زاڭدى تۇلعالاردىڭ تەڭگەلەي دەپوزيتى ازايدى

فوتو: ашық дереккөзден

زاڭدى تۇلعالاردىڭ ۇلتتىق ۆاليۋتاداعى دەپوزيتتەرى 2018 جىلعى ساۋىردە 5 227،3 ملرد. تەڭگەگە دەيىن 2،5%-عا قىسقاردى، شەتەل ۆاليۋتاسىمەن 3 677،9 ملرد. تەڭگەگە دەيىن 6،2%-عا ٴوستى. بۇل تۋرالى baq.kz اقپارات اگەنتتىگى قر ۇلتتىق بانكىنە سىلتەمە جاساپ حابارلادى.

وسى رەتتە، ايتا كەتەر بولساق، زاڭدى تۇلعالاردىڭ شەتەلدىك ۆاليۋتاداعى دەپوزيتتەرى ولاردىڭ ۇلتتىق ۆاليۋتاداعى دەپوزيتتەرىنەن 41،3%-عا تومەن.

جەكە تۇلعالاردىڭ تەڭگەمەن دەپوزيتتەرى 4 149،6 ملرد. تەڭگەگە دەيىن 2،1%-عا ۇلعايدى، شەتەل ۆاليۋتاسىمەن 4 000 ملرد. تەڭگەگە دەيىن 1،7%-عا (جەكە تۇلعالاردىڭ دەپوزيتتەرىنەن 49،1%) ٴوستى.

مەرزىمدى دەپوزيتتەر كولەمى ٴبىر ايدا 0،5%-عا ۇلعايىپ، 11 772،9 ملرد. تەڭگە بولدى. ولاردىڭ قۇرىلىمىندا ۇلتتىق ۆاليۋتامەن سالىمدار 6 369،2 ملرد. تەڭگە، شەتەل ۆاليۋتاسىمەن – 5 403،8 ملرد. تەڭگە بولدى.

بانكتىك ەمەس زاڭدى تۇلعالاردىڭ ۇلتتىق ۆاليۋتاداعى مەرزىمدى دەپوزيتتەرى بويىنشا ورتاشا الىنعان سىياقى مولشەرلەمەسى 7،3% (2017 جىلعى جەلتوقساندا – 8%)، جەكە تۇلعالاردىڭ دەپوزيتتەرى بويىنشا – 11،6% (11،7%) بولدى.

رەزيدەنتتەردىڭ دەپوزيتتىك ۇيىمدارداعى دەپوزيتتەرىنىڭ كولەمى 2018 جىلعى ٴساۋىردىڭ سوڭىندا 17 054،8 ملرد. تەڭگە (ٴبىر ايدا ۇلعايۋ 1،4%) بولدى.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!