BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ۇلتتىق بانك: تەڭگەنىڭ نارىقتىق باعامى السىرەدى

وتكەن اپتاداعى ساۋدا-ساتتىق قورىتىندىلارى بويىنشا تەڭگەنىڭ نارىقتىق باعامى ٴبىر اپتانىڭ ىشىندە 0،4%-عا السىرەدى، دەپ حابارلايدى baq.kz اقپارات اگەنتتىگى.

ۇلتتىق بانكتىڭ مالىمەتى بويىنشا 30 ناۋرىز بەن 6 ٴساۋىر ارالىعىندا ساۋدا-ساتتىق قورىتىندىلارىنا سايكەس تەڭگەنىڭ نارىقتىق باعامى 0،4%-عا (318،31-دەن) السىرەپ، ٴبىر اقش دوللارى ٴۇشىن 319،66 تەڭگە دەڭگەيىندە قالىپتاستى.

سىرتقى ۆاليۋتالىق نارىق تۇرعىسىنان 2018 جىلعى 30 ناۋرىزدان 6 ٴساۋىر ارالىعىنداعى ماڭىزدى وقيعالار اقش پەن ەۋروايماقتاعى حالىقتىڭ جۇمىسپەن قامتىلۋى بويىنشا دەرەكتەر، ەۋروايماقتاعى ينفلياسيانىڭ ٴوسۋى بويىنشا دەرەكتەر، فرج وكىلدەرىنىڭ مونەتارلىق ساياساتقا جانە ەكونوميكالىق وسۋگە قاتىستى تۇسىنىكتەمەلەرى، اقش-تىڭ قىتايمەن الەۋەتتىك ساۋدا –ساتتىق اياسىنداعى جاڭالىقتار بولدى. وسى فاكتورلار الەمدىك نارىقتاردا اقش دوللارى باعامىنىڭ ٴبىرشاما قۇبىلمالىعىنا اكەلدى.

ال، دامۋشى ەلدەردىڭ ۆاليۋتا باعامدارىنىڭ اقش دوللارىنا قاراعاندا سەرپىنى مىناداي تۇردە قالىپتاستى:

تۇرىك ليراسى ٴبىر جىل ىشىندە تۇتىنۋ باعاسى يندەكسىنىڭ 10،23%-عا ٴوسۋى اياسىندا 2،3%-عا (3،96-دان 4،05-كە دەيىن) السىرەدى، بۇل نىسانالىق دەڭگەيدەن (5%) جانە نارىقتىڭ كۇتۋىنەن (10،03%) جوعارى. ال، برازيليا رەالى برازيليانىڭ ەكس-پرەزيدەنتى لۋيس يناسيۋ لۋلا دا سيلۆانى سىبايلاس جەمقورلىق جاساعانى ٴۇشىن كىنالى دەپ تانۋ تۋرالى جوعارعى سوتتىڭ قاۋلىسىنىڭ جانە ونى 12 جىلعا باس بوستاندىعىنان ايىرۋ تۋرالى قاۋلىنىڭ اياسىندا 1،8% -عا (3،31-دەن 3،37-گە دەيىن) السىرەدى.

سونىمەن قاتار، وڭتۇستىك افريكا رەندى پرەزيدەنت سيريل رامافوزدىڭ eskom holdings soc ltd. (ەنەرگيامەن قامتۋ) جانە transnet soc ltd. (تەمىر جولدار مەن پورتتارعا قىزمەت كورسەتۋ) كومپانيالارىنداعى جەمقورلىق تۋرالى مالىمدەمەسىنىڭ اياسىندا 1،6%-عا (11،84-تەن 12،03 -كە دەيىن) السىرەدى.

رەسەي ٴرۋبلى رەسەيدىڭ اقش-تاعى پرەزيدەنتتىك سايلاۋعا ارالاسۋى ىقتيمالدىعىن زەرتتەۋ اياسىندا رەسەيدىڭ كەيبىر كومپانيالارىنا، شەنەۋنىكتەرى مەن ازاماتتارىنا قارسى سانكسيالاردى كەڭەيتۋ، سونداي-اق مۇناي باعاسىنىڭ السىرەۋى اياسىندا 1،3%-عا (57،34-تەن 58،10-عا دەيىن) تومەندەدى.

بۇدان باسقا، مەكسيكا پەسوسى 0،6%-عا (18،18-دەن 18،29-عا دەيىن)، يندونەزيا رۋپياسى 0،4%-عا (13 728-دەن 13 778–گە دەيىن) السىرەسە، ٴۇندىستان رۋپياسى 0،3%-عا (65،18-دەن 64،98-گە دەيىن) نىعايدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي