«وردالىق» داستان ورازبەكوۆ «وقىتۋشى» فيلمىندە (فوتو، ۆيدەو)

استانا. 2 شىلدە. baq.kz – ۇستىمىزدەگى جىلدىڭ 14 ماۋسىم مەن 31 تامىز ارالىعىندا الماتى قالاسىندا وتەتىن «ارت-الاڭ» الەۋمەتتىك-مادەني جوباسىنىڭ اياسىندا «قازاقفيلم» اق مەن «vox pictures» بىرلەسىپ تۇسىرگەن «وقىتۋشى» ٴفيلمى كورسەتىلەدى.  

«وقىتۋشى» ستۋدەنتتىك كومەدياسىنىڭ باستى كەيپكەرى الماتىلىق ارمان ەسىمدى جىگىت. ٴبىر كۇنى ول كوشەدە كەلە جاتىپ ارمانىنداعى قىزدى كەزدەستىرەدى. الايدا ونىمەن تانىسۋدىڭ ٴساتى تۇسپەيدى. ارماننىڭ ارمانىنداعى قىز جايىندا تەك قاي ۋنيۆەرسيتەتتە وقيتىندىعىن عانا بىلە الادى...

پروكاتقا 2 مامىر كۇنى شىققان مۋزىكالىق جانرداعى «وقىتۋشى» ٴفيلمىنىڭ باستى رولدەرىن «وردا» توبىنىڭ بەلدى مۇشەسى داستان ورازبەكوۆ پەن اكتريسا ايسۇلۋ ازىمبايەۆا سومداعان. كينونىڭ دۇنيەگە كەلۋىنە «جازدىڭ 500 كۇنى» ((500) days of summer) ، «مەن ماسكەۋمەن ٴجۇرىپ كەلەمىن» جانە «قولىڭنان كەلسە ۇستاپ ال» ("catch me if you can") سىندى تۋىندىلار نەگىز بولعان.  

اينۇر راقىشەۆا

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!