BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ۇلتتىق بانك «شارشى» كوللەكسيالىق مونەتالارىن اينالىمعا شىعاردى

الماتى، baq.kz. قازاقستان رەسپۋبليكاسىنىڭ ۇلتتىق بانكى نومينالى 500 تەڭگەلىك «دالا قازىناسى» مونەتالار سەرياسىنان «شارشى» كوللەكسيالىق مونەتالارىن اينالىمعا شىعارعاندىعىن حابارلادى.

«ٴاربىر حالىقتىڭ قولدانبالى ونەرىندە وزىنە ٴتان ەرەكشەلىگى، عاسىرلار بويى قالىپتاسقان ٴوز ورنەگى بولادى. شارشى – حالىقتىق ويۋ-ورنەك، ەرەكشەلىك بەلگىسى، بىزگە عاسىرلار قويناۋىنان جەتكەن گرافيكالىق كود»، -دەلىنگەن حابارلامادا.

«شارشى» مونەتالارى تۋرالى قىسقاشا اقپارات بەرسەك. مونەتانىڭ بەت جاعىندا (اۆەرسىندە) ورتالىق بولىگىندە «قازاقستان رەسپۋبليكاسى • republic of kazakhstan» دەگەن جازبانىڭ قورشاۋىندا قازاقستان رەسپۋبليكاسىنىڭ ەلتاڭباسى بەينەلەنگەن. مونەتانىڭ تومەنگى بولىگىندە نومينالىن بىلدىرەتىن «500 تەڭگە» دەگەن جازبا، جوعارى بولىگىندە سوعىلعان جىلى «2018» ورنالاسقان. سول جانە وڭ جاقتان مونەتا دايىندالعان مەتالدى، ونىڭ سىنامىن جانە ماسساسىن بىلدىرەتىن «ag 925» جانە «24g» دەگەن جازبالار ورنالاسقان. اينالدىرا ەكى جازبا – «شارشى» جانە رۋلىق قازاق بەلگىلەرىنەن (تاڭبا) الىنعان، مونەتانىڭ لاتىن ترانسكريپسياسىنداعى اتاۋى – «sharshy» ورنالاسقان.

مونەتانىڭ سىرت جاعىنداعى ورتالىق بولىگىندە التىنداتىلعان ۇلتتىق ويۋ-ورنەك جانە «شارشى» مەن «sharshy» دەگەن ەكى جازبا ورنالاسقان.

مونەتا ٴتورت قىرلى 31ح31 مم، سونداي-اق 925 سىنامالى كۇمىستەن جاسالعان، ماسساسى – 24 گرامم، دايىنداۋ ساپاسى – «proof»، تارالىمى – 2 مىڭ دانا.

نومينالى 500 تەڭگەلىك كوللەكسيالىق مونەتالار قازاقستان رەسپۋبليكاسىنىڭ بۇكىل اۋماعىندا كورسەتىلگەن قۇنىمەن تولەمنىڭ بارلىق تۇرلەرى بويىنشا، سونداي-اق بانك شوتتارىنا ەسەپتەۋ ٴۇشىن جانە اۋدارىم جاساۋ ٴۇشىن قابىلدانۋعا مىندەتتى، قازاقستان رەسپۋبليكاسىنىڭ بارلىق بانكتەرىندە شەكتەۋسىز ۇساقتالادى جانە ايىرباستالادى.

كوللەكسيالىق مونەتالاردى «قازاقستان رەسپۋبليكاسى ۇلتتىق بانكىنىڭ قازاقستان تەڭگە سارايى» شارۋاشىلىق جۇرگىزۋ قۇقىعىنداعى رەسپۋبليكالىق مەملەكەتتىك كاسىپورنى دايىنداعان.

«مونەتالاردىڭ ديزاينى قازاقستان رەسپۋبليكاسى پرەزيدەنتىنىڭ 2003 جىلعى 25 قىركۇيەكتەگى № 1193 جارلىعىمەن بەكىتىلگەن قازاقستان تەڭگەسى – ۇلتتىق ۆاليۋتا بانكنوتتارى مەن مونەتالارى ديزاينىنىڭ تۇجىرىمداماسىنا سايكەس ازىرلەنگەن»، -دەلىنگەن حابارلامادا.

سونىمەن قاتار، مونەتالار كوللەكسيالىق قۇنى بويىنشا ساتۋعا ارنالعان.

«كۇمىس مونەتالار كادەسىيلىق وراۋمەن شىعارىلادى جانە قازاقستان رەسپۋبليكاسى ۇلتتىق بانكىنىڭ مەملەكەتتىك، ورىس جانە اعىلشىن تىلدەرىندەگى نومىرلىك ساپا سەرتيفيكاتىمەن جابدىقتالعان»، -دەلىنگەن حابارلامادا.

كوللەكسيالىق مونەتالاردى قازاقستان رەسپۋبليكاسى ۇلتتىق بانكىنىڭ بارلىق اۋماقتىق فيليالدارىندا، سونداي-اق www.nationalbank.kz سايتىنىڭ ينتەرنەت-دۇكەنى ارقىلى ساتىپ الۋعا بولادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي