BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

قازاقستاندا زەينەتاقىنى تولىقتاي شەشىپ الۋعا شەكتەۋ قويىلادى

كەلەر جىلدان باستاپ قازاقستاندىقتار زەينەتاقى قورىندا جينالعان اقشانىڭ بارلىعىن بىردەن شەشىپ الا المايدى. وسى ۋاقىتقا دەيىن حالىق بۇل اقشانى اي، توقسان نەمەسە جىل سايىن شەشىپ الۋ مۇمكىندىگىنە يە بولاتىن. بۇگىن، 6 جەلتوقسان كۇنى قوستاناي وبلىسىنداعى «بجزق» اق فيليالىنىڭ ديرەكتورى ساۋلە قوزباقوۆا ٴباسپاسوز كونفەرەنسياسىندا وسىلاي مالىمدەدى، دەپ حابارلايدى baq.kz اقپارات اگەنتتىگى «ناشا گازەتا» باسىلىمىنا سىلتەمە جاساپ.

«ٴقازىر زەينەتاقى جيناق قورىنداعى اقشا بەلگىلى ٴبىر كەستەمەن بەرىلىپ جاتىر. الۋشى ونى اي، توقسان نەمەسە جىل سايىن الىپ وتىرۋ قۇقىعىنا يە. جاڭا جىلدان باستاپ زەينەتاقى جيناق قورىنداعى اقشانى الۋ كەستەسىنە وزگەرىس ەنگىزىلەدى. سەبەبى، كوپشىلىك وسى قورداعى اقشانى بىردەن شەشىپ الىپ، كەيىن بازالىق قاجەتتىلىكتەرىن وتەي الماي قينالادى»، — دەيدى ساۋلە قوزباقوۆا.

2018 جىلدىڭ 1 قاڭتارىنان باستاپ زەينەتاقى جيناق قورىنداعى اقشاسى كوپ دەگەندە 12 ايعا جەتەتىن زەينەتاقى مولشەرىنەن اسپايتىن زەينەتكەرلەر عانا ونى تولىقتاي شەشىپ الا الادى. ال قالعاندارىنا بۇلاي جاساۋعا تىيىم سالىنىپ، زەينەتاقى جيناق قورىنداعى اقشا تەك اي سايىن بەرىلەدى. 2018 جىلى بۇل كورسەتكىش 404 940 تەڭگە بولماق.

«مىسالى، ٴسىزدىڭ زەينەتاقى جيناق قورىڭىزداعى اقشانىڭ سوماسى 406 940 تەڭگە بولسا، ونى تولىعىمەن الا المايسىز. بۇل كونسەپسيا نورمالارى 2015 جىلى ازىرلەنسە دە، ەندى عانا زاڭدى كۇشىنە ەنەدى»، — دەيدى قوستاناي وبلىسىنداعى «بجزق» اق فيليالىنىڭ ديرەكتورى.

2018 جىلدىڭ 1 شىلدەسىنەن باستاپ زەينەتاقى جيناق قورىنداعى اقشا الۋشىنىڭ جۇمىس وتىلىنە قاراي تولەنەدى. جۇمىس ٴوتىلى 10 جىلدان اسقان زەينەتكەرلەرگە ەڭ از زەينەتاقى مولشەرىنىڭ 2%-ى قوسىلادى. ال جۇمىس ٴوتىلى 33 جىلدان اسقاندارعا ەڭ از زەينەتاقىنىڭ 100%-ى قوسىلادى.

اتالعان جۇيەگە سايكەس، 1998 جىلدىڭ 1 قاڭتارىنان باستاپ جۇمىس ىستەمەگەن زەينەتكەرلەرگە زەينەتاقى بەرىلمەيدى. مۇنىمەن قاتار، 2018 جىلدان باستاپ زەينەتاقى جاسىنىڭ وزگەرۋىنە قاتىستى زاڭ دا ٴوز كۇشىنە ەنەدى. ايەلدەردىڭ زەينەتكە شىعۋ جاسى جىل سايىن جارتى جىلعا ۇزارىپ وتىرادى.

«2027 جىلى ايەل ادامدار 63 جاستان باستاپ زەينەتكە شىعادى. سالىمشىلار وسى زاڭعا قاتىستى كوپ سۇراق قويادى. نەگە ەكەنى بەلگىسىز، كوپشىلىك ونىڭ زاڭدى كۇشىنە ەنبەيتىنىنە سەنىمدى. زاڭ قابىلداندى، ەندى 1 قاڭتاردان باستاپ ٴوز كۇشىنە ەنەدى»، — دەيدى «بجزق» فيليالى وپەراسيا ٴبولىمىنىڭ باسشىسى ەلەنا كيم.

2018 جىلى ايەلدەر 58،5 جاستان زەينەتكە شىقسا، 2019 جىلدىڭ 1 قاڭتارىنان باستاپ بۇل مەرزىم 59 جاسقا دەيىن ۇزارادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي