BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ۇلتتىق بانك تەڭگەنىڭ السىرەۋىنە قاتىستى تۇسىنىكتەمە بەردى

فوتو: ашық дереккөзден

قر ۇلتتىق بانكى ۆاليۋتا نارىعىنداعى احۋالعا قاتىستى تۇسىنىكتەمە بەردى، دەپ حابارلايدى baq.kz اقپارات اگەنتتىگى.

ۇلتتىق بانكتىڭ ٴباسپاسوز قىزمەتىنەن حابارلاعانداي2018 جىلعى 13 تامىزداعى تاڭعى سەسسيا قورىتىندىسى بويىنشا، 1 دوللار 363 تەڭگەنى قۇرادى. بۇل وتكەن كۇندەرمەن سالىستىرعاندا، تەڭگە 15 اقش دوللارىنا ٴوسىپ نەمەسە 1،8%-كە دەيىن قۇنسىزداندى.

«بۇل دامۋشى ەلدەر ۆاليۋتالارىنىڭ جالپى السىرەۋى ناتيجەسىندە بولىپ جاتقان قۇبىلىس»، - دەپ ٴتۇسىندىردى قر ۇلتتىق بانكىنەن.

دامۋشى ەلدەردىڭ اقشا نارىعىنداعى جاعداي گەوساياسي شيەلەنىستەن تۋىنداپ وتىر. سونداي-اق، اقش-تىڭ رەسەي، قىتاي، تۇركيا سياقتى ەلدەرگە سالىپ وتىرعان سانكسيالىق ساياساتىنىڭ كورىنىسى. بۇل ديپلوماتيالىق قاتىناستاردىڭ شيەلەنىسۋىنە اكەلىپ وتىر.

«اقش دوللارىنىڭ الەمدىك قارجى نارىعىنداعى جالپىلاما نىعايۋى بايقالادى. بۇل ەكونوميكاداعى وڭ تەندەنسيانىڭ ىقپالىندا اقش فەدەرالدى رەزەرۆ جۇيەسىنىڭ پايىزدىق مولشەرلەمەسىن كوتەرۋ جاعدايلارى بولجانۋدا. بۇل فاكتورلار دامۋشى ەلدەردىڭ نارىعىنداعى كاپيتالدىڭ دامىعان ەلدەر نارىعىنا قۇيىلۋىنا ىقپال ەتتى»، - دەلىنگەن حابارلامادا.

ايتا كەتەيىك ۇلتتىق بانك تەڭگە باعامىن ەركىن اينالىمعا جىبەرگەنى بەلگىلى. سوندىقتان دا تەڭگە كۋرسى فۋندامەنتالدى فاكتورلاردىڭ ىقپالىمەن، نارىقتىق جاعدايعا ساي قالىپتاسادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي