استانا: 
544 
0
استانا. 5 قاڭتار. baq.kz - 2015 جىلعى 1 قاڭتاردان باستاپ قازاقستاندىقتاردىڭ زەينەتاقى مولشەرى 9%-عا كوبەيدى. بۇل ماقساتقا رەسپۋبليكالىق بيۋدجەتتە 1 168،7 ملرد. تەڭگە قاراستىرىلعان دەپ حابارلايدى قر دەنساۋلىق ساقتاۋ جانە الەۋمەتتىك دامۋ مينيسترلىگىنىڭ ٴباسپاسوز قىزمەتى .
زاڭناماعا سايكەس، زەينەتاقى تولەمدەرىنىڭ مولشەرى جىل سايىن ينفلياسيا دەڭگەيىنەن 2%-عا وزا وتىرىپ، قايتا ەسەپتەلەدى. 2015 جىلى ينفلياسيا دەڭگەيى 6-8% شاماسىندا، ال ورتا مەرزىمدى كەزەڭدە 5-7% دەيىن تومەندەۋى بولجانىپ وتىر. تيىسىنشە، زەينەتاقى 9% ارتادى (7% - ينفلياسيانىڭ ورتا دەڭگەيى جانە 2% - وزۋى).
بازالىق زەينەتاقى تولەمىن ەسەپكە الا وتىرىپ، زەينەتاقىنىڭ ورتاشا مولشەرى 50 549 تەڭگەنى قۇرايدى (زەينەتاقى تولەمىنىڭ مولشەرى – 39 367 تەڭگە، بازالىق زەينەتاقى تولەمىنىڭ مولشەرى - 11 182 تەڭگە). زەينەتاقىنىڭ ەڭ تومەنگى مولشەرى، بازالىق زەينەتاقى تولەمىن ەسەپكە الا وتىرىپ، 34 874 تەڭگەنى قۇرايدى.
2014 جىلى رەسپۋبليكالىق بيۋدجەتتەن زەينەتاقى تولەمدەرىنە (سونىڭ ىشىندە بازالىق زەينەتاقى تولەمدەرىنە) 1 053،5 ملرد. تەڭگە بولىنگەن بولاتىن.
2014 جىلعى 1 جەلتوقسانداعى جاعداي بويىنشا زەينەتاقى تولەمىنىڭ مولشەرى: زەينەتاقىنىڭ ەڭ جوعارى مولشەرى، بازالىق زەينەتاقى تولەمىن ەسەپكە الا وتىرىپ، 67 399 تەڭگەنى قۇراعان بولاتىن (زەينەتاقى تولەمىنىڭ مولشەرى - 56 949 تەڭگە، بازالىق زەينەتاقى تولەمىنىڭ مولشەرى - 10 450 تەڭگە); ورتا مولشەرى، بازالىق زەينەتاقى تولەمىن ەسەپكە الا وتىرىپ، 46 675 تەڭگە (زەينەتاقى تولەمىنىڭ مولشەرى – 36 225 تەڭگە، بازالىق زەينەتاقى تولەمىنىڭ مولشەرى - 10 450 تەڭگە); ەڭ تومەنگى مولشەرى، بازالىق زەينەتاقى تولەمىن ەسەپكە الا وتىرىپ، 32 186 تەڭگە (زەينەتاقى تولەمىنىڭ مولشەرى – 21 736 تەڭگە، بازالىق زەينەتاقى تولەمىنىڭ مولشەرى - 10 450 تەڭگە).
قازاقستان رەسپۋبليكاسىندا 2014 جىلعى 1 جەلتوقسانداعى جاعداي بويىنشا جاسىنا قاراي زەينەتاقى الۋشىلاردىڭ جالپى سانى 1 909 597 ادامدى قۇرايدى.
ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!
5007
0