۇبەگەيلى جاقسارتۋ ماسەلەلەرى بويىنشا زاڭنىڭ قابىلدانۋىمەن تەكسەرۋلەر وبەكتىلەردىڭ تاۋەكەلدەر دارەجەسىن باعالاۋ كريتەرييلەرىن ەنگىزۋ نەگىزىندە جۇرگىزىلەتىن بولادى.
2015 جىلى تەكسەرۋ جۇرگىزۋدىڭ بالامالى نىساندارىن:
1) سانيتاريالىق-ەپيدەميولوگيالىق ٴاۋديتتى – حالىقتىڭ سانەپيدەميالىق سالاۋاتتىلىعى سالاسىنداعى زاڭناما تالاپتارىن ساقتاۋدىڭ تاۋەلسىز ٴاۋديتى;
2) وندىرىستىك باقىلاۋدى ەنگىزۋ – حاسسپ جۇيەسىن ەنگىزۋ جوسپارلانىپ وتىر.
سۋبەكتىلەردىڭ تەكسەرۋلەردىڭ اتالعان بالامالى نىساندارىن باقىلاۋدى قابىلداۋى تۇتىنۋشىلاردىڭ قۇقىقتارىن قورعاۋ ورگاندارى تاراپىنان تەكسەرۋدى بولدىرماۋعا مۇمكىندىك بەرەدى.
وسىلايشا، 2015 جىلعى ەكىنشى جارتىجىلدىققا تەكسەرۋ جۇرگىزۋ كەستەسىن قۇرعانعا دەيىن باقىلاۋ سۋبەكتىلەرىندە اتالعان ىنتالاندىراتىن كومپونەنتتەردى ەنگىزۋ مۇمكىندىگى بار.
ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!
5013
0