جەكە تۇلعالاردىڭ دەپوزيتتەرى بويىنشا جىلدىق جوعارى سىياقى مولشەرى وزگەرتىلدى - قارجى|23 مامىر 2018، 16:05
كۋرسى ۆاليۋت وبنوۆليايۋتسيا
استانا:

جەكە تۇلعالاردىڭ دەپوزيتتەرى بويىنشا جىلدىق جوعارى سىياقى مولشەرى وزگەرتىلدى

فوتو: ашық дереккөзден

2018 جىلدىڭ 1 شىلدەسىنەن باستاپ قازاقستاننىڭ دەپوزيتتەرگە كەپىلدىك بەرۋ قورى ۇسىناتىن جەكە تۇلعالاردىڭ جاڭادان تارتىلعان دەپوزيتتەرى بويىنشا ەڭ جوعارعى جىلدىق سىياقى مولشەرلەمەسى 12%-عا دەيىن تومەندەيدى. بۇل تۋرالى baq.kz اقپارات اگەنتتىگىنە قوردىڭ ٴباسپاسوز قىزمەتىنەن حابارلادى.

«قازاقستاننىڭ دەپوزيتتەرگە كەپىلدىك بەرۋ قورى» اق ديرەكتورلار كەڭەسى دەپوزيتتەرگە مىندەتتى كەپىلدىك بەرۋ جۇيەسىنە قاتىسۋشى بانكتەرگە ۇسىناتىن تەڭگەدەگى دەپوزيتتەر بويىنشا ەڭ جوعارعى سىياقى مولشەرلەمەسىن قايتا قاراپ شىقتى.

سونىمەن، 1 شىلدەدەن باستاپ جەكە تۇلعالاردىڭ ۇلتتىق ۆاليۋتاداعى جاڭادان تارتىلعان دەپوزيتتەرى بويىنشا ۇسىنىلاتىن ەڭ جوعارعى جىلدىق سىياقى مولشەرلەمەسى 12%-عا دەيىن تومەندەتىلەدى. ال، جەكە تۇلعالاردىڭ جاڭادان تارتىلعان شەتەل ۆاليۋتاسىنداعى دەپوزيتتەرى بويىنشا ۇسىنىلاتىن ەڭ جوعارعى جىلدىق سىياقى مولشەرلەمەسى – سول دەڭگەيدە ساقتالادى (1%).

دەپوزيت نارىعىنىڭ كونيۋنكتۋراسى كۇرت وزگەرگەن جاعدايدا، بۇل مولشەرلەمەلەردى ديرەكتورلار كەڭەسى جانە (نەمەسە) «قدكبق» اق-نىڭ جالعىز اكسيونەرى - قازاقستان رەسپۋبليكاسى ۇلتتىق بانكى قايتا قاراۋى مۇمكىن.

ايتا كەتەيىك، جەكە تۇلعالاردىڭ تەڭگە مەن شەتەل ۆاليۋتاسىنداعى دەپوزيتتەرى بويىنشا ۇسىنىلاتىن ەڭ جوعارعى سىياقى مولشەرلەمەسى جەكە تۇلعالاردىڭ جاڭادان تارتىلعان دەپوزيتتەرى بويىنشا ەڭ جوعارى سىياقى مولشەرلەمەسىن انىقتاۋ جانە بەكىتۋ ادىستەمەسىنە سايكەس ايقىندالادى.

زاڭناماعا سايكەس كەپىلدىك جەكە تۇلعا مەن جەكە كاسىپكەردىڭ بارلىق سالىمدارىنا تارالادى. مەملەكەتتىك كەپىلدىكتىڭ ەڭ جوعارى سوماسى ٴبىر سالىمشىعا ٴبىر بانك ٴۇشىن ۇلتتىق ۆاليۋتاداعى دەپوزيتتەر بويىنشا 10 ميلليون تەڭگەنى قۇراسا، شەتەل ۆاليۋتاسىنداعى دەپوزيتتەر بويىنشا – 5 ميلليون تەڭگەنى قۇرايدى (بانكتى ماجبۇرلەپ تاراتۋ تۋرالى سوت شەشىمى شىققان كۇنگى بالامادا).


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي