BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

«زودياك بەلگىلەرى» سەرياسىنان كوللەكسيالىق مونەتالار اينالىسقا شىعارىلادى

استانا، baq.kz. ۇلتتىق بانك 12 جەلتوقساننان باستاپ نومينالى 100 تەڭگەلىك، كۇمىستەن جانە تانتالدان «زودياك بەلگىلەرى» سەرياسىنان بيكولورلى كوللەكسيالىق مونەتالاردى اينالىسقا شىعارادى.

اتاپ ايتقاندا، «توقتى»، «ارىستان»، «مەرگەن»، «تورپاق»، «بيكەش»، «تاۋەشكى»، «سۋقۇيعىش»، «ەگىز»، «تارازى»، «بالىقتار»، «شايان»، «سارىشايان» مونەتالارى اينالىسقا شىعارىلادى.

مونەتالاردىڭ ديزاينى جارتاستاعى سۋرەت ستيليستيكاسىندا ورىندالعان. ٴاربىر ورناتىلعان تانتالدىڭ ٴتۇسى مونەتا ارنالعان ستيحيانىڭ تۇسىنە سايكەس كەلەدى. ولار ٴاربىر زودياك بەلگىسىنە سايكەس كەلەتىن ون ەكى تۇردە جانە ٴتۇس وزگەرتۋ تەحنولوگياسىن قولدانا وتىرىپ كۇمىستەن جانە تانتالدان دايىندالعان.

مونەتالاردىڭ بەت جاعىندا (اۆەرسىندە) «قازاقستان ۇلتتىق بانكى» دەگەن جازبا، زودياك بەلگىلەرى، ٴتۇرلى ٴتۇستى باسۋ تەحنولوگياسىن قولدانا وتىرىپ ورىندالعان كۇننىڭ ستيلدەندىرىلگەن بەينەسى ورنالاسقان. مونەتانىڭ تومەنگى بولىگىندە نومينالىن بىلدىرەتىن «100 تەڭگە» دەگەن جازبا بار. وڭ جاعىندا مونەتا دايىندالعان مەتالدى، ونىڭ سىنامىن جانە ماسساسىن بىلدىرەتىن «ag 925 10g» جانە «ta 15g» دەگەن جازبالار، سوعىلعان جىلىن بىلدىرەتىن «2018» دەگەن جازبا ورنالاسقان. ال سىرت جاعىندا (رەۆەرسىندە) زودياك شوقجۇلدىزدارىنىڭ ستيلدەندىرىلگەن بەينەلەرى، ولاردىڭ سحەمالىق بەلگىلەنۋى جانە ٴتيىستى اتاۋلارى ورنالاسقان.

مونەتالار سەگىز قىرلى. مونەتالار 925/1000 سىنامدى كۇمىستەن جانە تانتالدان دايىندالعان، جالپى ماسساسى – 25 گر. (كۇمىس ساقينا ماسساسى 10 گر.، تانتالدان ىشكى ديسك ماسساسى 15 گر.)، ديامەترى – 38،61 مم، دايىنداۋ ساپاسى – «proof»، تارالىمى – ٴاربىر تۇرىنەن 1 000 دانا.

نومينالى 100 تەڭگەلىك كوللەكسيالىق مونەتالار قازاقستان رەسپۋبليكاسىنىڭ بۇكىل اۋماعىندا كورسەتىلگەن قۇنىمەن تولەمنىڭ بارلىق تۇرلەرى بويىنشا، سونداي-اق بانك شوتتارىنا ەسەپتەۋ ٴۇشىن جانە اۋدارىم جاساۋ ٴۇشىن قابىلدانۋعا مىندەتتى، قازاقستان رەسپۋبليكاسىنىڭ بارلىق بانكتەرىندە شەكتەۋسىز ۇساقتالادى جانە ايىرباستالادى.

اتالعان مونەتالار كوللەكسيالىق قۇنى بويىنشا ساتۋعا ارنالعان. مونەتالار كادەسىيلىق وراۋمەن شىعارىلادى جانە قازاقستان رەسپۋبليكاسى ۇلتتىق بانكىنىڭ مەملەكەتتىك، ورىس جانە اعىلشىن تىلدەرىندەگى نومىرلىك ساپا سەرتيفيكاتىمەن جابدىقتالعان. بۇل كوللەكسيالىق مونەتالاردى قر ۇلتتىق بانكىنىڭ بارلىق اۋماقتىق فيليالدارىندا، سونداي-اق www.nationalbank.kz سايتىنداعى ينتەرنەت-دۇكەن ارقىلى ساتىپ الۋعا بولادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي