BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ۇزدىك وتىزدىققا اپارار «100 ناقتى قادام»

استانا. 20 مامىر. baq.kz – «100 ناقتى قادام» - قازاقستان رەسپۋبليكاسىنىڭ دامىعان مەملەكەتتەردىڭ وتىزدىعىنا كىرۋ جونىندەگى جوسپارى.

 

«100 ناقتى قادام» – بۇل جاھاندىق جانە ىشكى سىن-قاتەرلەرگە جاۋاپ جانە سونىمەن ٴبىر مەزگىلدە، جاڭا تاريحي جاعدايلاردا ۇلتتىڭ دامىعان مەملەكەتتەردىڭ وتىزدىعىنا كىرۋى جونىندەگى جوسپارى.

«100 ناقتى قادام» ەلىمىزگە «2050-ستراتەگياسىن» جۇزەگە اسىرۋ مەن قازاقستان

مەملەكەتتىلىگىن نىعايتۋعا، جولدان اداسپاۋعا، كۇردەلى كەزەڭنەن سەنىمدى وتۋگە جاعداي تۋعىزاتىن بەرىكتىك قورىن جاساپ بەرەتىن بولادى.

جوسپاردىڭ نەگىزگى ماقساتى «اۋرۋلاردىڭ سىرتقى بەلگىلەرىن» سىلاپ-سيپاپ قويۋ ەمەس، ولاردى «جۇيەلى ەمدەۋ» بولىپ تابىلاتىن قوعام مەن مەملەكەتتى تۇبەگەيلى قايتا وزگەرتۋگە نەگىز قالايدى.

ٴى. كاسىبي مەملەكەتتىك اپپارات قۇرۋ

1-قادام. مەملەكەتتىك قىزمەتكە قابىلداۋ رەسىمدەرىن جاڭعىرتۋ. مەملەكەتتىك قىزمەتكە قابىلداۋ تومەنگى لاۋازىمداردان باستالۋى ٴتيىس.

2-قادام. تومەنگى لاۋازىمدارعا كانديداتتاردى رەتتەۋ جانە ودان ٴارى لاۋازىمدىق ٴوسۋ ىسكەرلىك قاسيەتتەر نەگىزىندە جۇزەگە اسىرىلۋى ٴتيىس.

3-قادام. قازاقستان رەسپۋبليكاسىنىڭ مەملەكەتتىك قىزمەت جانە جەمقورلىققا قارسى ٴىس-قيمىل اگەنتتىگىنىڭ ٴرولىن ارتتىرۋ ەسەبىنەن مەملەكەتتىك قىزمەتكە العاش رەت قابىلدانۋشىلاردى ىرىكتەۋ رەسىمىن ورتالىقتاندىرۋ. ٴۇش ساتىلى ىرىكتەۋ جۇيەسىن ەنگىزۋ.

4-قادام. 3+3 فورمۋلاسى بويىنشا مەملەكەتتىك قىزمەتكە ٴبىرىنشى رەت قابىلدانۋشىلار ٴۇشىن مىندەتتى تۇردە سىناق مەرزىمى (تيىسىنشە ٴۇش ايدان كەيىن جانە التى ايدان كەيىن سايكەستىلىكتى مەجەلىك باقىلاۋ).

5-قادام. مەملەكەتتىك قىزمەتكەرلەردىڭ جالاقىسىن قىزمەتىنىڭ ناتيجەسىنە بايلانىستى ٴوسىرۋ.

6-قادام. ەڭبەكاقىنى ناتيجە بويىنشا تولەۋگە كوشۋ. مەملەكەتتىك قىزمەتكەرلەر ٴۇشىن – جەكە جىلدىق جوسپارلاردى ورىنداۋ; مەملەكەتتىك ورگاندار ٴۇشىن – ستراتەگيالىق جوسپارلاردى ورىنداۋ; مينيسترلەر جانە اكىمدەر ٴۇشىن – مەملەكەتتىك قىزمەت ساپاسىنىڭ ارناۋلى ينديكاتورلارى، ٴومىر ساپاسى، ينۆەستيسيا تارتۋ; ۇكىمەت مۇشەلەرى ٴۇشىن – ينتەگرالدىق ماكروەكونوميكالىق ينديكاتورلار.

7-قادام. مەملەكەتتىك قىزمەتكەرلەردىڭ لاۋازىمدىق ەڭبەكاقىلارىنا وڭىرلىك ۇيلەستىرۋ كوەففيسيەنتتەرىن قوسۋ

8-قادام. اۋىستىرىلاتىن مەملەكەتتىك قىزمەتكەرلەرگە لاۋازىمدىق مىندەتتەرىن اتقارۋ كەزەڭىندە ولارعا جەكەشەلەندىرۋ قۇقىعىنسىز قىزمەتتىك پاتەرلەردى مىندەتتى تۇردە بەرۋ.

9-قادام. مەملەكەتتىك قىزمەتكەرلەردى تۇراقتى تۇردە وقىتۋ جۇيەسىن زاڭدى تۇردە بەكىتۋ – ٴۇش جىلدا ٴبىر رەت ولاردىڭ كاسىبي شەبەرلىگىن ارتتىرۋ.

10-قادام. مەملەكەتتىك قىزمەتكەرلەردى مانساپتىق جوعارىلاتۋ ٴۇشىن كونكۋرستىق نەگىزگە كوشۋ. «ب» كورپۋسىنىڭ جوعارى لاۋازىمدارىنا جىلجىتۋ تومەنگى لاۋازىمداعى مەملەكەتتىك قىزمەتكەرلەر قاتارىنان تەك قانا كونكۋرستىق نەگىزدە جىلجىتۋ ەسەبىنەن مەريتوكراتيا قاعيداتىن نىعايتۋ.

11-قادام. شەتەلدىك مەنەدجەرلەردى، جەكەمەنشىك سەكتوردىڭ جەكەلەگەن ماماندارىن، حالىقارالىق ۇيىمداردىڭ قىزمەتكەرلەرى بولىپ تابىلاتىن قازاقستان رەسپۋبليكاسىنىڭ ازاماتتارىن مەملەكەتتىك قىزمەتكە جىبەرۋ. ولاردى تاعايىنداۋ ەرەكشە تالاپتار جانە لاۋازىمداردىڭ جەكە كەستەسى بويىنشا جۇزەگە اسىرىلۋى مۇمكىن. بۇل قادام مەملەكەتتىك قىزمەتتى اشىق جانە باسەكەگە قابىلەتتى جۇيە ەتەدى.

12-قادام. جاڭا ەتيكالىق ەرەجەلەردى ەنگىزۋ. مەملەكەتتىك قىزمەتتىڭ جاڭا ەتيكالىق كودەكسىن جاساۋ. ەتيكا ماسەلەلەرى جونىندەگى ۋاكىلەتتى وكىل لاۋازىمىن ەنگىزۋ.

13-قادام. جەمقورلىققا قارسى كۇرەستى كۇشەيتۋ، سونىمەن بىرگە، جاڭا زاڭنامالار ازىرلەي وتىرىپ، مەملەكەتتىك قىزمەت ىستەرى جانە جەمقورلىققا قارسى ٴىس-قيمىل اگەنتتىگىنىڭ قۇرىلىمىندا جەمقورلىق قۇقىق بۇزۋشىلىقتىڭ جۇيەلى تۇردە الدىن الۋ جانە ساۋىقتىرۋ ٴۇشىن جەمقورلىققا قارسى ارنايى ٴبولىم قۇرۋ.

14-قادام. بارلىق مەملەكەتتىك ورگاندارعا، ونىڭ ىشىندە قۇقىق قورعاۋ ورگاندارىنىڭ بارلىق قىزمەتكەرلەرىنە قاتىستى مەملەكەتتىك قىزمەت تۋرالى جاڭا زاڭ قابىلداۋ.

15-قادام. مەملەكەتتىك قىزمەت تۋرالى جاڭا زاڭ قابىلدانعاننان كەيىن ٴىس باسىنداعى مەملەكەتتىك قىزمەتكەرلەردى كەشەندى اتتەستاتتاۋدان وتكىزۋ، كاسىبي تالاپتاردى كۇشەيتۋ جانە ەڭبەكاقى تولەۋدىڭ جاڭا جۇيەسىن ەنگىزۋ.

ii. زاڭنىڭ ۇستەمدىگىن قامتاماسىز ەتۋ

16-قادام. ازاماتتاردىڭ سوت تورەلىگىنە قولجەتىمدىلىگىن جەڭىلدەتۋ ٴۇشىن سوت جۇيەسى ينستانسيالارىن وڭتايلاندىرۋ. بەس ساتىلى سوت جۇيەسىنەن (ٴبىرىنشى، اپەللياسيالىق، كاسساسيالىق، قاداعالاۋ جانە قايتا قاداعالاۋ جاساۋ) ٴۇش ساتىلى (ٴبىرىنشى، اپەللياسيالىق، كاسساسيالىق) سوت تورەلىگى جۇيەسىنە كوشۋ.

17-قادام. سۋديا لاۋازىمىنا كانديداتتاردى ىرىكتەۋ تەتىكتەرىن كوبەيتۋ جانە بىلىكتىلىك تالاپتارىن قاتايتۋ. مىندەتتى تۇردەگى تالاپ – سوت ىستەرىن جۇرگىزۋگە قاتىسۋدىڭ 5 جىلدىق ٴوتىلى. كاسىبي داعدىسى مەن ىسكەرلىگىن تەكسەرۋ ٴۇشىن احۋالدىق تەستىلەر جۇيەسىن ەنگىزۋ. سۋديالىققا ۇمىتكەرلەر سوتتاردا ستيپەنديا تولەنەتىن ٴبىر جىلدىق تاعىلىمدامادان وتەدى. ٴبىر جىلدىق تاعىلىمدامادان كەيىن سۋديا ٴبىر جىلدىق سىناق مەرزىمىنەن وتەدى.

18-قادام. وقۋدى جانە سوت تاجىريبەسى اراسىنداعى ٴوزارا بايلانىستى كۇشەيتۋ ٴۇشىن سوت تورەلىگى ينستيتۋتى مەملەكەتتىك باسقارۋ اكادەمياسىنىڭ قۇرىلىمىنان ٴبولىنۋى كەرەك. اتالمىش ينستيتۋت جوعارعى سوتتىڭ جانىندا جۇمىس ىستەپ، قىزمەت بابىنداعى سۋديالاردىڭ بىلىكتىلىگىن تۇراقتى تۇردە ارتتىرۋدى قامتاماسىز ەتەتىن بولادى.

19-قادام. سۋديالاردىڭ ەسەپ بەرۋ ٴتارتىبىن كۇشەيتۋ. سۋديالاردىڭ جاڭا ەتيكالىق كودەكسىن جاساۋ، سونىڭ نەگىزىندە ازاماتتار سۋديالاردىڭ ارەكەتتەرى بويىنشا ەلىمىزدىڭ جوعارعى سوتىنىڭ جانىنان قۇرىلعان ارنايى سوت القاسىنا شاعىمدانا الاتىن بولۋى كەرەك.

20-قادام. بارلىق سوت پروسەستەرىنە بەينە جانە تاسپاعا جازۋ شارالارىن مىندەتتى تۇردە ەنگىزۋ. سۋديانىڭ بەينە جازۋدى توقتاتۋعا نەمەسە اۋديو جازۋ ماتەريالدارىن رەداكسيالاۋعا مۇمكىندىگى بولماۋى ٴتيىس.

21-قادام. القا بيلەر سوتى قولدانىلاتىن سالالاردى كەڭەيتۋ. زاڭدى تۇردە القا بيلەر سوتى مىندەتتى تۇردە قاتىستىرىلاتىن قىلمىستىق ىستەردىڭ كاتەگوريالارىن انىقتاۋ قاجەت.

22-قادام. ادامنىڭ جانە ازاماتتاردىڭ كونستيتۋسيالىق قۇقىن شەكتەيتىن بارلىق تەرگەۋ قىزمەتى جونىندەگى وكىلەتتىلىكتى تەرگەۋ سۋدياسىنا بىرتىندەپ بەرۋدى قامتاماسىز ەتۋ ارقىلى سوتتا ايىپتالۋشى جانە قورعاۋشى اراسىنداعى تەڭگەرىمدى قامتاماسىز ەتۋ.

23-قادام. ينۆەستيسيالىق داۋلار بويىنشا جەكە سوت ىستەرىن جۇرگىزۋدى قۇرۋ. جوعارعى سوتتا ٴىرى ينۆەستورلار قاتىساتىن داۋلاردى قاراۋ ٴۇشىن ينۆەستيسيالىق القانى ۇيىمداستىرۋ.

24-قادام. دۋباي تاجىريبەسى بويىنشا استانا قالاسىندا aifc حالىقارالىق اربيتراجدىق ورتالىعىن قۇرۋ.

25-قادام. شەتەلدىك جانە حالىقارالىق سوتتاردىڭ ۇزدىك ستاندارتتارى بويىنشا سوت ىستەرىن جۇرگىزۋدى قامتاماسىز ەتۋ ٴۇشىن جوعارعى سوت جانىنان بەدەلدى شەتەلدىك سۋديالار مەن زاڭگەرلەر قاتىساتىن حالىقارالىق كەڭەس قۇرۋ. كەڭەس قازاقستاندىق سوت جۇيەسىن جەتىلدىرۋ ماسەلەلەرى بويىنشا جوعارعى سوتقا كەڭەس بەرىپ وتىرادى.

26-قادام. سوت رەسىمدەرىن وڭايلاتۋ جانە سوت پروسەستەرىن جەدەلدەتۋ ٴۇشىن ازاماتتىق-قۇقىقتىق داۋلار جونىندەگى سوتتارعا پروكۋروردىڭ قاتىسۋىن قىسقارتۋ. ازاماتتىق ٴىس جۇرگىزۋ كودەكسىنە ٴتيىستى وزگەرتۋلەر ەنگىزۋ.

27-قادام. جەكەمەنشىك سوت ورىنداۋشىلار ينستيتۋتىن ودان ٴارى دامىتۋ. سوت ورىنداۋشىلارىنىڭ مەملەكەتتىك قىزمەتىن بىرتىندەپ قىسقارتۋ.

28-قادام. پوليسيا قىزمەتكەرلەرىن ىسكەرلىك قابىلەتتەرى نەگىزىندە ىرىكتەۋ جۇيەسىن جاقسارتۋ كاسىبي داعدىلارىن جانە جەكە تۇلعالىق قاسيەتتەرىن تەكسەرۋ ٴۇشىن ٴىس باسىنداعى پوليسيا قىزمەتكەرلەرىن جانە قىزمەتكەرلىككە كانديداتتاردى تەستىلەۋدىڭ ارنايى جۇيەسىن ەنگىزۋ.

29-قادام. قۇقىق قورعاۋ ورگاندارىنىڭ قىزمەتكەرلەرىن مەملەكەتتىك قىزمەت جۇيەسىنە قوسۋ. ٴاربىر قۇقىق قورعاۋ قىزمەتىنىڭ ۆەدومستۆولىق ەرەكشەلىكتەرىنە سايكەس ٴبىرىڭعاي قىزمەت ەتۋ ەرەجەسىن ەنگىزۋ.

30-قادام. جەرگىلىكتى اتقارۋشى ورگاندارعا جانە جەرگىلىكتى قوعامداستىققا ەسەپ بەرەتىن جەرگىلىكتى پوليسيا قىزمەتىن قۇرۋ. جەرگىلىكتى پوليسيا قىزمەتىنىڭ وكىلەتتىلىگى: قوعامدىق ٴتارتىپتى قورعاۋ ماسەلەلەرى، تۇرمىستىق قىلمىسقا قارسى تۇرۋ، جول-باقىلاۋ قىزمەتى، ۇساق قۇقىق بۇزۋشىلىققا اتىمەن توزبەۋشىلىك. جول-باقىلاۋ پوليسياسىنىڭ قىزمەتكەرلەرى پوليسيا قىزمەتكەرلەرىنىڭ جۇمىس اۋىسىمى كەزىندە اتقارعان ٴىسىنىڭ بارلىعىن جازىپ وتىراتىن بەينەتىركەگىشتەرمەن قامتاماسىز ەتىلەدى.

31-قادام. ەتيكالىق نورمالاردى بۇزۋعا جول بەرەتىن پوليسەيلەردىڭ ىس-ارەكەتتەرىنە شاعىمدانعان ازاماتتاردىڭ ارىزىن قاراۋ جونىندەگى قوعامدىق كەڭەس جۇيەسىن قۇرۋ ارقىلى پوليسيانىڭ اشىقتىعىن قامتاماسىز ەتۋ. قوعامدىق كەڭەستەردىڭ مارتەبەسىمەن وكىلەتتىلىگى زاڭدى تۇردە بەكىتىلەتىن بولادى.

32-قادام. «قىلمىستىق قۇقىق بۇزۋ كارتاسى» ۇلتتىق اقپاراتتىق جۇيەسى نەگىزىندە «قىلمىستىق قۇقىق بۇزۋ كارتاسى» ينتەرنەت-پورتالىن قۇرۋ. بۇل كارتادا ەلىمىزدە 1 اپتادان ٴارى كەتپەيتىن مەرزىمدە جاسالعان بارلىق قىلمىستىق قۇقىق بۇزۋشىلىق تىركەلەتىن بولادى. بۇل قوعامعا ىشكى ىستەر ورگاندارى جۇمىسىنىڭ تيىمدىلىگىن باقىلاۋعا مۇمكىندىك بەرەدى.

33-قادام. باس بوستاندىعىنان ايىرۋ ورنىنان بوساعان جانە سىناقتان ٴوتۋ قىزمەتىنە تىركەلگەن ازاماتتاردى الەۋمەتتىك وڭالتۋدىڭ ٴتيىمدى جۇيەسىن قالىپقا كەلتىرۋ. وسىنداي ازاماتتار ٴۇشىن ارناۋلى الەۋمەتتىك قىزمەت ستاندارتتارىن جانە الەۋمەتتىك وڭالتۋدىڭ كەشەندى ستراتەگياسىن جاساۋ.

34-قادام. مەملەكەت-جەكەمەنشىك سەرىكتەستىگىن دامىتۋ شەڭبەرىندە پەنيتەنسيارلىق ينفراقۇرىلىمدى جاڭعىرتۋ. پەنيتەنسيارلىق مەكەمەلەردى سالۋعا، ۇستاۋعا جانە باسقارۋعا جەكەمەنشىك سەكتوردى تارتۋ جونىندە ۇسىنىستاردى ەكشەۋ جانە حالىقارالىق تاجىريبەنى زەرتتەۋ.

ٴىىى. يندۋستريالاندىرۋ جəنە ەكونوميكالىق ٴوسىم

35-قادام. اۋىلشارۋاشىلىق جەرلەرىن ٴتيىمدى پايدالانۋ ماقساتىمەن ولاردى نارىقتىق اينالىمعا ەنگىزۋ. جەر كودەكسىنە جانە باسقا دا زاڭ اكتىلەرىنە وزگەرىستەر ەنگىزۋ.

36-قادام. جەر تەلىمدەرىن ماقساتتى پايدالانۋ ٴتۇرىن وزگەرتۋگە رۇقسات الۋ رەسىمدەرىن جەڭىلدەتۋ. اۋىلشارۋاشىلىق جەرلەرىن پايدالانۋعا تۇراقتى تۇردە مونيتورينگ جۇرگىزۋ. بارلىق پايدالانىلماي جاتقان جەردى الداعى ۋاقىتتا جەكەشەلەندىرۋ ٴۇشىن مەملەكەتتىك قورعا بەرۋ.

37-قادام. سالىق جانە كەدەن ساياساتىن جانە رەسىمدەرىن وڭتايلاندىرۋ. تن سەق 6 بەلگىسىندەگى بىركەلكى تاۋارلار توبى شەڭبەرىندە «0-5-12» مودەلى بويىنشا ٴبىرىڭعاي كەدەن ٴتاريفى كەدەندىك مولشەرلەمەسىن قىسقارتۋ.

38-قادام. ەكسپورتتىق جانە يمپورتتىق كەدەن راسىمدەرىنەن ٴوتۋ كەزىندە «ٴبىر تەرەزە» قاعيداتىن ەنگىزۋ. ەلەكتروندى جاريا ەتۋ جۇيەسىن دامىتۋ (تاۋارلاردى كەدەندىك تازالاۋعا اۆتوماتتاندىرىلعان جۇيەنى ەنگىزۋ). ەكسپورت جانە يمپورت ٴۇشىن قۇجاتتار سانىن جانە ولاردى وڭدەۋ ۋاقىتىن قىسقارتۋ.

39-قادام. كەدەن جانە سالىق جۇيەلەرىن ينتەگراسيالاۋ. تاۋار سالىق سالۋ ماقساتىندا قازاقستان اۋماعىنا كىرگەن كەزەڭنەن باستاپ ونى ساتقانعا دەيىن باقىلاۋعا الىنادى.

40-قادام. «پوستفاكتۋم» كەدەندىك تازالاۋ رەجىمىن ەنگىزۋ. سىرتقى ەكونوميكالىق قىزمەتكە قاتىسۋشى جەكەلەگەن ساناتتارعا تاۋارلارىن جاريا ەتكەنشە تاۋارلارىن شىعارۋعا مۇمكىندىك بەرۋ.

41-قادام. مۇلىكتى جانە قارجىنى زاڭداستىرۋ رەسىمدەرىن وڭايلاتۋ. قولدانىستاعى زاڭعا وزگەرتۋلەر جانە تولىقتىرۋلار ەنگىزۋ.

42-قادام. 2017 جىلدىڭ 1 قاڭتارىنان مەملەكەتتىك قىزمەتكەرلەر ٴۇشىن، ودان ٴارى بارلىق ازاماتتار ٴۇشىن كىرىستى جانە شىعىستى جالپى جاريالاۋدى كەزەڭ-كەزەڭمەن ەنگىزۋ.

43-قادام. سالىق دەكلاراسيالارىن قابىلداۋ جانە وڭدەۋدىڭ ورتالىق جەلىسىن قۇرۋ. ورتالىق سالىق تولەۋشىلەردىڭ ەلەكتروندى قۇجاتتارىنىڭ ٴبىرىڭعاي مۇراعاتىنا كىرۋ مۇمكىندىگىنە يە بولادى. تاۋەكەلدەردى باسقارۋ جۇيەسىن ەنگىزۋ. دەكلارانتتار سالىقتى باقىلاۋ بويىنشا شەشىم قابىلداۋ ٴۇشىن تاۋەكەل ساناتتارىنا بولىنەتىن بولادى. جاريالاۋدى ٴبىرىنشى رەت تاپسىرعان جەكە تۇلعالار ٴۇش جىل مەرزىمدە قايتا تەكسەرىستەن وتپەيتىن بولادى.

44-قادام. جاناما سالىق سالۋ تەتىكتەرىن جەتىلدىرۋ. قوسىمشا قۇن سالىعىنىڭ ورنىنا ساتۋدان سالىق الۋدى ەنگىزۋ ماسەلەسىن جان-جاقتى زەرتتەۋ.

45-قادام. كىرىسكە جانە شىعىسقا سالىق ەسەبىن مىندەتتى تۇردە ەنگىزۋ ارقىلى قولدانىستاعى سالىق رەجىمىن وڭتايلاندىرۋ.

46-قادام. رۇقسات الۋدى وڭتايلاندىرۋ. قۇرىلىسقا رۇقسات الۋدىڭ ٴۇش ساتىلى («30-20-10») قاعيداتى ەنگىزىلەدى. ٴبىرىنشى ساتى – ارحيتەكتۋرالىق جوبالاۋ تاپسىرماسىن بەرۋ ٴوتىنىش بەرىلگەن كۇننەن كەيىن 30 كۇن ىشىندە جۇزەگە اسىرىلادى. ەكىنشى – ەسكيز جوبانى (ديزاين-جوبانى) ماقۇلداۋ – 20 كۇنگە دەيىن، ٴۇشىنشى – رۇقساتتىڭ ٴوزى – 10 كۇن ىشىندە.

47-قادام. جوبالاۋ-سمەتالىق جانە جوبالاۋ قۇجاتتارىن ساراپتامادان وتكىزۋگە بايلانىستى مەملەكەتتىك مونوپوليادان بىرتىندەپ باس تارتۋ. جوبالاردى ساراپتاۋدى باسەكەلەستى ورتاعا تاپسىرۋ.

48-قادام. قۇرىلىستىڭ سمەتالىق قۇنىن انىقتاۋدىڭ رەسۋرستىق ٴادىسىن ەنگىزۋ. قۇرىلىستا باعا قالىپتاستىرۋدىڭ جاڭا ٴادىسىن ەنگىزۋ ماتەريالداردىڭ، بۇيىمداردىڭ، جابدىقتاردىڭ جانە ەڭبەكاقىنىڭ قولدانىستاعى باعاعا سايكەس ناقتى نارىقتىق باعاسىنا بايلانىستى قۇرىلىستىڭ سمەتالىق قۇنىن انىقتاۋعا مۇمكىندىك بەرەدى، سونىمەن بىرگە جاڭا ماتەريالدارمەن، جابدىقتارمەن جانە تەحنولوگيامەن سمەتالىق-نورماتيۆتىك بازانى جەدەل جاڭارتۋدى قامتاماسىز ەتەدى.

49-قادام. كەڭەستىك كەزەڭنەن بەرى قولدانىلىپ كەلە جاتقان قۇرىلىستىڭ ەسكىرگەن نورمالارى مەن ەرەجەلەرىنىڭ ورنىنا ەۋروكودتار جۇيەسىن ەنگىزۋ. جاڭا نورماتيۆتەردى قابىلداۋ يننوۆاسيالىق تەحنولوگيالار مەن ماتەريالداردى قولدانۋعا، قۇرىلىس قىزمەتى نارىعىنداعى قازاقستاندىق مامانداردىڭ باسەكەگە قابىلەتتىلىگىن ارتتىرۋعا، سونىمەن بىرگە قۇرىلىس سالاسىنداعى شەتەلدىك قىزمەت نارىعىنا قازاقستاندىق كومپانيالاردىڭ شىعۋىنا مۇمكىندىك بەرەدى.

50-قادام. ەلەكتر ەنەرگەتيكاسى سالاسىن قايتادان قۇرۋ، «ٴبىرىڭعاي ساتىپ الۋشى» مودەلىن ەنگىزۋ. بۇل وڭىرلەر اراسىنداعى ەلەكتر ەنەرگياسىنىڭ ٴارتۇرلى تاريفتەرىن رەتتەۋگە مۇمكىندىك بەرەدى.

51-قادام. وڭىرلىك ەنەرگەتيكالىق كومپانيالاردى (وەك) ىرىلەندىرۋ. بۇل ەنەرگيامەن قامتاماسىز ەتۋدىڭ سەنىمدىلىگىن ارتتىرادى، وڭىرلەرگە ەلەكتر ەنەرگياسىن تاراتۋدىڭ شىعىنىن تومەندەتەدى، تۇتىنۋشىلار ٴۇشىن ەلەكتر ەنەرگياسىنىڭ اقىسىن ازايتادى.

52-قادام. ەلەكتر ەنەرگەتيكاسى سەكتورىندا سالاعا ينۆەستيسيا تارتۋدى ىنتالاندىراتىن جاڭا تاريف ساياساتىن ەنگىزۋ. تاريف قۇرىلىمىن وزگەرتۋ. تاريفتەردە 2 قۇراۋىش ەرەكشەلەنەدى: كۇردەلى شىعىنداردى قارجىلاندىرۋ جانە ەلەكتر ەنەرگياسى ٴوندىرىسىنىڭ اۋىسپالى شىعىندارىن جابۋ ٴۇشىن پايدالانىلاتىن ەلەكتر ەنەرگياسى ٴۇشىن تولەنەتىن اقى بەلگىلەنەتىن بولادى. بۇل «شىعىندى وتەۋ» ٴادىسى بويىنشا تاريفتەردى بەكىتەتىن قازىرگى احۋالدى وزگەرتۋگە مۇمكىندىك بەرەدى.

53-قادام. ەىدۇ ستاندارتتارىنا سايكەستەندىرۋ ماقساتتارىندا مونوپوليامەن قىزمەت جۇمىسىنىڭ تۇجىرىمدارىن وزگەرتۋ. قىزمەتتى جاڭعىرتۋ ەركىن باسەكەلەستى دامىتۋعا باعىتتالۋعا ٴتيىس.

54-قادام. كاسىپكەرلەردىڭ مۇددەلەرىن قورعاۋ ٴۇشىن بيزنەس-ومبۋدسمەن ينستيتۋتىن نىعايتۋ. جاڭا ينستيتۋتتىڭ قۇرامىنا بيزنەستىڭ جانە ۇلتتىق كاسىپكەرلەر پالاتاسىنىڭ وكىلدەرى كىرەدى.

55-قادام. قازاقستاننىڭ الەمدىك نارىققا شىعۋى جانە ەكسپورت تاۋارلارى ٴۇشىن وڭدەۋ ونەركاسىبىنە ەڭ كەمىندە 10 ترانسۇلتتىق كومپانيانى تارتۋ. حالىقارالىق ەكونوميكالىق نىسانداردىڭ جاڭا مۇمكىندىكتەرى تۋرالى حالىقارالىق بيزنەستى اقپاراتتاندىرۋ.

56-قادام. ەكونوميكانىڭ باسىم سەكتورلارىندا «زاكىرلىك ينۆەستورلارمەن» – حالىقارالىق ستراتەگيالىق سەرىكتەستەرمەن («ەير استانا»، «تەڭىز-شەۆرويل»، قتج لوكوموتيۆتەرىن شىعارۋ جونىندەگى زاۋىت ۇلگىسى بويىنشا) بىرلەسكەن كاسىپورىندار قۇرۋ. شەتەلدەردەن جوعارى بىلىكتى ماماندار تارتۋ ٴۇشىن اقش، كانادا، اۆستراليا ۇلگىسى بويىنشا قولايلى كوشى-قون رەجىمىن قالىپتاستىرۋ.

57-قادام. تۋريستىك كلاستەرلەر قۇرۋدا ۇزدىك تاجىريبەسى بار ستراتەگيالىق (زاكىرلىك) ينۆەستورلار تارتۋ.

58-قادام. جول-كولىك ينفراقۇرىلىمىن قالىپتاستىرۋ جانە دامىتۋ جونىندە ٴبىرىڭعاي وپەراتور قالىپتاستىرۋ ٴۇشىن ستراتەگيالىق (زاكىرلىك) ينۆەستورلار تارتۋ.

59-قادام. مويىندالعان حالىقارالىق ەنەرگوسەرۆيستىك شارتتار ارقىلى ەنەرگيا ۇنەمدەۋ سالاسىنا ستراتەگيالىق ينۆەستورلار تارتۋ. ولاردىڭ نەگىزگى مىندەتى: جەكە شىعىندارىن وتەي وتىرىپ، ەنەرگيا ۇنەمدەۋ سالاسىندا كەشەندى قىزمەت كورسەتۋ ٴۇشىن جەكەمەنشىك ەنەرگيا سەرۆيستىك كومپانيالاردى دامىتۋدى ىنتالاندىرۋ جانە ٴىس جۇزىندە ەنەرگەتيكالىق شىعىنداردى ۇنەمدەۋدەن قارجىلاي پايدا تابۋ.

60-قادام. ٴسۇت جانە ٴسۇت ونىمدەرى ٴوندىرىسىن دامىتۋ ٴۇشىن ستراتەگيالىق ينۆەستورلار تارتۋ. نەگىزگى مىندەت: ٴۇش جىل مەرزىمدە تمد ەلدەرى نارىعىنا شىعارىلاتىن ونىمدەرىنىڭ جارتىسىنا دەيىنگى ەكسپورتىن قامتاماسىز ەتۋ. جۇمىس سەلودا كووپەراتيۆتىك ٴوندىرىستى دامىتۋ ارقىلى جاڭازەلانديالىق fronterra جانە دانيالىق arla ۇلگىسىمەن ۇيىمداستىرىلدى.

61-قادام. ەت ٴوندىرىسى مەن وڭدەۋدى دامىتۋ ٴۇشىن ستراتەگيالىق

ينۆەستورلاردى تارتۋ. نەگىزگى مىندەت شيكىزات بازاسىن دامىتۋ جانە وڭدەلگەن ونىمدەردى ەكسپورتتاۋ.

62-قادام. ەكونوميكانىڭ شيكىزاتتىق ەمەس سالالارىنداعى ورتا بيزنەستىڭ ناقتى كوشباسشى كومپانيالارىن قولداۋعا باعىتتالعان «ۇلتتىق چەمپيوندار»

بەلسەندىلىگىن جۇزەگە اسىرۋ. بيزنەس-كوشباسشىلاردى ايقىنداۋ نوۋ-حاۋ ترانسفەرى ٴۇشىن بىلىكتىلىك ورتالىقتارىن قۇرۋ مۇمكىندىگىن بەرەدى.

63-قادام. عىلىمدى قاجەت ەتەتىن ەكونوميكانىڭ نەگىزى رەتىندە ەكى يننوۆاسيالىق كلاستەردى دامىتۋ. نازاربايەۆ ۋنيۆەرسيتەتتە «استانا بيزنەس كامپۋستا» عىلىمي ورتالىقتارى مەن زەرتحانالار ورنالاستىرىلادى. ولار بىرلەسكەن عىلىمي-زەرتتەۋ جوبالارىن جانە تاجىريبەلىك-كونسترۋكتورلىق جۇمىستاردى جۇرگىزۋگە، سونداي-اق، ولاردى كوممەرسيالاندىرۋعا قىزمەت ەتەدى. ناقتى وندىرىستىك جوبالاردى جۇزەگە اسىرۋ ٴۇشىن يننوۆاسيالىق تەحنولوگيالار پاركى جەرگىلىكتى جانە شەتەلدىك جوعارى تەحنولوگيالى كومپانيالاردى تارتاتىن بولادى.

64-قادام. وندىرىسكە يننوۆاسيالار ەنگىزۋ جونىندەگى جۇمىستاردى قارجىلاندىرۋ تەتىكتەرى بار «عىلىمي جانە (نەمەسە) عىلىمي تەحنيكالىق قىزمەت ناتيجەلەرىن كوممەرسيالاندىرۋ تۋرالى» زاڭ ازىرلەنەدى. عىلىمي گرانتتار مەن باعدارلامالار قۇرىلىمدارى يندۋستريالىق-يننوۆاسيالىق دامۋ مەملەكەتتىك باعدارلاماسىنىڭ قاجەتتىلىگىنە وراي قايتا باعىتتالادى.

65-قادام. قازاقستاندى حالىقارالىق كولىك-كوممۋنيكاسيالىق اعىمدارعا ينتەگراسيالاۋ. «ەۋرازيالىق ترانسكونتينەن-تالدىق ٴدالىز» مۋلتيمودەلدىك كولىك ٴدالىزىن قۇرۋ جونىندەگى جوبانى ىسكە قوسۋ. ول ازيادان ەۋروپاعا جۇكتەر ٴترانزيتىن كەدەرگىسىز جۇزەگە اسىرۋعا مۇمكىندىك بەرەدى. كولىك ٴدالىزى: ٴبىرىنشى باعىت – قازاقستان اۋماعى ارقىلى رەسەي فەدەراسياسىنا جانە ودان ٴارى ەۋروپاعا وتەدى. ەكىنشى باعىت – قازاقستان اۋماعى ارقىلى قورعاستان اقتاۋ پورتىنا دەيىن، ودان ٴارى كاسپيي تەڭىزى مەن ازەربايجان، سودان سوڭ گرۋزيا ارقىلى. جوباعا بولاشاقتا 2014 جىلدىڭ اياعىندا قۇرىلعان ازيا ينفراقۇرىلىمدىق ينۆەستيسيالار بانكىن تارتۋ.

66-قادام. حالىقارالىق اۆياسيالىق حاب قۇرۋ. ستراتەگيالىق ينۆەستوردى تارتۋ ارقىلى الماتى ىرگەسىنەن الەمدىك ستاندارتقا سايكەس كەلەتىن حالىقارالىق جاڭا اۋەجاي سالىناتىن بولادى.

67-قادام. «ەير استانا» اۋە تاسىمالداۋشى جانە «قتج» ۇلتتىق كومپانيالارىن ٴىرى حالىقارالىق وپەراتور رەتىندە دامىتۋ. «ەير استانا» حالىقارالىق باعىتتارعا ىڭعايلاستىرىلادى جانە الەمنىڭ نەگىزگى قارجى ورتالىقتارىنا (نيۋ-يورك، توكيو، سينگاپۋر) جاڭا باعىتتار اشادى. «ەير استانانىڭ» دامۋى «قتج»-نىڭ بالامالى مارشرۋتتاردى دامىتۋ جونىندەگى جوسپارىمەن ۇيلەستىرىلەدى، بۇل جۇكتەردى جەتكىزۋ قۇنىن ەكى ەسەدەن استام تومەندەتۋگە مۇمكىندىك بەرەدى.

68-قادام. قازاقستان ارقىلى اۋە ٴترانزيتىنىڭ تارتىمدىلىعىن ارتتىرۋ ٴۇشىن اۋە تاسىمالىن مەملەكەتتىك رەتتەۋ تيىمدىلىگىن جاقسارتۋ. ازاماتتىق اۆياسيا كوميتەتىنىڭ قىزمەتى بريتان ازاماتتىق اۆياسياسى مەملەكەتتىك اگەنتتىگىنىڭ جانە ەو اۆياسيا قاۋىپسىزدىگى اگەنتتىگىنىڭ ۇلگىلەرىنە باعدارلاناتىن بولادى.

69-قادام. استانانى زەرتتەۋشىلەردى، ستۋدەنتتەردى، كاسىپكەرلەردى، بارلىق وڭىرلەردەن تۋريستەردى تارتاتىن ەۋرازيانىڭ ىسكەرلىك، مادەني جانە عىلىمي ورتالىعىنا اينالدىرۋ. مۇنىمەن بىرگە قالادا اۋەجايدىڭ جاڭا تەرمينالىن قوسا العاندا، قازىرگى زاماندىق حالىقارالىق كولىكتىك-لوگيستيكالىق جۇيە قۇرىلادى.

70-قادام. astana expo – 2017 ينفراقۇرىلىمدارى ارقاۋىندا ارناۋلى مارتەبە بەرە وتىرىپ، استانا حالىقارالىق قارجى ورتالىعىن (ٴاىعس) قۇرۋ. قارجى ورتالىعىنىڭ ەرەكشە زاڭدى مارتەبەسىن كونستيتۋسيادا بەكىتۋ. ورتالىقتىڭ تمد، سونداي-اق، باتىس جانە ورتالىق ازيانىڭ بارلىق وڭىرلەرىنىڭ ەلدەرى ٴۇشىن قارجى حابى رەتىندە قالىپتاستىرۋ. وزىندىك زاڭدىلىقتارى بار تاۋەلسىز سوت جۇيەسىن قۇرۋ، ول اعىلشىندىق قۇقىق قاعيداتتارىمەن قىزمەت ىستەيتىن بولادى. سۋديالار كورپۋسى شەتەلدىك مامانداردان قۇرىلادى. بولاشاقتا قازاقستاننىڭ قارجى حابى

الەمنىڭ 20 الدىڭعى قاتارلى قارجى ورتالىقتارىنىڭ قاتارىنا ەنۋى ٴتيىس.

71-قادام. قارجى ورتالىعىنىڭ دامۋ ستراتەگياسىن كاپيتال نارىقتارىنا قىزمەت كورسەتۋ جانە يسلامدىق قارجىلاندىرۋ ماماندىعىنا سايكەس ازىرلەۋ. ەليتالىق قارجى قىزمەتىنىڭ جاڭا تۇرلەرىن، سونىڭ ىشىندە private banking اكتيۆتەردى باسقارۋ سالاسىنداعى قىزمەتتەردى دامىتۋ. ورتالىققا ليبەرالدى سالىق رەجىمىن ەنگىزۋ. وفشورلىق قارجىلىق ورتالىق قۇرىلۋى مۇمكىن. دۋبايدىڭ ۇلگىسى بويىنشا ينۆەستيسيالىق رەزيدەنتتىك قاعيداتىن ەنگىزۋ.

72-قادام. قارجى ورتالىعى اۋماعىندا رەسمي ٴتىل رەتىندە اعىلشىن ٴتىلىن ەنگىزۋ. ورتالىقتىڭ دەربەس زاڭدىلىقتارى اعىلشىن تىلىندە جاسالىنۋى جانە قولدانىلۋى ٴتيىس.

73-قادام. قارجى ورتالىعىنىڭ حالىقارالىق كولىكتىك قولجەتىمدىلىگىن قامتاماسىز ەتۋ. قارجى ورتالىعىنىڭ جەتەكشى قارجى ورتالىقتارىمەن جۇيەلى جانە جايلى اۋە قاتىناسى جۇيەسىن قۇرۋ.

74-قادام. پايدالى قازبالار قورى جونىندە ەسەپ بەرۋدىڭ crirsco حالىقارالىق ستاندارتتار جۇيەسىن ەنگىزۋ ارقىلى جەر قويناۋلارىن پايدالانۋ سالاسىنىڭ مولدىرلىگى مەن بولجامدىلىعىن ارتتىرۋ.

75-قادام. پايدالى قازبالاردىڭ بارلىق تۇرلەرى ٴۇشىن ۇزدىك الەمدىك تاجىريبەنى پايدالانا وتىرىپ، كەلىسىمدەر جاساسۋدىڭ وڭتايلاندىرىلعان ٴادىسىن ەنگىزۋ.

76-قادام. ەىدۇ ەلدەرى ستاندارتتارىنىڭ نەگىزىندە ادام كاپيتالىنىڭ ساپاسىن كوتەرۋ، 12 جىلدىق ٴبىلىم بەرۋدى كەزەڭ-كەزەڭىمەن ەنگىزۋ، فۋنكسيالىق ساۋاتتىلىقتى دامىتۋ ٴۇشىن مەكتەپتەگى وقىتۋ ستاندارتتارىن جاڭارتۋ. جوعارى سىنىپتاردا جانباسىلىق قارجىلاندىرۋدى ەنگىزۋ، تابىستى مەكتەپتەردى ىنتالاندىرۋ جۇيەسىن قۇرۋ.

77-قادام. ەكونوميكانىڭ التى نەگىزگى سالاسى ٴۇشىن ون الدىڭعى قاتارلى كوللەدج بەن ون جوعارى وقۋ ورنىندا بىلىكتى كادرلاردى ازىرلەۋ، كەيىننەن بۇل تاجىريبەنى ەلىمىزدىڭ باسقا وقۋ ورىندارىنا تاراتۋ.

78-قادام. نازاربايەۆ ۋنيۆەرسيتەتى تاجىريبەسىن ەسكەرە وتىرىپ، جوو-لاردىڭ اكادەميالىق جانە باسقارۋشىلىق دەربەستىگىن كەزەڭ-كەزەڭىمەن كەڭەيتۋ. كوممەرسيالىق ەمەس ۇيىمدارداعى جەكەمەنشىك جوو-لارىن حالىقارالىق تاجىريبەگە سايكەس ترانسفورماسيالاۋ.

79-قادام. ٴبىلىم بەرۋ جۇيەسىندە – جوعارى سىنىپتار مەن جوو-لاردا اعىلشىن تىلىندە وقىتۋعا كەزەڭ-كەزەڭمەن كوشۋ. باستى ماقساتى –دايارلاناتىن كادرلاردىڭ باسەكەلەستىك قابىلەتىن ارتتىرۋ جانە ٴبىلىم بەرۋ سەكتورىنىڭ ەكسپورتتىق الەۋەتىن كوتەرۋ.

80 -قادام. مىندەتتى الەۋمەتتىك مەديسينالىق ساقتاندىرۋدى ەنگىزۋ. مەملەكەت، جۇمىس بەرۋشى جانە ازاماتتىڭ ىنتىماقتاسقان جاۋاپكەرشىلىگى قاعيداتى نەگىزىندە دەنساۋلىق ساقتاۋ جۇيەسىنىڭ قارجىلىق ورنىقتىلىعىن كۇشەيتۋ. باستاپقى مەديسينالىق-سانيتارلىق كومەكتى (بمسك) باسىمدىقپەن قارجىلاندىرۋ. باستاپقى كومەك اۋرۋدىڭ الدىن الۋ جانە ەرتە باستان كۇرەسۋ ٴۇشىن ۇلتتىق دەنساۋلىق ساقتاۋدىڭ ورتالىق بۋىنىنا اينالادى.

81-قادام. جەكەمەنشىك مەديسينانى دامىتۋ، مەديسينالىق مەكەمەلەرگە كورپوراتيۆتىك باسقارۋدى ەنگىزۋ. باسەكەلەستىك ەسەبىنەن قىزمەتتىڭ قولجەتىمدىلىگى مەن ساپاسىن كوتەرۋ ماقساتىندا الەۋمەتتىك مەديسينالىق ساقتاندىرۋ جاعدايىنداعى باستاپقى مەديسينالىق الەۋمەتتىك كومەكتى قارجىلاندىرۋ – باسەكە ەسەبىنەن مەديسينالىق ۇيىمداردىڭ كورپوراتيۆتىك باسقارۋ قاعيداتتارىنا كوشۋىن قامتاماسىز ەتەدى. مەملەكەتتىك مەديسينالىق ۇيىمداردى جەكەشەلەندىرۋدى ىنتالاندىرۋ، مەملەكەتتىك ەمەس ۇيىمدار ارقىلى تەگىن مەديسينالىق كومەكتىڭ كەپىلدەندىرىلگەن كولەمىن بەرۋدى كەڭەيتۋ.

82 -قادام. دەنساۋلىق ساقتاۋ جانە الەۋمەتتىك دامۋ مينيسترلىگى قاسىنان مەديسينالىق قىزمەت ساپاسى بويىنشا بىرلەسكەن كوميسسيانى قۇرۋ. باستى ماقسات: مەديسينالىق قىزمەت كورسەتۋدىڭ الدىڭعى قاتارلى ستاندارتتارىن ەنگىزۋ (ەمدەۋ حاتتامالارى، كادرلار ازىرلەۋ، دارى-دارمەكپەن قامتاماسىز ەتۋ، ساپانى جانە قولجەتىمدىلىكتى باقىلاۋ).

83-قادام. ەڭبەك قاتىناستارىن ىرىقتاندىرۋ. جاڭا ەڭبەك كودەكسىن ازىرلەۋ.

84-قادام. الەۋمەتتىك كومەكتى ونىڭ اتاۋلى سيپاتىن كۇشەيتە وتىرىپ، وڭتايلاندىرۋ. الەۋمەتتىك كومەك تەك وعان شىنىمەن ٴزارۋ ازاماتتارعا عانا بەرىلەتىن بولادى. كىرىسى تومەن ەڭبەككە قابىلەتتى ازاماتتارعا مەملەكەتتىك اتاۋلى الەۋمەتتىك كومەك تەك ولاردىڭ ەڭبەككە ىقپال ەتۋ جانە الەۋمەتتىك بەيىمدەۋ باعدارلامالارىنا بەلسەندى قاتىسۋى جاعدايىندا عانا بەرىلەتىن بولادى.

iv. بىرتەكتىلىك پەن بىرلىك

85-قادام. «ماڭگىلىك ەل» پاتريوتتىق اكتىسى جوباسىن ازىرلەۋ.

86-قادام. قازاقستان حالقى اسسامبلەياسىنىڭ «ۇلكەن ەل – ۇلكەن وتباسى» كەڭ كولەمدى جوباسىن ازىرلەۋ جانە جۇزەگە اسىرۋ، ول قازاقستاندىقتاردىڭ بىرتەكتىلىگىن نىعايتادى جانە ازاماتتىق قوعامنىڭ بۇتىندىگىن قالىپتاستىرۋ ٴۇشىن جاعداي تۋعىزادى. بۇل بارلىق جۇمىستار قازاقستان رەسپۋبليكاسىنىڭ تۋريستىك سالاسىن دامىتۋدىڭ 2020 جىلعا دەيىنگى تۇجىرىمداماسىن (ىشكى ٴتۋريزمدى دامىتۋدى قوسا ەسەپتەگەندە) جانە «استانا – ەۋرازيا جۇرەگى»، «الماتى – قازاقستاننىڭ ەركىن مادەني ايماعى»، «تابيعات بىرلىگى جانە كوشپەلى مادەنيەتتەر»، «التاي ىنجۋلەرى»، « ۇلى جىبەك جولىن قايتا جاڭعىرتۋ»، «كاسپيي قاقپاسى» وڭىرلىك مادەني-تۋريستىك كلاستەرلەرىن قۇرۋدى جۇزەگە اسىرۋمەن بايلانىستىرىلادى.

87-قادام. ازاماتتىق بىرتەكتىلىكتى نىعايتۋدىڭ «مەنىڭ ەلىم» ۇلتتىق جوباسىن ازىرلەۋ جانە جۇزەگە اسىرۋ، ونىڭ اياسىندا تەحنولوگيالىق جوبالار سەريالارىن ىسكە اسىرۋ قاراستىرىلاتىن بولادى. سونىڭ ٴبىرى – «قازاقستان ەنسيكلوپەدياسى» كەڭ كولەمدى ينتەرنەت جوباسىن قۇرۋ. مۇنداعى باستى ماقسات – ٴاربىر ازاماتقا جانە شەتەلدىك تۋريسكە ەل تۋرالى كوبىرەك بىلۋگە كومەكتەسۋ. پورتالعا قازاقستان بويىنشا 3d بەينە تۋرلارى، ەلدىڭ تاريحى مەن مادەنيەتى، قىزىقتى وقيعالارى جانە قاراپايىم قازاقستاندىقتاردىڭ ٴومىرى تۋرالى اقپاراتتار ورنالاستىرىلادى. پورتال ٴبىر ەسەپتەن ەلدىڭ «ساپارناما كارتوچكاسىنا»، ۇلتتىق جول كورسەتۋشىسىنە، قىزىقتى ازاماتتار ٴۇشىن ۇلتتىق قۇرمەت تاقتاسىنا جانە ۆيرتۋالدى حابارلاسۋ تۇعىرناماسىنا اينالادى.

88-قادام. جالپىعا ورتاق ەڭبەك قوعامى يدەياسىن العا جىلجىتۋ جونىندەگى ۇلتتىق جوبانى ازىرلەۋ جانە جۇزەگە اسىرۋ، ول «نۇرلى جول» ينفراقۇرىلىمدىق دامۋ، يندۋستريالاندىرۋدىڭ ەكىنشى بەسجىلدىعى باعدارلامالارىن، سونداي-اق، تاۋەلسىزدىك جىلدارىندا مەملەكەتتىك ساياساتتىڭ ارقاسىندا ەڭبەك، كاسىپكەرلىك، عىلىم مەن ٴبىلىم جانە باسقا دا كاسىپتىك قىزمەتتەردە جوعارى ناتيجەلەرگە قول جەتكىزگەن قازاقستاندىقتاردىڭ (ٴبىزدىڭ زامانىمىزدىڭ باتىرلارىنىڭ) تابىستارىنىڭ دەربەس تاريحىن ەسكەرە وتىرىپ، جالپىعا ورتاق ەڭبەك قوعامى يدەيالارىن ىلگەرىلەتۋگە، يندۋستريالاندىرۋدىڭ جانە «قازاقستان-2050» ستراتەگياسىن جۇزەگە اسىرۋدىڭ مەملەكەتتىك ساياساتى تالاپتارىنا جاۋاپ بەرە الاتىن جۇمىسشى جانە كاسىپتىك-تەحنيكالىق ماماندىقتاردىڭ ارتىقشىلىقتارى مەن تانىمالدىلىعىن ناسيحاتتاۋعا باعىتتالادى.

89-قادام. «نۇرلى بولاشاق» ۇلتتىق جوباسىن ازىرلەۋ جانە جۇزەگە اسىرۋ. مەكتەپتىك ٴبىلىم بەرۋدىڭ قولدانىستاعى وقۋ باعدارلامالارىنا ماڭگىلىك ەل قۇندىلىقتارىن ەنگىزۋ.

90-قادام. بەس ينستيتۋتتىق رەفورمانى، سونداي-اق، باق-تاعى، ينتەرنەتتەگى، بۇقارالىق اقپاراتتىڭ جاڭا بۋىندارىنداعى، سونداي-اق، الەۋمەتتىك جەلىلەردەگى قازاقستاندىق بىرتەكتىلىك يدەيالارىن جۇزەگە اسىرۋدى اقپاراتتىق قامتۋ جانە ىلگەرىلەتۋ.

v. ەسەپ بەرەتىن مەملەكەتتى قالىپتاستىرۋ

91-قادام. مونيتورينگتىڭ، باعالاۋ مەن باقىلاۋدىڭ ستاندارتتالعان جانە ازايتىلعان رەسىمدەرى اياسىندا مەملەكەتتىك باسقارۋدان ناقتى ناتيجەلەر بويىنشا مەملەكەتتىك باسقارۋعا كوشۋ. تارتىپتىك باقىلاۋ جۇيەسى تەك قانا ماقساتتى ينديكاتورلارعا قول جەتكىزۋدى باقىلاۋعا نەگىزدەلۋى ٴتيىس. رەسىمدىك سيپاتتاعى بارلىق تاپسىرمالار مەن ارالىق باقىلاۋ تاراتىلاتىن بولادى. مەملەكەتتىك ورگاندارعا ولاردىڭ الدىنا قويىلعان ماقساتتىق ينديكاتورلارعا قول جەتكىزۋ جونىندەگى قىزمەتىندە دەربەستىك بەرىلەدى.

92-قادام. مەملەكەتتىك جوسپارلاۋدىڭ ىقشام جۇيەسىن قۇرۋ. جەكەلەگەن سالالىق باعدارلامالاردىڭ مەملەكەتتىك باعدارلامالارعا ينتەگراسيالانۋىمەن مەملەكەتتىك باعدارلامالار سانىن قىسقارتۋ. سالالىق باعدارلامالار، سونداي-اق، مەملەكەتتىك ورگانداردىڭ ستراتەگيالىق جوسپارلارى جويىلادى. ستراتەگيالىق جوسپارلار مەن اۋماقتىق دامۋ باعدارلاماسىن نەگىزگى ماقساتتى ينديكاتورلار بولىگىندە قايتا پىشىندەۋ.

93-قادام. اۋديت پەن مەملەكەتتىك اپپارات جۇمىستارىن باعالاۋدىڭ جاڭا جۇيەسىن ەنگىزۋ. مەملەكەتتىك باعدارلامالاردى باعالاۋ ٴۇش جىلدا ٴبىر رەت جۇرگىزىلەتىن بولادى. مەملەكەتتىك ورگانداردىڭ ناتيجەلىلىگىن باعالاۋ ستراتەگيالىق جوسپارلار بويىنشا جىلما-جىل جۇزەگە اسىرىلادى. «مەملەكەتتىك اۋديت جانە قارجىلىق باقىلاۋ تۋرالى» زاڭ قابىلداۋ. ەسەپ كوميتەتى ٴبىرىنشى سىنىپتى الەمدىك اۋديتورلىق كومپانيالاردىڭ مودەلدەرى بويىنشا جۇمىس ىستەيتىن بولادى جانە اعىمدىق وپەراسيالىق باقىلاۋدان كەتەدى.

94-قادام. «اشىق ۇكىمەتتى» ەنگىزۋ. اقپاراتقا قولجەتىمدىلىك تۋرالى زاڭدى ازىرلەۋ، ول مەملەكەتتىك ورگاندار يەلىگىندەگى تەك مەملەكەتتىك قۇپيا مەن زاڭمەن قورعالاتىن باسقا دا اقپاراتتاردان وزگە كەز كەلگەن اقپاراتتىڭ اشىقتىعىن قامتاماسىز ەتەدى.

95-قادام. مەملەكەتتىك ورگاندار باسشىلارىنىڭ حالىق الدىندا ستراتەگيالىق جوسپارلار جانە اۋماقتىق دامۋ باعدارلامالارىنىڭ ماڭىزدى كورسەتكىشتەرىنە قول جەتكىزىلگەندىگى تۋرالى جىل سايىنعى اشىق باياندامالار جاساۋلارىن جانە ولاردىڭ ەسەپتەرىن رەسمي ۆەب-سايتتاردا ورنالاستىرۋدى تاجىريبەگە ەنگىزۋ. ۇلتتىق جوو-لار باسشىلارىنىڭ ٴوز قىزمەتتەرى تۋرالى وقۋشىلار، جۇمىس بەرۋشىلەر، قوعام وكىلدەرى مەن باق الدىندا جىلما-جىل ەسەپ بەرۋلەرىن تاجىريبەگە ەنگىزۋ.

96-قادام. ورتالىق مەملەكەتتىك ورگانداردىڭ ستاتيستيكالىق بازالارى مالىمەتتەرىنە ونلاين-قولجەتىمدىلىكتى قامتاماسىز ەتۋ. بارلىق بيۋدجەتتىك جانە توپتاستىرىلعان قارجىلىق ەسەپ، سىرتقى قارجى ٴاۋديتىنىڭ ناتيجەلەرى، مەملەكەتتىك ساياسات تيىمدىلىگىن باعالاۋ قورىتىندىلارى، مەملەكەتتىك قىزمەتتىڭ ساپاسىن قوعامدىق باعالاۋ ناتيجەلەرى، رەسپۋبليكالىق جانە جەرگىلىكتى بيۋدجەتتىڭ ورىندالۋى تۋرالى ەسەپ جاريالاناتىن بولادى.

97-قادام. ٴوزىن-وزى رەتتەۋ مەن جەرگىلىكتى ٴوزىن-وزى باسقارۋدى دامىتۋ ارقىلى ازاماتتاردىڭ شەشىمدەر قابىلداۋ ۇدەرىسىنە قاتىسۋ مۇمكىندىگىن كەڭەيتۋ. مەملەكەتكە ٴتان ەمەس قىزمەتتەردى باسەكەلەستىك ورتاعا جانە ٴوزىن-وزى رەتتەۋشى ۇيىمدارعا بەرۋ. ۇكىمەت مەملەكەتكە ٴتان ەمەس جانە باسى ارتىق قىزمەتتەردى قىسقارتۋ ەسەبىنەن نەعۇرلىم ىقشام بولا تۇسەدى.

98-قادام. سەلولىق وكرۋگ، اۋىل، سەلو، كەنت، اۋداندىق ماڭىزداعى قالا دەڭگەيىندە جەرگىلىكتى ٴوزىن-وزى باسقارۋدىڭ دەربەس بيۋدجەتى ەنگىزىلەتىن بولادى. وبلىس ورتالىقتارىندا جانە رەسپۋبليكالىق ماڭىزداعى قالالاردا ازاماتتاردىڭ ٴتيىستى بيۋدجەتتىك جوبالارىن تالقىلاۋعا قاتىسۋىنىڭ تەتىكتەرى جۇمىس ىستەيدى.

99-قادام. مەملەكەتتىك ورگاندار مەن اكىمدەر جانىنداعى قوعامدىق كەڭەستەردىڭ ستراتەگيالىق جوسپارلار مەن اۋماقتىق دامۋ

باعدارلامالارىن; بيۋدجەتتەردى، ەسەپتەردى، ماقساتتى ينديكاتورلارعا قول جەتكىزۋدى، ازاماتتاردىڭ قۇقىقتارى مەن ەركىندىكتەرىن قوزعايتىن نورماتيۆتىك-قۇقىقتىق اكتىلەر جوبالارىن; باعدارلامالىق قۇجاتتار جوبالارىن تالقىلاۋ بولىگىندەگى رولدەرىن كۇشەيتۋ. قوعامدىق كەڭەستەردىڭ وكىلەتتىكتەرى مەن مارتەبەسىن زاڭمەن بەكىتۋ، مەملەكەتتىك شەشىمدەردى قابىلداۋ اشىقتىعىن ارتتىرۋ.

100-قادام. كاناداداعى canada service جانە اۆسترالياداعى centrelink ۇلگىسى بويىنشا مەملەكەتتىك قىزمەتتەردىڭ ٴبىرىڭعاي پروۆايدەرىنە اينالاتىن «ازاماتتار ٴۇشىن ۇكىمەت» مەملەكەتتىك كورپوراسياسىن قۇرۋ. مەملەكەتتىك كورپوراسيا حالىققا قىزمەت كورسەتەتىن بارلىق ورتالىقتاردى ٴبىر جۇيەگە ينتەگراسيالايدى. قازاقستان ازاماتتارى مەملەكەتتىك قىزمەتتەردى ٴبىر جەردەن الاتىن بولادى. مەملەكەتتىك قىزمەتتى ساپا مەنەدجمەنتى iso 9000 سەرياسىنا سايكەس حالىقارالىق سەرتيفيكاتتاۋ.

ىسكە اسىرۋ تەتىگى

• ەل پرەزيدەنتى جانىنان جەدەل تۇردە قۇرامى وتاندىق جانە شەتەلدىك ساراپشىلاردان تۇراتىن، بەس جۇمىس توبىنان جاساقتالعان جاڭعىرتۋ جونىندەگى ۇلتتىق كوميسسيا قۇرىلدى.

• ۇلتتىق كوميسسيا بەس ينستيتۋتتىق رەفورمانى كەزەڭ-كەزەڭىمەن ورىنداۋدى كەلىسىلگەن باسقارۋ بويىنشا جۇزەگە اسىرۋى ٴتيىس. ول مەملەكەتتىك ورگانداردىڭ، بيزنەس-سەكتور مەن ازاماتتىق قوعامنىڭ ٴوزارا ٴتيىمدى ٴىس-قيمىلىن قامتاماسىز ەتەدى.

• ۇلتتىق كوميسسيا تۇجىرىمدامالىق شەشىمدەر قابىلداپ، ٴىس-قيمىلدىڭ ناقتى جوسپارىن ايقىنداۋى ٴتيىس. ونىڭ ۇسىنىستارى ەل پرەزيدەنتى تاراپىنان بەكىتىلەتىن بولادى. بەكىتىلگەن شەشىمدەردى ورىنداۋ ٴۇشىن جەدەل تۇردە پارلامەنت تاراپىنان زاڭدار، ۇكىمەت تاراپىنان قاۋلىلار قابىلداناتىن بولادى.

• مينيسترلەر مەن اكىمدەردىڭ شەشۋشى باستامالارىن ٴتيىمدى جۇزەگە اسىرۋلارى ۇلتتىق كوميسسيا تاراپىنان قاتاڭ قاداعالاناتىن بولادى.

• ۇلتتىق كوميسسيا جانىنان بەدەلدى شەتەلدىك ساراپشىلار قاتارىنان حالىقارالىق كونسۋلتاتيۆتىك كەڭەس جاساقتاۋ قاجەت. اتالعان كەڭەس ۇسىنىمدار جاساپ، رەفورمالاردى ورىنداۋ ناتيجەلەرىنىڭ تاۋەلسىز جۇيەلى مونيتورينگىن جۇزەگە اسىراتىن بولادى.

• ۇلتتىق كوميسسيانىڭ جۇمىس ورگانى ەتىپ قازاقستان رەسپۋبليكاسى پرەمەر-مينيسترىنىڭ كەڭسەسىن ايقىنداۋ قاجەت. 


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي