جىل سوڭىنا دەيىن قانداي قازاقستاندىق اكسيالار قىمباتتايدى - قارجى|21 مامىر 2018، 18:25
كۋرسى ۆاليۋت وبنوۆليايۋتسيا
استانا:

جىل سوڭىنا دەيىن قانداي قازاقستاندىق اكسيالار قىمباتتايدى

فوتو: ашық дереккөзден

بۇل سۇراقتىڭ جاۋابىن ls ساراپشىلاردان سۇراپ ٴبىلدى. ولاردىڭ ايتۋىنشا «قازاقتەلەكوم» مەن بانك سەكتورىنىڭ اكسيالارى قىمباتتاۋى مۇمكىن، دەپ حابارلايدى baq.kz اقپارات اگەنتتىگى.

ساراپشىلاردىڭ پايىمىنشا، مۇناي باعاسىنىڭ ٴوسۋى قازاقستاندىق قور نارىعىنا وڭ اسەرىن تيگىزۋى مۇمكىن. الداعى جاقىن جارتى جىلدىقتا قازاقتەلەكوم، kaz minerals، باستا، حالىق بانكى، بانك سەنتركرەديت، قازترانسويل كومپانيالارىنىڭ قۇندى قاعازدارى قىمباتتاۋى مۇمكىن.

سونىمەن ٴارقايسىسىنا توقتالىپ كەتەتىن بولساق، جەكەشەلەندىرۋ اياسىندا «قازاقتەلەكوم» اكسيالارى كومپانيانىڭ شەتەلدىك نارىققا شىعۋىنا بايلانىستى قىمباتتاۋى مۇمكىن.

«بايلانىس نارىعىندا باستى كومپانيا بولعاندىقتان شەتەلدىك نارىققا ٴوز اكسيالارىن ورنالاستىرعانان كەيىن جانە وعان دەيىندە قازاقتەلەكومنىڭ ٴوسىم الەۋەتى 34 مىڭ تەڭگەدەن جوعارى بولادى دەپ كۇتىلۋدە. بۇگىندە كومپانيانىڭ قۇندى قاعازدارى 33 مىڭ تەڭگە دەڭگەيىندە. kcell-دى ساتىپ الۋ قوسىمشا ٴوسىم درايۆەرى بولۋى مۇمكىن، ارينە، ەگەر كەلىسىم ماقۇلدانسا. كومپانيا بۇل اكتيۆتى يەلەنە وتىرىپ بولاشاقتا ٴوزىنىڭ ورنالاستىرۋ قۇنىن ايتارلىقتاي ارتتىرۋى مۇمكىن»، - دەپ بولجانۋدا.

سونىمەن قاتار، kaz minerals پەن باستا وندىرەتىن شيكىزاتقا دەگەن سۇرانىس ولاردىڭ اكسيالارىنا دەگەن باعانى كوتەرۋى مۇمكىن.

«kaz minerals توقتالاتىن بولساق، ونىڭ باعاسى مىس باعاسىنىڭ بەلگىلەۋىنە بايلانىستى بولعاندىقتان 2018 جىلدىڭ iv توقسانىندا كومپانيا اكسياسىنىڭ قۇنى 4،9 مىڭ تەڭگەگە دەيىن قىمباتتاۋىن كورۋىمىز مۇمكىن. بۇگىندە ونىڭ قۇندى قاعازدارى 4،5 مىڭ تەڭگەدەن ساتىلۋدا. ال، باستا ٴۇشىن 10 ملن دوللارعا دەيىن ينۆەستيسيا وڭ اسەرىن تيگىزۋى مۇمكىن. بۇگىندە ول شەتەلدىك كومپانيامەن ينۆەستيسيا تارتۋ بويىنشا كەلىسسوز جۇرگىزىپ جاتىر. ونىڭ ۇستىنە باستا الدىندا قۋاتتىلىعى جىلىنا 1 ملن توننا كەندى وندەي الاتىن جاڭا فابريكانى ىسكە قوسۋ مىندەتى تۇر. اتالعان قاعاز بويىنشا فۋندامەنتالدى ماقسات جاڭا فابريكانىڭ ٴوندىرىسى جولعا قويىلعان جاعدايدا - 82 545 تەڭگە، ارالىق ماقسات 59 مىڭ تەڭگە (18 مامىرداعى جاعداي بويىنشا 53 مىڭ تەڭگە)»، - دەگەن بولجام جاسالۋدا.

سونىمەن قاتار، مامانداردىڭ ايتۋىنشا، بانك سەكتورىنىڭ قۇندى قاعازدارى بۇگىندە لايىقتى باعالانباي كەلەدى. ماسەلەن، حالىق بانكى ٴۇشىن اكسيا قۇنى 126 تەڭگەگە دەيىن، بانك سەنتركرەديت (بسك) ٴۇشىن 380 تەڭگەگە دەيىن ٴوسۋى مۇمكىن.

«مۇناي باعاسىنىڭ وسۋىنە وراي اتالعان قۇندى قاعازدارعا ينۆەستورلاردىڭ قىزىعۋشىلىعى ەكىنشى جارتى جىلدىقتا ارتادى»، - دەگەن بولجام جاسالۋدا.

بۇدان باسقا، «قازترانسويل» (قتو) قاعازدارىنىڭ قۇنى دا وزگەرۋى مۇمكىن.

«160 تەڭگە كولەمىندە جوسپارلانىپ وتىرعان ديۆيدەنتتەرگە بايلانىستى كومپانيا بىردەن 12-15%-عا جۇما كۇنى 8 ماۋسىمدا تۇزەتۋ ەنگىزۋى مۇمكىن. ايتا كەتەيىك، ٴدال سول كۇنى ينۆەستورلار وزدەرىنىڭ جايعاسىمدارىن بەكىتە باستايدى. ت+2 جۇيەسى بويىنشا ساتقان اكسيونەرلەر جوسپارلانىپ وتىرعان رەەستردى جابۋ داتاسىنا ەنە الادى – 2018 جىلدىڭ 12 ماۋسىمى ساعات 00:00. اتالعان كومپانيا بويىنشا فۋندامەنتالدى ماقسات- 1،8 مىڭ تەڭگە»، - دەيدى ماماندار.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي