BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

جىل سايىن 6 ميلليون ادام جەكە زەينەتاقى شوتتارىنا جارنا اۋدارادى – بجزق

2018 جىلدىڭ 1 قىركۇيەگىندەگى جاعداي بويىنشا زەينەتاقى جيناقتارىنىڭ جالپى سوماسى 8،8 ترلن تەڭگەنى قۇراپ، جىل باسىنان بەرى 1،01 ترلن تەڭگەگە ارتتى. ال ٴوسىم 13 پايىز بولدى، دەپ حابارلايدى baq.kz اقپارات اگەنتتىگى.

قور تاراتقان مالىمەتتە، وسى جىلدىڭ سەگىز ايى ىشىندە تۇسىمدەردىڭ جالپى سوماسى 547،7 ملرد تەڭگەنى قۇراپ، وتكەن جىلدىڭ سايكەس كەزەڭىمەن سالىستىرعاندا 55،9 ملرد تەڭگەگە ارتىپ، ٴوسىم 11 پايىزعا قۇراعانى ايتىلادى.

«بجزق سالىمشىلارىنىڭ جەكە زەينەتاقى شوتتارىنا ەسەپتەلگەن تازا ينۆەستيسيالىق تابىس سوماسى جىل باسىنان بەرى 584،9 ملرد تەڭگەگە جەتتى. بۇل وتكەن جىلدىڭ سايكەس كەزەڭىمەن سالىستىرعاندا 186،4 ملرد تەڭگەگە جوعارى. ياعني، ٴوسىم 47 پايىزدى قۇرادى»، -دەلىنگەن حابارلامادا.

سونىمەن قاتار، 2018 جىلدىڭ 1 قىركۇيەگىندەگى جاعداي بويىنشا زەينەتاقى اكتيۆتەرىنىڭ تابىستىلىعى ينفلياسيا دەڭگەيىنەن ەكى جارىم ەسەدەي جوعارى بولعان. 2018 جىلدىڭ قاڭتار-تامىز ايلارى ارالىعىندا تابىستىلىق 7،3 پايىزعا جەتسە، بۇل كەزەڭدە ينفلياسيا دەڭگەيى 2،9 پايىزدى قۇراعان.

«بۇكىل تابىس سالىمشىلاردىڭ شوتتارىنا تاراتىلادى. سايكەسىنشە زەينەتاقى جيناقتارىنىڭ كولەمى تۇراقتى تۇردە ارتىپ جاتىر. سالىمشى (الۋشى) ٴوزىنىڭ جەكە زەينەتاقى شوتىنداعى زەينەتاقى جيناقتارىنىڭ جاي-كۇيى تۋرالى اقپاراتتى (ونىڭ ىشىندە ەسەپتەلگەن ينۆەستيسيالىق تابىستى) قور بولىمشەسىندە، سونىمەن قاتار پوشتا بايلانىسى، ەلەكتروندى پوشتا، قور سايتى نەمەسە ۇيالى قوسىمشاسى ارقىلى الۋىنا بولادى»، -دەلىنگەن حابارلامادا.

جىل سايىن شامامەن 6 ميلليون ادام بجزق-داعى جەكە زەينەتاقى شوتتارىنا جارنا اۋدارادى ەكەن، ياعني بەلسەندى سالىمشىلار بولىپ تابىلادى. ولاردىڭ سانى بىرتىندەپ ارتۋدا. 2018 جىلدىڭ سەگىز ايى ىشىندە بەلسەندى سالىمشىلاردىڭ سانى 5،8 ملن ادامعا جەتكەن.

«2018 جىلدىڭ قاڭتار-تامىز ايلارى ارالىعىندا بجزق-دان 121،0 ملرد تەڭگەگە زەينەتاقى تولەمدەرى جۇزەگە اسىرىلدى، ونىڭ ىشىندە ساقتاندىرۋ ۇيىمدارىنا جاسالعان اۋدارىمدار – 13،07 ملرد تەڭگە. كەستە بويىنشا تولەمدەر 69،9 ملرد تەڭگەگە جەتتى. سالىستىرىپ قاراساق، وتكەن جىلدىڭ سايكەس كەزەڭىندە قوردان 148،6 ملرد تەڭگە تولەنگەن. ونىڭ ىشىندە ساقتاندىرۋ ۇيىمدارىنا جاسالعان اۋدارىمدار 17،6 ملرد تەڭگە بولدى. جالپى تولەمدەر كولەمىنىڭ ازايۋى اي سايىنعى تولەم ٴتارتىبىنىڭ ەنگىزىلۋىنە بايلانىستى ورىن الدى. ال بۇل ٴوز كەزەگىندە تولەمدەردى الۋ ۋاقىتىنىڭ ۇزارۋىنا جانە جيىنتىق زەينەتاقى مولشەرىنىڭ ارتۋىنا سەپتىگىن تيگىزەدى»، -دەلىنگەن حابارلامادا.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي