BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ۆاليۋتا نارىعىندا يۋان-تەڭگە ترانزاكسيالارىنىڭ تىكەلەي تەتىگىن ىسكە قوستىق – قىتايلىق قارجىگەر

الماتى، baq.kz. قحر ورتالىق بانكىنىڭ ٴۇرىمشى قالاسىنداعى پرەزيدەنتى گو سزيانۆەي قازاقستان قارجىگەرلەرىنىڭ ٴviiى كونگرەسىنىڭ سەسسياسىندا سويلەگەن سوزىندە قازاقستان جانە قىتاي اراسىنداعى ەكىجاقتى قارجىلىق ىنتىماقتاستىق تۋرالى ايتىپ بەردى.

«ٴبىز كەزدەسۋلەردىڭ ەكىجاقتى تەتىگىن ازىرلەدىك، ۆاليۋتالىق ەسەپ ايىرىسۋ تۋرالى كەلىسىمگە جانە سۆوپتار جونىندەگى كەلىسىمگە قول قويدىق، سونداي-اق ۆاليۋتا نارىعىندا يۋان-تەڭگە ترانزاكسيالارىنىڭ تىكەلەي تەتىگىن بىرلەسىپ ىسكە قوستىق»، - دەدى ول.

ونىڭ ايتۋىنشا، 2018 جىلدىڭ العاشقى ٴۇش توقسانىندا ەكىجاقتى ۆاليۋتالىق ەسەپ ايىرىسۋ 1،9 ميلليارد يۋانعا جۋىق بولدى.

گو سزيانۆەي جالپى كەلىسىمدى نەگىزگە الا وتىرىپ، قىتايدىڭ ونەركاسىپ جانە كوممەرسيالىق بانكىنىڭ (icbc) الماتى وكىلدىگى china interbank ۆاليۋتا نارىعىنىڭ مۇشەسى جانە ۆاليۋتا نارىعىنداعى وڭىرلىك بانكارالىق وپەراسيالارعا تارتىلعان العاشقى شەتەلدىك نارىقتاردىڭ ٴبىرى بولدى دەپ اتاپ ٴوتتى. بۇل كۇندەلىكتى يۋان-تەڭگە ترانزاكسيالارىنىڭ تىكەلەي تەتىگىن رەسمي تۇردە ٴىس قوسۋدى ٴبىلدىردى.

قحر بانكىنىڭ پرەزيدەنتى جەتەكشى دامىعان ەلدەردەگى پايىزدىق مولشەرلەمەلەردىڭ كوتەرىلۋى دامۋشى نارىقتارعا وراسان قىسىمعا الىپ كەلدى دەپ تولىقتىردى. وسى احۋال ۆاليۋتانىڭ قۇنسىزدانۋىنان جانە كاپيتالدىڭ اكەتىلۋىنەن قورعاۋ ٴۇشىن دامۋشى ەكونوميكالار اراسىنداعى ۆاليۋتالىق ىنتىماقتاستىقتىڭ قاجەتتىلىگىن اتاپ وتەدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي